Komitet májilisi bolıp ótti
Májilis kún tártibinde «Qaraqalpaqstan Respublikasınıń ayırım nızamlarına ózgeris hám qosımshalar kirgiziw haqqında»ǵı Nızam joybarın dodalaw hám Joqarǵı Keńes Prezidiumına usınıw, sonday-aq Ózbekstan Respublikası Joqarǵı sudınıń «Nókis qalası hám rayon hákimleri tárepinen qabıl etilgen qararları haqqında»ǵı usınısı boyınsha parlamentlik sorawın Joqarǵı Keńestiń gezektegi sessiyasına alıp shıǵıw máselesi qaraldı.
Májiliske Joqarǵı Keńestiń Nızamlılıq, sud-huqıq hám korrupciyaǵa qarsı gúresiw máseleleri komitetine aǵza deputatlar, tiyisli mákeme basshıları qatnastı.
Májiliste ózgeris hám qosımshalar kirgiziliwi rejelestirilgen Qaraqalpaqstan Respublikasınıń 12 nızamı dodalanıp, mámleketlik basqarıw uyımları basshılarınıń pikir hám usınısları tıńlandı.
Sonıń menen birge, Ózbekstan Respublikası Joqarǵı sudınıń usınısı boyınsha hákimlikler tárepinen qabıl etilgen qararlarda jol qoyılǵan qáte kemshilikler, sud qararların múddetinde orınlamay kiyatırǵan jaǵdaylar sın kóz qarastan dodalanıp, wákillikli uyımlarǵa parlamentlik sorawın jollaw haqqındaǵı komitettiń sheshimi qabıl etildi.
Qaraqalpaqstan Respublikası Joqarǵı Keńesiniń Málimleme xızmeti