Ózbekstan hám Qazaqstan Prezidentleriniń telefon arqalı sóylesiwi bolıp ótti
2047
Ózbekstan Respublikası Prezidenti Shavkat Mirziyoev 16-mart kúni Qazaqstan Respublikası Prezidenti Qasım-Jomart Toqaev penen telefon arqalı sóylesti.
Mámleket basshıları eki tárepleme múnásibetler kún tártibi hám Oraylıq Aziyada regionlıq birge islesiwdiń áhmiyetli máselelerin dodaladı.
Jáhán ekonomikasındaǵı krizisli hádiyselerdiń keri aqıbetlerin kemeytiw maqsetinde jaqınnan birge islesiwdi dawam ettiriw hám is-háreketlerdi nátiyjeli muwapıqlastırıwǵa ayrıqsha itibar qaratıldı.
Eki tárepleme sawda kóleminiń ósiw pátin támiyinlew, sanaat, energetika, awıl xojalıǵı, azıq-awqat hám toqımashılıq tarmaqları, transport hám logistika tarawlarında iri kooperaciya joybarların ámelge asırıwdı jedellestiriw ushın qolaylı sharayatlar jaratıw, sonıń menen birge, materiallıq-gumanitar almasıw baǵdarlaması sheńberindegi qospa ilajlardı belsene ótkeriw zárúrligi atap ótildi.
Sóylesiw juwmaǵında mámleket basshıları jaqınlasıp kiyatırǵan báháriy áyyam – Nawrız múnásibeti menen bir-birin shın júrekten qutlıqlap, biradar xalıqlarımızǵa tınıshlıq-tatıwlıq, párawanlıq hám rawajlanıw tiledi.
Sáwbet ashıq hám doslıq ruwxında ótti.