Qaraqalpaqstan Respublikası Joqarǵı Keńesiniń jigirma altınshı sessiyası haqqında málimleme
1888
19-mart kúni Qaraqalpaqstan Respublikası Joqarǵı Keńesiniń jigirma altınshı sessiyası bolıp ótti.
Sessiyaǵa Ózbekstan Respublikası Oliy Majlisi Senatı, Qaraqalpaqstan Respublikası húkimeti aǵzaları, sektorlardıń hám tarawlardıń basshıları, ǵalaba xabar qurallarınıń wákilleri, sonday-aq, Joqarǵı Keńestiń deputatları qatnastı.
Sessiyanı Qaraqalpaqstan Respublikası Joqarǵı Keńesiniń Baslıǵı M.Kamalov kiris sóz benen ashtı hám basqarıp bardı.
Dáslep deputatlar sessiyanıń Sekretariatın sayladı hám kún tártibin tastıyıqladı.
Sessiya kún tártibindegi dáslepki másele boyınsha «Toǵay haqqında»ǵı Qaraqalpaqstan Respublikası Nızamınıń (jańa redakciyada) joybarı tuwralı Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri boyınsha komiteti baslıǵı D.Utambetov bayanat jasadı.
«Toǵay haqqında»ǵı Qaraqalpaqstan Respublikasınıń ámeldegi Nızamı bunnan 22 jıl aldın yaǵnıy 1999-jıl 28-avgustta qabıl etilgen. Usı Nızam qabıl etilgen waqıttan berli ótken dáwir ishinde, mámleketimizde demokratiyalıq reformalar tereńlestirilip, ekonomikanı liberallastırıw boyınsha maqsetli siyasat alıp barıldı. Nátiyjede barlıq tarawlarda túp-tiykarınan unamlı ózgerisler júz berdi.
Bunday jaǵdaylarda ámeldegi Nızamda túrli boslıqlardıń, huqıqıy qaǵıydalardıń, ayrım normalardıń taraw menen baylanıslı basqa da nızam hújjetlerdiń normaları óz-ara qayshı keliwi bir qatar wazıypalardıń orınlanıwın támiyinlewde kóp ǵana mashqalalardı keltirip shıǵarmaqta.
Sonlıqtan ámeldegi nızamnıń 40 statyasına ózgeris hám qosımshalar kiritiw, 15 statyaǵa jańadan qosımsha normalardı kiritiw hámde jańadan 22 statya kiritiw usınıs etildi.
Ámeldegi Nızamnıń normalarına kiritilip atırǵan ózgerisler hám qosımshalar, jańa statyalar menen toltırılıwı mámleketlik toǵay qorı, ondaǵı flora hám faunanı qorǵaw, sonday-aq, toǵaylardan nátiyjeli paydalanıwdıń nızamlı tiykarların jáne de bekkemlewge, nızamdı qollanıw nátiyjeliligin arttırıwǵa xızmet etedi.
Nızam joybarı boyınsha 35-sanlı “Qıpshaq” saylaw okruginen Joqarǵı Keńes deputatı Ya.Eshmuratov sózge shıqtı.
Deputatlar bul másele boyınsha tiyisli qarar qabıl etti.
Sessiya kún tártibindegi keyingi másele «Qaraqalpaqstan Respublikası Ministrler Keńesi haqqında»ǵı Qaraqalpaqstan Respublikası Nızamınıń (jańa redakciyada) joybarı tuwralı bolıp, bul másele boyınsha Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri boyınsha komiteti baslıǵı Z.Reymova bayanat jasadı.
Bayanatta atap ótilgenindey hárekettegi Nızam 6 bólim 21 statyadan ibarat bolsa, islep shıǵılǵan jańa redakciyadaǵı Nızam joybarı 11 bap hám 52 statyadan ibarat bolıp, bul Nızamnıń qabıl etiliwi arqalı tómendegi nátiyjelerge erisiledi.
Yaǵnıy, Ministrler Keńesi jumısın shólkemlestiriwdiń sapası jaǵınan jańa, nátiyjeli usıllar hám zamanagóy mexanizmler engiziledi.
Húkimet aǵzalarınıń mámleketlik siyasattı ámelge asırıw hám ózlerine biriktirilgen tarawlarda anıq nátiyjelerge erisiw ushın jeke juwapkershiligi asırıladı.
Ministrler Keńesiniń tarmaq hám tarawlardaǵı wákillikleri anıq belgilep berilgen halda onıń bul tarawlardı rawajlandırıw boyınsha juwapkershiligi kúsheyttiriledi.
Tarawǵa tiyisli huqıqtı qollaw ámeliyatınıń anıq hám birdey bolıwı támiyinleniwine erisiledi.
Bul másele boyınsha Qaraqalpaqstan Respublikası Ádillik ministri Saylawbay Mambetkadırov sózge shıqtı.
Deputatlar bul másele boyınsha tiyisli qarar qabıl etti.
Sonday-aq, sessiyada Májbúriy orınlaw byurosı Qaraqalpaqstan Respublikası basqarması tárepinen 2021-jıldıń ekinshi yarımında ámelge asırılǵan jumısları haqqında Májbúriy orınlaw byurosı Qaraqalpaqstan Respublikası basqarması baslıǵınıń esabatı tıńlandı.
Bul másele boyınsha Májbúriy orınlaw byurosı Qaraqalpaqstan Respublikası basqarması baslıǵı I.Arziev sózge shıqtı.
Onda atap ótilgenindey, Ózbekstan Respublikası Prezidenti tárepinen qabıl etilgen Párman hám Qarar talapların orınlaw maqsetinde 2021-jıldıń ekinshi yarımında Májbúriy orınlaw byurosı Qaraqalpaqstan Respublikası basqarması, hám onıń qala, rayon bólimleri tárepinen is júritiwdegi salıq qarızdarlıǵın óndiriw menen baylanıslı orınlaw hújjetleri boyınsha 443 mlrd. 385 mln. swm, jınayat nátiyjesinde mámleketke jetkizilgen zıyanlardı óndiriw menen baylanıslı orınlaw hújjetleri boyınsha 865,6 mln. swm, mámleketlik bajı óndiriw menen baylanıslı orınlaw hújjetleri boyınsha 14 mlrd. 268,8 mln. swm hám hákimshilik járiymalardı óndiriw menen baylanıslı orınlaw hújjetleri boyınsha 4 mlrd. 248 mln. swm óndirilgen.
Bunnan basqa, bankler paydasına kredit qarızdarlıqların óndiriw menen baylanıslı is júritiwdegi 632 mlrd. 918,6 mln. swmlıq 11 416 orınlaw hújetlerinen 374 mlrd. 209,2 mln. swmlıq 4 643 orınlaw hújjetleri tamamlanıp, sonnan alıp barılǵan jumıslar nátiyjesinde 111 mlrd. 257,9 mln. swmlıq qarızdarlıq óndiriliwi támiyinlengen.
Deputatlar bul másele boyınsha tiyisli qarar qabıl etti.
Sessiya kún tártibinen orın alǵan jáne bir másele Qaraqalpaqstan Respublikası Ekologiya hám qorshaǵan ortalıqtı qorǵaw komitetiniń 2021-jıl dawamında ámelge asırılǵan jumısları haqqındaǵı Qaraqalpaqstan Respublikası Ekologiya xám qorshaǵan ortalıqtı qorǵaw komiteti baslıǵınıń esabatı boldı.
Ótken bir jıl dawamında komitet tárepinen atmosfera hawasına shıǵarılatuǵın shıǵındılardıń sheklengen muǵdarın belgilewshi 61 joybar, qorshaǵan ortalıqqa turmıslıq shıǵındılardı jaylastırıwdıń sheklengen muǵdarın belgilewshi 33 joybar, aqaba shıǵındı suwların taslawdıń sheklengen muǵdarın belgilewshi 14 joybar hújjetleri kórip shıǵılǵan hám ekologiyalıq ekspertiza juwmaqları berilgen.
Respublikamız aymaǵındaǵı mámleketlik toǵay qorına kirmeytuǵın terek hám putalardıń qımbat bahalı sortları kesiliwine járiyalanǵan moratoriy dáwirinde 2021-jılda toǵay fondı jerlerine kirmeytuǵın 165 mıń 822 túp terek hám putalardı kesiwge ruxsat beriw boyınsha fizikalıq hám yuridikalıq shaxslardan 106 múrájatlar kelip túsken. Sonnan, 63 múrájat boyınsha ayırıqsha bahaǵa iye bolmaǵan 2733 túp tereklerdi kesiw hám forma beriwge ruxsat berilgen bolsa, 43 múrájattaǵı 163 mıń 89 túp torańǵıl, tut, jiyde hám basqa putalı ósimliklerdiń kesiliwine ruxsat berilmesten saqlap qalıwǵa erisilgen.
Deputatlar bul másele boyınsha tiyisli qarar qabıl etti.
Sessiya májilisi kún tártibinde 2021-jıldıń ekinshi yarımında orınlardaǵı norma dóretiwshiligi jumısları hámde huqıqtı qollanıw ámeliyatınıń jaǵdayları haqqında Qaraqalpaqstan Respublikası Ádillik ministriniń málimlemesi de tıńlandı.
Qaraqalpaqstan Respublikası ádillik ministri S.Mambetkadirovtıń málim etiwinshe 2021-jıl dawamında ministrlik hám qala, rayonlıq ádillik bólimleri tárepinen bir qatar jumıslar ámelge asırılǵan.
Atap aytqanda, insan huqıqların qorǵaw boyınsha ministrlikke jámi 4 692 múrájat kelip túsip, sudlarǵa 9 mlrd. 363 mln. swmlıq dawa arzalar kirgizilip, puqaralardıń huqıqları tiklengen.
Sonday-aq, huqıqtı qollaw ámeliyatın úyreniw jaǵdayı yaǵnıy, nızamlardıń durıs orınlanıwı boyınsha mámleketlik uyım hám shólkemlerde úyreniwler ótkerilip, bir qatar nızam buzıwshılıq jaǵdayları anıqlanǵan.
Úyreniwler nátiyjelerine kóre, Xalıq bilimlendiriw mákemelerine 258, Densawlıqtı saqlaw mákemelerine 115, Miynet qatnasıqları tarawında 89, jergilikli hákimiyat uyımlarına 157 hám basqa da kárxana, mákemelerge 608 usınıslar kirgizilgen. Bunnan tısqarı 322 hákimshilik usınıslar, 1 374 eskertiwler tiyisli uyım hám shólkemlerge jiberilip, 419 juwaplı xızmetkerler intizamiy juwapkershilikke, 7 shaxs jınayıy juwapkershilikke tartılǵan.
Sonday-aq, Ádillik ministrligi tárepinen mámleketlik uyımlardıń 269 qararı biykar etilip, puqaralardıń 6 mlrd. 487 mln. swm muǵdarındaǵı pul qarjıları qaytarılıwına erisilgen.
Deputatlar bul másele boyınsha tiyisli qarar qabıl etti.
Sessiya kún tártibinen Qaraqalpaqstan Respublikasında ishimlik suw hám aqaba suw sistemasın jaqsılawǵa qaratılǵan qosımsha ilajlar haqqındaǵı másele de orın aldı.
Bul másele boyınsha Ministrler Keńesi Baslıǵınıń orınbasarı E.Atashovtıń esabatı tıńlandı.
2021-jıldıń mánzilli dástúrine muwapıq, maqsetli jamǵarmalar hám de Mámleketlik byudjetleri qarjıları esabınan jámi 180 mlrd. 715 mln. swmlıq bolǵan 131 ishimlik suw hám de aqaba suw támiynatı obektleriniń qurılıs-montaj jumısların ámelge asırıw belgilenip, belgilengen qurılıs jumıslarınan 1-yanvar jaǵdayına obektlerde 166 mlrd. 843 mln. swmlıq (92,3%) qurılıs-montaj jumısları orınlanǵan, 115 dana obektlerde qurılıs-montaj jumısları juwmaqlanıp, paydalanıwǵa tapsırılǵan. Nátiyjede 95 mıńnan aslam xalıq taza ishimlik suw menen támiyinlengen. Tarawda ámelge asırılǵan jumıslardı prezentaciya járdeminde tolıq tanıstırdı.
Deputatlar bul másele boyınsha tiyisli qarar qabıl etti.
Hákimler tárepinen qararlar qabıl etiliwinde nızam hújjetlerine ámel etiliwi jaǵdayı boyınsha Qaraqalpaqstan Respublikası Ministrler Keńesine parlamentlik soraw jiberiw, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw tuwralı máseleler kórip shıǵılıp, bul boyınsha da deputatlar tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń jigirma altınshı sessiyası óz jumısın juwmaqladı.
Dáslep deputatlar sessiyanıń Sekretariatın sayladı hám kún tártibin tastıyıqladı.
Sessiya kún tártibindegi dáslepki másele boyınsha «Toǵay haqqında»ǵı Qaraqalpaqstan Respublikası Nızamınıń (jańa redakciyada) joybarı tuwralı Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri boyınsha komiteti baslıǵı D.Utambetov bayanat jasadı.
«Toǵay haqqında»ǵı Qaraqalpaqstan Respublikasınıń ámeldegi Nızamı bunnan 22 jıl aldın yaǵnıy 1999-jıl 28-avgustta qabıl etilgen. Usı Nızam qabıl etilgen waqıttan berli ótken dáwir ishinde, mámleketimizde demokratiyalıq reformalar tereńlestirilip, ekonomikanı liberallastırıw boyınsha maqsetli siyasat alıp barıldı. Nátiyjede barlıq tarawlarda túp-tiykarınan unamlı ózgerisler júz berdi.
Bunday jaǵdaylarda ámeldegi Nızamda túrli boslıqlardıń, huqıqıy qaǵıydalardıń, ayrım normalardıń taraw menen baylanıslı basqa da nızam hújjetlerdiń normaları óz-ara qayshı keliwi bir qatar wazıypalardıń orınlanıwın támiyinlewde kóp ǵana mashqalalardı keltirip shıǵarmaqta.
Sonlıqtan ámeldegi nızamnıń 40 statyasına ózgeris hám qosımshalar kiritiw, 15 statyaǵa jańadan qosımsha normalardı kiritiw hámde jańadan 22 statya kiritiw usınıs etildi.
Ámeldegi Nızamnıń normalarına kiritilip atırǵan ózgerisler hám qosımshalar, jańa statyalar menen toltırılıwı mámleketlik toǵay qorı, ondaǵı flora hám faunanı qorǵaw, sonday-aq, toǵaylardan nátiyjeli paydalanıwdıń nızamlı tiykarların jáne de bekkemlewge, nızamdı qollanıw nátiyjeliligin arttırıwǵa xızmet etedi.
Nızam joybarı boyınsha 35-sanlı “Qıpshaq” saylaw okruginen Joqarǵı Keńes deputatı Ya.Eshmuratov sózge shıqtı.
Deputatlar bul másele boyınsha tiyisli qarar qabıl etti.
Sessiya kún tártibindegi keyingi másele «Qaraqalpaqstan Respublikası Ministrler Keńesi haqqında»ǵı Qaraqalpaqstan Respublikası Nızamınıń (jańa redakciyada) joybarı tuwralı bolıp, bul másele boyınsha Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri boyınsha komiteti baslıǵı Z.Reymova bayanat jasadı.
Bayanatta atap ótilgenindey hárekettegi Nızam 6 bólim 21 statyadan ibarat bolsa, islep shıǵılǵan jańa redakciyadaǵı Nızam joybarı 11 bap hám 52 statyadan ibarat bolıp, bul Nızamnıń qabıl etiliwi arqalı tómendegi nátiyjelerge erisiledi.
Yaǵnıy, Ministrler Keńesi jumısın shólkemlestiriwdiń sapası jaǵınan jańa, nátiyjeli usıllar hám zamanagóy mexanizmler engiziledi.
Húkimet aǵzalarınıń mámleketlik siyasattı ámelge asırıw hám ózlerine biriktirilgen tarawlarda anıq nátiyjelerge erisiw ushın jeke juwapkershiligi asırıladı.
Ministrler Keńesiniń tarmaq hám tarawlardaǵı wákillikleri anıq belgilep berilgen halda onıń bul tarawlardı rawajlandırıw boyınsha juwapkershiligi kúsheyttiriledi.
Tarawǵa tiyisli huqıqtı qollaw ámeliyatınıń anıq hám birdey bolıwı támiyinleniwine erisiledi.
Bul másele boyınsha Qaraqalpaqstan Respublikası Ádillik ministri Saylawbay Mambetkadırov sózge shıqtı.
Deputatlar bul másele boyınsha tiyisli qarar qabıl etti.
Sonday-aq, sessiyada Májbúriy orınlaw byurosı Qaraqalpaqstan Respublikası basqarması tárepinen 2021-jıldıń ekinshi yarımında ámelge asırılǵan jumısları haqqında Májbúriy orınlaw byurosı Qaraqalpaqstan Respublikası basqarması baslıǵınıń esabatı tıńlandı.
Bul másele boyınsha Májbúriy orınlaw byurosı Qaraqalpaqstan Respublikası basqarması baslıǵı I.Arziev sózge shıqtı.
Onda atap ótilgenindey, Ózbekstan Respublikası Prezidenti tárepinen qabıl etilgen Párman hám Qarar talapların orınlaw maqsetinde 2021-jıldıń ekinshi yarımında Májbúriy orınlaw byurosı Qaraqalpaqstan Respublikası basqarması, hám onıń qala, rayon bólimleri tárepinen is júritiwdegi salıq qarızdarlıǵın óndiriw menen baylanıslı orınlaw hújjetleri boyınsha 443 mlrd. 385 mln. swm, jınayat nátiyjesinde mámleketke jetkizilgen zıyanlardı óndiriw menen baylanıslı orınlaw hújjetleri boyınsha 865,6 mln. swm, mámleketlik bajı óndiriw menen baylanıslı orınlaw hújjetleri boyınsha 14 mlrd. 268,8 mln. swm hám hákimshilik járiymalardı óndiriw menen baylanıslı orınlaw hújjetleri boyınsha 4 mlrd. 248 mln. swm óndirilgen.
Bunnan basqa, bankler paydasına kredit qarızdarlıqların óndiriw menen baylanıslı is júritiwdegi 632 mlrd. 918,6 mln. swmlıq 11 416 orınlaw hújetlerinen 374 mlrd. 209,2 mln. swmlıq 4 643 orınlaw hújjetleri tamamlanıp, sonnan alıp barılǵan jumıslar nátiyjesinde 111 mlrd. 257,9 mln. swmlıq qarızdarlıq óndiriliwi támiyinlengen.
Deputatlar bul másele boyınsha tiyisli qarar qabıl etti.
Sessiya kún tártibinen orın alǵan jáne bir másele Qaraqalpaqstan Respublikası Ekologiya hám qorshaǵan ortalıqtı qorǵaw komitetiniń 2021-jıl dawamında ámelge asırılǵan jumısları haqqındaǵı Qaraqalpaqstan Respublikası Ekologiya xám qorshaǵan ortalıqtı qorǵaw komiteti baslıǵınıń esabatı boldı.
Ótken bir jıl dawamında komitet tárepinen atmosfera hawasına shıǵarılatuǵın shıǵındılardıń sheklengen muǵdarın belgilewshi 61 joybar, qorshaǵan ortalıqqa turmıslıq shıǵındılardı jaylastırıwdıń sheklengen muǵdarın belgilewshi 33 joybar, aqaba shıǵındı suwların taslawdıń sheklengen muǵdarın belgilewshi 14 joybar hújjetleri kórip shıǵılǵan hám ekologiyalıq ekspertiza juwmaqları berilgen.
Respublikamız aymaǵındaǵı mámleketlik toǵay qorına kirmeytuǵın terek hám putalardıń qımbat bahalı sortları kesiliwine járiyalanǵan moratoriy dáwirinde 2021-jılda toǵay fondı jerlerine kirmeytuǵın 165 mıń 822 túp terek hám putalardı kesiwge ruxsat beriw boyınsha fizikalıq hám yuridikalıq shaxslardan 106 múrájatlar kelip túsken. Sonnan, 63 múrájat boyınsha ayırıqsha bahaǵa iye bolmaǵan 2733 túp tereklerdi kesiw hám forma beriwge ruxsat berilgen bolsa, 43 múrájattaǵı 163 mıń 89 túp torańǵıl, tut, jiyde hám basqa putalı ósimliklerdiń kesiliwine ruxsat berilmesten saqlap qalıwǵa erisilgen.
Deputatlar bul másele boyınsha tiyisli qarar qabıl etti.
Sessiya májilisi kún tártibinde 2021-jıldıń ekinshi yarımında orınlardaǵı norma dóretiwshiligi jumısları hámde huqıqtı qollanıw ámeliyatınıń jaǵdayları haqqında Qaraqalpaqstan Respublikası Ádillik ministriniń málimlemesi de tıńlandı.
Qaraqalpaqstan Respublikası ádillik ministri S.Mambetkadirovtıń málim etiwinshe 2021-jıl dawamında ministrlik hám qala, rayonlıq ádillik bólimleri tárepinen bir qatar jumıslar ámelge asırılǵan.
Atap aytqanda, insan huqıqların qorǵaw boyınsha ministrlikke jámi 4 692 múrájat kelip túsip, sudlarǵa 9 mlrd. 363 mln. swmlıq dawa arzalar kirgizilip, puqaralardıń huqıqları tiklengen.
Sonday-aq, huqıqtı qollaw ámeliyatın úyreniw jaǵdayı yaǵnıy, nızamlardıń durıs orınlanıwı boyınsha mámleketlik uyım hám shólkemlerde úyreniwler ótkerilip, bir qatar nızam buzıwshılıq jaǵdayları anıqlanǵan.
Úyreniwler nátiyjelerine kóre, Xalıq bilimlendiriw mákemelerine 258, Densawlıqtı saqlaw mákemelerine 115, Miynet qatnasıqları tarawında 89, jergilikli hákimiyat uyımlarına 157 hám basqa da kárxana, mákemelerge 608 usınıslar kirgizilgen. Bunnan tısqarı 322 hákimshilik usınıslar, 1 374 eskertiwler tiyisli uyım hám shólkemlerge jiberilip, 419 juwaplı xızmetkerler intizamiy juwapkershilikke, 7 shaxs jınayıy juwapkershilikke tartılǵan.
Sonday-aq, Ádillik ministrligi tárepinen mámleketlik uyımlardıń 269 qararı biykar etilip, puqaralardıń 6 mlrd. 487 mln. swm muǵdarındaǵı pul qarjıları qaytarılıwına erisilgen.
Deputatlar bul másele boyınsha tiyisli qarar qabıl etti.
Sessiya kún tártibinen Qaraqalpaqstan Respublikasında ishimlik suw hám aqaba suw sistemasın jaqsılawǵa qaratılǵan qosımsha ilajlar haqqındaǵı másele de orın aldı.
Bul másele boyınsha Ministrler Keńesi Baslıǵınıń orınbasarı E.Atashovtıń esabatı tıńlandı.
2021-jıldıń mánzilli dástúrine muwapıq, maqsetli jamǵarmalar hám de Mámleketlik byudjetleri qarjıları esabınan jámi 180 mlrd. 715 mln. swmlıq bolǵan 131 ishimlik suw hám de aqaba suw támiynatı obektleriniń qurılıs-montaj jumısların ámelge asırıw belgilenip, belgilengen qurılıs jumıslarınan 1-yanvar jaǵdayına obektlerde 166 mlrd. 843 mln. swmlıq (92,3%) qurılıs-montaj jumısları orınlanǵan, 115 dana obektlerde qurılıs-montaj jumısları juwmaqlanıp, paydalanıwǵa tapsırılǵan. Nátiyjede 95 mıńnan aslam xalıq taza ishimlik suw menen támiyinlengen. Tarawda ámelge asırılǵan jumıslardı prezentaciya járdeminde tolıq tanıstırdı.
Deputatlar bul másele boyınsha tiyisli qarar qabıl etti.
Hákimler tárepinen qararlar qabıl etiliwinde nızam hújjetlerine ámel etiliwi jaǵdayı boyınsha Qaraqalpaqstan Respublikası Ministrler Keńesine parlamentlik soraw jiberiw, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw tuwralı máseleler kórip shıǵılıp, bul boyınsha da deputatlar tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń jigirma altınshı sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń Málimleme xızmeti