Kem támiyinlengen 30 shańaraqqa turaq jay tapsırıldı
2366
Usı jılı 28-avgust kúni Qaraózek rayonında Nókis qalasınan, Qaraózek, Kegeyli, Ámiwdárya. Shomanay, Qanlıkól, Qońırat, Xojeli, Ellikqala, Shımbay, jańadan shólkemlestirilgen Bozataw rayonlarınan kem támiyinlengen 30 shańaraqqa Ózbekstan kásiplik awqamları Federaciyasınıń qáwenderliginde jańa turaq jaylardı tapsırıw saltanatı bolıp ótti.
Ilajda Qaraqalpaqstan Respublikası Joqarǵı Keńesi Baslıǵınıń orınbasarı A.Hamraev, Ózbekstan kásiplik awqamları Federaciyasınıń Qaraqalpaqstan kásiplik awqamları shólkemleri birlespesi Keńesiniń baslıǵı U.Jálmenov, Qaraózek rayonınıń hákimi R.Jumabaev jıynalǵanlardı elimiz ǵárezsizliginiń 28 jıllıq bayramı menen qutlıqlap, Prezidentimizdiń basshılıǵında mámleketimizde kem támiyinlengen, járdemge mútáj shańaraqlarǵa, mayıplıǵı bolǵan shaxslarǵa kórsetilip atırǵan ilajlarǵa toqtap ótti.
Atap ótilgenindey, Ózbekstan Respublikası Prezidentiniń 2017-jıl 12-sentyabrdegi «Xalıqtıń kem támiyinlengen qatlamların qollap-quwatlawǵa baylanıslı qosımsha ilajlar haqqında»ǵı qararınıń orınlanıwın támiyinlew boyınsha Ózbekstan kásiplik awqamları Federaciyası tárepinen elimiz boylap keń kólemli qayırqomlıq ilajları alıp barılmaqta. Bul boyınsha mánzilli baǵdarlama islep shıǵılıp, biziń respublikamızdıń ózinen 112 shańaraqtı jańa turaq jay menen támiyinlew, 560 shańaraqtıń turaq jayın ońlap beriw, 192 shańaraqqa medicinalıq xızmet kórsetiw, 3444 shańaraqtı elektr xojalıq buyımları menen támiyinlew názerde tutılǵan. Usı maqsetler ushın Ózbekstan kásiplik awqamları Federaciyası tárepinen 17 milliard 511 million sumnan zıyat qarjı ajıratıldı.
Sonnan usı kúnge shekem 3444 shańaraq 3 milliard 125,6 million sumlıq elektr xojalıq buyımları menen támiyinlendi. Respublikamız boyınsha 190 puqaraǵa medicinalıq járdem kórsetildi. Bul maqsetke 731 million 734,2 mıń sum jumsaldı.
Usı jıldıń fevral ayında Taxtakópir rayonında 6, mart ayında Taqıyatas rayonında respublikamız boyınsha 60, iyun ayında Tórtkúl rayonında 5, jámi 71 kem támiyinlengen shańaraqqa turaq jay tapsırılǵan edi. Búgin usı iygilikli islerdiń dawamı sıpatında 30 shańaraqqa turaq jaylardıń gilti tapsırılmaqta. Bul ilajdıń elimiz boylap «Janajan Ózbekstanım, máńgi bol aman!» súreni astında keń túrde belgilenip atırǵan ǵárezsizligimizdiń 28 jıllıq bayramı aldınan ótkerilip atırǵanı áhmiyetli.
Jańa turaq jay iyelerinen Qaraózek rayonınan Olga Aymuratova, Kegeyli rayonınan Bazarbay Erjanov, Ellikqala rayonınan Yulduz Atamuratova hám basqalar shıǵıp sóylep, kem támiyinlengen shańaraqlarǵa, járdemge mútáj hám mayıplıǵı bolǵan shaxslarǵa kórsetilip atırǵan ǵamqorlıǵı ushın Prezidentimizge minnetdarshılıǵın bildirdi.
-Turaq jayım janıp ketkenligi sebepli balam, kelinim, aqlıqlarım menen usı kúnge shekem kireyde jasap keldim,-deydi Nókis rayonı «Qutankól» mákan puqaralar jıyınınan Zinaxan Sultamuratova.-Meniń shańaraq jaǵdayımdı esapqa alıp, kásiplik awqam tárepinen bes xanalı turaq jay alıp berildi. Elimizde járdemge mútáj shańaraqlar hámiyshe mámleketimizdiń ǵamqorlıǵında eken. Bunday ǵamqorlıǵı ushın Prezidentimizge shın júrekten alǵısımdı bildiremen.
Ellikqala rayonı «Doslıq» awıl puqaralar jıyını aymaǵında jasawshı Yulduz Atamuratovaǵa jańa turaq jaydıń gilti tapsırılǵanda kózine jas almaǵan insan bolmasa kerek. Birinshi topar mayıplıǵı bolǵan ol bir inisi menen ata-anasız qaldı. Jaqında rayon hákimligi inisiniń úylengen toyın ótkerip berdi. Ol da ózi turatuǵın aymaqtan jańa turaq jay menen támiyinlendi.
Qatnasıwshılar jańa turaq jaylarda jaratılǵan sharayatlar menen tanıstı.
Atap ótilgenindey, Ózbekstan Respublikası Prezidentiniń 2017-jıl 12-sentyabrdegi «Xalıqtıń kem támiyinlengen qatlamların qollap-quwatlawǵa baylanıslı qosımsha ilajlar haqqında»ǵı qararınıń orınlanıwın támiyinlew boyınsha Ózbekstan kásiplik awqamları Federaciyası tárepinen elimiz boylap keń kólemli qayırqomlıq ilajları alıp barılmaqta. Bul boyınsha mánzilli baǵdarlama islep shıǵılıp, biziń respublikamızdıń ózinen 112 shańaraqtı jańa turaq jay menen támiyinlew, 560 shańaraqtıń turaq jayın ońlap beriw, 192 shańaraqqa medicinalıq xızmet kórsetiw, 3444 shańaraqtı elektr xojalıq buyımları menen támiyinlew názerde tutılǵan. Usı maqsetler ushın Ózbekstan kásiplik awqamları Federaciyası tárepinen 17 milliard 511 million sumnan zıyat qarjı ajıratıldı.
Sonnan usı kúnge shekem 3444 shańaraq 3 milliard 125,6 million sumlıq elektr xojalıq buyımları menen támiyinlendi. Respublikamız boyınsha 190 puqaraǵa medicinalıq járdem kórsetildi. Bul maqsetke 731 million 734,2 mıń sum jumsaldı.
Usı jıldıń fevral ayında Taxtakópir rayonında 6, mart ayında Taqıyatas rayonında respublikamız boyınsha 60, iyun ayında Tórtkúl rayonında 5, jámi 71 kem támiyinlengen shańaraqqa turaq jay tapsırılǵan edi. Búgin usı iygilikli islerdiń dawamı sıpatında 30 shańaraqqa turaq jaylardıń gilti tapsırılmaqta. Bul ilajdıń elimiz boylap «Janajan Ózbekstanım, máńgi bol aman!» súreni astında keń túrde belgilenip atırǵan ǵárezsizligimizdiń 28 jıllıq bayramı aldınan ótkerilip atırǵanı áhmiyetli.
Jańa turaq jay iyelerinen Qaraózek rayonınan Olga Aymuratova, Kegeyli rayonınan Bazarbay Erjanov, Ellikqala rayonınan Yulduz Atamuratova hám basqalar shıǵıp sóylep, kem támiyinlengen shańaraqlarǵa, járdemge mútáj hám mayıplıǵı bolǵan shaxslarǵa kórsetilip atırǵan ǵamqorlıǵı ushın Prezidentimizge minnetdarshılıǵın bildirdi.
-Turaq jayım janıp ketkenligi sebepli balam, kelinim, aqlıqlarım menen usı kúnge shekem kireyde jasap keldim,-deydi Nókis rayonı «Qutankól» mákan puqaralar jıyınınan Zinaxan Sultamuratova.-Meniń shańaraq jaǵdayımdı esapqa alıp, kásiplik awqam tárepinen bes xanalı turaq jay alıp berildi. Elimizde járdemge mútáj shańaraqlar hámiyshe mámleketimizdiń ǵamqorlıǵında eken. Bunday ǵamqorlıǵı ushın Prezidentimizge shın júrekten alǵısımdı bildiremen.
Ellikqala rayonı «Doslıq» awıl puqaralar jıyını aymaǵında jasawshı Yulduz Atamuratovaǵa jańa turaq jaydıń gilti tapsırılǵanda kózine jas almaǵan insan bolmasa kerek. Birinshi topar mayıplıǵı bolǵan ol bir inisi menen ata-anasız qaldı. Jaqında rayon hákimligi inisiniń úylengen toyın ótkerip berdi. Ol da ózi turatuǵın aymaqtan jańa turaq jay menen támiyinlendi.
Qatnasıwshılar jańa turaq jaylarda jaratılǵan sharayatlar menen tanıstı.