Ádebiyat hám baspasóz pidayısın eslew keshesi
1459
Usı jıl 28-mart kúni Berdaq atındaǵı Qaraqalpaq mámleketlik akademiyalıq muzıkalı teatrında jazıwshı hám jurnalist, jámiyetlik ǵayratker Sharap Usnatdinovtıń tuwılǵanınıń 80 jıllıǵına baǵıshlanǵan «Qaraqalpaqstan ádebiyatı hám jurnalistikasınıń pidayısı» atamasında eslew keshesi bolıp ótti.
Onda jazıwshı-shayırlar, kórkem óner ǵayratkerleri, nuraniylar, oqıwshı jaslar hám ǵalaba xabar qurallarınıń wákilleri qatnastı.
Keshede Qaraqalpaqstan Respublikası Joqarǵı Keńesi Baslıǵınıń orınbasarı A.Davletov shıǵıp sóyledi.
Atap ótilgenindey, sońǵı jılları elimizde Prezidentimizdiń basshılıǵında milliy mádeniyatımızdı, ruwxıylıqtı hám ádebiyatımızdı rawajlandırıwǵa, ásirese, bul baǵdarda salmaqlı miynet etken dóretiwshilerdi hár tárepleme qollap-quwatlawǵa ayrıqsha itibar qaratılıp, bir qatar ilajlar ámelge asırılmaqta. Bıyılǵı jıldıń Prezidentimizdiń baslaması menen «Insan qádirin ulıǵlaw hám belsendi máhálle jılı» dep atalawı, jámiyetimizdiń hár bir aǵzasına bolǵan joqarı itibardıń úlgisi bolıp tabıladı. Álbette, insannıń ullılıǵı-bul, eń dáslep onıń joqarı insanıylıq pazıyletlerine iye bolıw menen birge, xalqımızdıń aldında islegen qayırlı isleri menen belgilenedi.
Haqıyqatında da, oǵada quramalı dóretiwshilik miynet mámleketimiz tárepinen, álbette, bahalanadı. Bunıń ámeliy dáliylin Prezidentimiz tárepinen xalqımızdıń dóretiwshi perzentlerine bolǵan itibardıń mısalınan kóriwimizge boladı.
Atap aytqanda, elimiz basshısınıń ««Nuraniy» fondı Qaraqalpaqstan Respublikası bóliminiń baslıǵı Sharap Usnatdinov, sonday-aq, Jańabay Shılmanov, Jalel Muyatdinov, Qayıpbergen Yusupov sıyaqlı ardaqlı nuraniylarımız hám máhálle jankúyerleri ózleriniń ibratlı xızmeti menen bárshege órnek bolıp kelmekte» degen bahalı pikirleri xalqımızǵa bolǵan ayrıqsha itibardıń nátiyjesi bolıp tabıladı.
Xalqımızdıń áziz perzenti, óziniń dóretiwshilik jolına, óz qálemine, ótkir pikirlerine iye bolǵan belgili jurnalist hám jazıwshı Sharap Usnatdinov ta mine, usınday insanlardıń biri edi. Onıń kúndelikli turmısımızdıń áhmiyetli máselelerine baǵıshlanǵan publicistikalıq maqalaları menen birge, kóplegen kórkem shıǵarmaları xalqımız tárepinen jıllı-júzlilik penen kútip alındı.
Keń jámiyetshilik onı belgili jurnalist, jazıwshı sıpatında tanıp qalmastan, elimizdi sociallıq-ekonomikalıq rawajlandırıwǵa múnásip úles qosqan mámleketlik hám jámiyetlik ǵayratker sıpatında da ayrıqsha húrmet etedi. Ol qaysı lawazımda islemesin, ózin miynet súygish, izleniwsheń, tereń bilimli, sheber shólkemlestiriwshi sıpatında tanıta aldı hám xalqımızdıń arasında húrmet-izzetke eristi. Álbette, búgingi eslew keshesinde tamasha etilgen hújjetli filmde onıń ómir jolı hám dóretiwshilik tabısları, oratorlıq qásiyetleri haqqında kóplegen maǵlıwmatlar keltirip ótildi. Solay da bolsa, Ózbekstan Respublikası Oliy Majlisi Senatınıń aǵzası, Qaraqalpaqstan Respublikası Joqarǵı Keńesiniń deputatı sıpatında elimizdiń jámiyetlik-siyasiy turmısında, sonday-aq, áhmiyetli nızam hújjetlerin islep shıǵıw hám qabıl etiwde hám olardıń orınlanıwın támiyinlewde de belsene qatnasqanlıǵın ayrıqsha atap ótiw orınlı. Prezidentimizdiń basshılıǵında ámelge asırılıp atırǵan keń kólemli reformalardı, párman hám qararlardıń mazmun-mánisin xalqımızǵa túsindiriwde hám olardı keńnen úgit-násiyatlawda pidayılıq kórsetti.
Sharap Usnatdinovtıń kóp jıllıq miynetleri múnásip bahalanıp, «Qaraqalpaqstan Respublikasına miyneti sińgen jurnalist», «Qaraqalpaqstan xalıq jazıwshısı» húrmetli ataqları, «El-yurt hurmati», «Fidokorona xizmatlari uchun» ordenleri menen sıylıqlanıw baxtına miyasar boldı.
Búgingi kúni «Bilim» baspası tárepinen «Miyras» kitabınıń basıp shıǵarılıwı, «Máhálle» telekanalı tárepinen hújjetli filmniń súwretke alınıwı dóretiwshi insanǵa bolǵan húrmettiń jáne bir dáliyli bolıp tabıladı.
Keshede filologiya ilimleriniń doktorı, professor Q.Járimbetov jazıwshı, jurnalist, jámiyetlik ǵayratker Sharap Usnatdinovtıń ómiri hám dóretiwshiligine boyınsha bayanat jasadı. Sonday-aq, Ózbekstan Jazıwshılar awqamı baslıǵınıń orınbasarı Ǵ.Majid, Ózbekstan xalıq shayırı U.Ázim, Qaraqalpaqstan Jazıwshılar awqamınıń baslıǵı, Qaraqalpaqstan xalıq shayırı K.Karimov hám basqalar jazıwshınıń dóretiwshiligi, onıń shıǵarmalarınıń áhmiyetine toqtap ótti.
Eslew keshesinde jazıwshınıń shańaraǵı atınan qızı J.Usnatdinova shıǵıp sóylep, respublika basshılıǵına, keshe miymanlarına óziniń tereń minnetdarshılıǵın bildirdi.
Ilaj kórkem óner sheberleriniń atqarıwındaǵı koncert baǵdarlaması menen dawam etti.
Atap ótilgenindey, sońǵı jılları elimizde Prezidentimizdiń basshılıǵında milliy mádeniyatımızdı, ruwxıylıqtı hám ádebiyatımızdı rawajlandırıwǵa, ásirese, bul baǵdarda salmaqlı miynet etken dóretiwshilerdi hár tárepleme qollap-quwatlawǵa ayrıqsha itibar qaratılıp, bir qatar ilajlar ámelge asırılmaqta. Bıyılǵı jıldıń Prezidentimizdiń baslaması menen «Insan qádirin ulıǵlaw hám belsendi máhálle jılı» dep atalawı, jámiyetimizdiń hár bir aǵzasına bolǵan joqarı itibardıń úlgisi bolıp tabıladı. Álbette, insannıń ullılıǵı-bul, eń dáslep onıń joqarı insanıylıq pazıyletlerine iye bolıw menen birge, xalqımızdıń aldında islegen qayırlı isleri menen belgilenedi.
Haqıyqatında da, oǵada quramalı dóretiwshilik miynet mámleketimiz tárepinen, álbette, bahalanadı. Bunıń ámeliy dáliylin Prezidentimiz tárepinen xalqımızdıń dóretiwshi perzentlerine bolǵan itibardıń mısalınan kóriwimizge boladı.
Atap aytqanda, elimiz basshısınıń ««Nuraniy» fondı Qaraqalpaqstan Respublikası bóliminiń baslıǵı Sharap Usnatdinov, sonday-aq, Jańabay Shılmanov, Jalel Muyatdinov, Qayıpbergen Yusupov sıyaqlı ardaqlı nuraniylarımız hám máhálle jankúyerleri ózleriniń ibratlı xızmeti menen bárshege órnek bolıp kelmekte» degen bahalı pikirleri xalqımızǵa bolǵan ayrıqsha itibardıń nátiyjesi bolıp tabıladı.
Xalqımızdıń áziz perzenti, óziniń dóretiwshilik jolına, óz qálemine, ótkir pikirlerine iye bolǵan belgili jurnalist hám jazıwshı Sharap Usnatdinov ta mine, usınday insanlardıń biri edi. Onıń kúndelikli turmısımızdıń áhmiyetli máselelerine baǵıshlanǵan publicistikalıq maqalaları menen birge, kóplegen kórkem shıǵarmaları xalqımız tárepinen jıllı-júzlilik penen kútip alındı.
Keń jámiyetshilik onı belgili jurnalist, jazıwshı sıpatında tanıp qalmastan, elimizdi sociallıq-ekonomikalıq rawajlandırıwǵa múnásip úles qosqan mámleketlik hám jámiyetlik ǵayratker sıpatında da ayrıqsha húrmet etedi. Ol qaysı lawazımda islemesin, ózin miynet súygish, izleniwsheń, tereń bilimli, sheber shólkemlestiriwshi sıpatında tanıta aldı hám xalqımızdıń arasında húrmet-izzetke eristi. Álbette, búgingi eslew keshesinde tamasha etilgen hújjetli filmde onıń ómir jolı hám dóretiwshilik tabısları, oratorlıq qásiyetleri haqqında kóplegen maǵlıwmatlar keltirip ótildi. Solay da bolsa, Ózbekstan Respublikası Oliy Majlisi Senatınıń aǵzası, Qaraqalpaqstan Respublikası Joqarǵı Keńesiniń deputatı sıpatında elimizdiń jámiyetlik-siyasiy turmısında, sonday-aq, áhmiyetli nızam hújjetlerin islep shıǵıw hám qabıl etiwde hám olardıń orınlanıwın támiyinlewde de belsene qatnasqanlıǵın ayrıqsha atap ótiw orınlı. Prezidentimizdiń basshılıǵında ámelge asırılıp atırǵan keń kólemli reformalardı, párman hám qararlardıń mazmun-mánisin xalqımızǵa túsindiriwde hám olardı keńnen úgit-násiyatlawda pidayılıq kórsetti.
Sharap Usnatdinovtıń kóp jıllıq miynetleri múnásip bahalanıp, «Qaraqalpaqstan Respublikasına miyneti sińgen jurnalist», «Qaraqalpaqstan xalıq jazıwshısı» húrmetli ataqları, «El-yurt hurmati», «Fidokorona xizmatlari uchun» ordenleri menen sıylıqlanıw baxtına miyasar boldı.
Búgingi kúni «Bilim» baspası tárepinen «Miyras» kitabınıń basıp shıǵarılıwı, «Máhálle» telekanalı tárepinen hújjetli filmniń súwretke alınıwı dóretiwshi insanǵa bolǵan húrmettiń jáne bir dáliyli bolıp tabıladı.
Keshede filologiya ilimleriniń doktorı, professor Q.Járimbetov jazıwshı, jurnalist, jámiyetlik ǵayratker Sharap Usnatdinovtıń ómiri hám dóretiwshiligine boyınsha bayanat jasadı. Sonday-aq, Ózbekstan Jazıwshılar awqamı baslıǵınıń orınbasarı Ǵ.Majid, Ózbekstan xalıq shayırı U.Ázim, Qaraqalpaqstan Jazıwshılar awqamınıń baslıǵı, Qaraqalpaqstan xalıq shayırı K.Karimov hám basqalar jazıwshınıń dóretiwshiligi, onıń shıǵarmalarınıń áhmiyetine toqtap ótti.
Eslew keshesinde jazıwshınıń shańaraǵı atınan qızı J.Usnatdinova shıǵıp sóylep, respublika basshılıǵına, keshe miymanlarına óziniń tereń minnetdarshılıǵın bildirdi.
Ilaj kórkem óner sheberleriniń atqarıwındaǵı koncert baǵdarlaması menen dawam etti.
D.ABIBULLAEV