Konstituciya bayramı aldınan ushırasıwlar bolıp ótpekte
1711
Usı jıldıń 1-aprel sánesinde Berdaq atındaǵı Qaraqalpaq mámleketlik Universitetinde «Qaraqalpaqstan Respublikası Konstituciyası qabıl etilgeniniń jigirma toǵız jıllıǵı» atamasında student jaslar menen ushırasıw bolıp ótti.
Oǵan Qaraqalpaqstan Respublikası Joqarǵı Keńesiniń komitet baslıǵı Dawıtbay Qurbaniyazov, Ádillik ministri, Qarqalapaqstan Respublikası Sudı baslıǵınıń orınbasarı, universitettiń student-jaslar hám ǵalaba xabar qurallarınıń wákilleri qatnastı.
Májilisti Berdaq atındaǵı Qaraqalpaq Mámleketlik universitetiniń Rektorı A.Reymov kiris sóz benen ashtı hám basqarıp bardı.
Dáslep Ózbekstan hám Qaraqalpaqstan Respublikalarınıń mámleketlik gimnleri jańladı.
Sońınan Joqarǵı Keńestiń komitet baslıǵı D.Qurbaniyazov jıynalǵanlardı Qaraqalpaqstan Respublikası Konstituciyası qabıl etilgeniniń jigirma toǵız jıllıǵı bayramı menen qutlıqladı hám keń túrde bayanat jasadı.
Atap ótilgenindey, Konstituciya-hár bir mámlekettiń, onıń xalqınıń oy-pikirin, erkin, ruwxıy, jámiyetlik sanasın hám mádeniyatın hár tárepleme sáwlelendiriwshi Nızam bolıp tabıladı.
1993-jıl 9-aprel kúni qabıl etilgen Konstituciyamız jańa mámleket, jańa jámiyet qurıw, jańadan-jańa imkaniyatlar jaratıwshı tariyxıy hújjet sıpatında qádirlenip kelinbekte.
Onıń qabıl etiliwi menen jámiyetlik hám mámleketlik qurılıstıń barlıq tarawlarındaǵı qatnasıqlardı, nızamshılıǵımızdıń barlıq tarawların tártipke salıwshı huqıqıy sistema jaratıldı.
Qaraqalpaqstan Respublikası Joqarǵı Keńesiniń Málimleme xızmeti
Dáslep Ózbekstan hám Qaraqalpaqstan Respublikalarınıń mámleketlik gimnleri jańladı.
Sońınan Joqarǵı Keńestiń komitet baslıǵı D.Qurbaniyazov jıynalǵanlardı Qaraqalpaqstan Respublikası Konstituciyası qabıl etilgeniniń jigirma toǵız jıllıǵı bayramı menen qutlıqladı hám keń túrde bayanat jasadı.
Atap ótilgenindey, Konstituciya-hár bir mámlekettiń, onıń xalqınıń oy-pikirin, erkin, ruwxıy, jámiyetlik sanasın hám mádeniyatın hár tárepleme sáwlelendiriwshi Nızam bolıp tabıladı.
1993-jıl 9-aprel kúni qabıl etilgen Konstituciyamız jańa mámleket, jańa jámiyet qurıw, jańadan-jańa imkaniyatlar jaratıwshı tariyxıy hújjet sıpatında qádirlenip kelinbekte.
Onıń qabıl etiliwi menen jámiyetlik hám mámleketlik qurılıstıń barlıq tarawlarındaǵı qatnasıqlardı, nızamshılıǵımızdıń barlıq tarawların tártipke salıwshı huqıqıy sistema jaratıldı.
Qaraqalpaqstan Respublikası Joqarǵı Keńesiniń Málimleme xızmeti