Kegeylide Ándijan tájiriybesi en jaydırılmaqta
1203
Ándijan wálayatınıń hákimi Shuhratbek Abduraxmanov basshılıǵındaǵı delegaciya ótken shembi hám ekshembi kúnleri respublikamızda bolıp, Kegeyli rayonında ámelge asırılıp atırǵan joybarlar, olardıń orınlanıw barısı menen tanısıp, bir qatar mádeniy ilajlarda qatnastı.
Nókis xalıqaralıq aeroportında miymanlardı Qaraqalpaqstan Respublikası Joqarǵı Keńesiniń Baslıǵı M.Kamalov, Qaraqalpaqstan Respublikası Ministrler Keńesiniń Baslıǵı Q.Sariev saltanatlı túrde kútip aldı.
Ándijan wálayatınıń hákimi Shuhratbek Abduraxmanov basshılıǵındaǵı delegaciya ótken shembi hám ekshembi kúnleri respublikamızda bolıp, Kegeyli rayonında ámelge asırılıp atırǵan joybarlar, olardıń orınlanıw barısı menen tanısıp, bir qatar mádeniy ilajlarda qatnastı.
Nókis xalıqaralıq aeroportında miymanlardı Qaraqalpaqstan Respublikası Joqarǵı Keńesiniń Baslıǵı M.Kamalov, Qaraqalpaqstan Respublikası Ministrler Keńesiniń Baslıǵı Q.Sariev saltanatlı túrde kútip aldı.
Bunnan keyin «Baxıtlı» mákan puqaralar jıyını aymaǵında «Zahiriddin Muhammed Babur» atındaǵı málimleme kitapxana orayınıń ashılıw saltanatı boldı. Onda Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh. Abduraxmanov shıǵıp sóylep, jıynalǵanlardı jańa oraydıń ashılıwı menen qutlıqladı. Rayon jaslarınıń tilek-ótinishlerin esapqa alǵan halda qurılǵan imarattıń ulıwma bahası 5 milliard sumdı quraydı. Barlıq qolaylıqlarǵa hám jámi 20 mıńnan aslam kitap qorına iye orayda bir waqıttıń ózinde 150 kitapqumardı qabıl etiw múmkinshiligi bar.
Delegaciya aǵzaları respublikamızdıń basshıları menen birgelikte «Xalqabad» mákan puqaralar jıyınında ámelge asırılıp atırǵan jumıslar menen tanıstı. Aymaqtaǵı 5 kilometr uzıńlıqtaǵı ishki jollardı ońlaw, 100 shańaraqqa ıssıxana hám tawıq keteklerin qurıp beriw, jumıssızlardı bánt etiw maqsetinde tawıq hám eshki menen támiyinlew boyınsha alıp barılǵan jumıslardı kózden ótkerdi. Shańaraqlarda bolıp, turǵınlar menen sóylesildi. Olardıń ótinish-tilekleri tıńlandı. Keleshektegi rejeler menen tanıstırıldı.
Bunnan keyin miymanlar rayonnıń eń shetki aymaqlarınan biri «Qumshúńgil» awıl puqaralar jıyınında boldı. Bul jerde Ándijan wálayatınan biriktirilgen Qorǵantepa rayonı hákimligi tárepinen isbilermenlikti rawajlandırıw boyınsha alıp barılǵan jumıslar hám aymaqtaǵı 24-sanlı ulıwma bilim beriw mektebin abadanlastırıw hám kóklemzarlastırıw jumısları menen tanıstırıldı.
Sapar sheńberinde Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh.Abduraxmanov, Qaraqalpaqstan Respublikası Ministrler Keńesiniń Baslıǵı Q.Sariev rayonda shólkemlestirilgen wálayat shtabında bolıp, 2022-2023-jıllarda ámelge asırıw rejelestirilgen joybarlar menen jaqınnan tanıstı.
Prezidentimizdiń tapsırmasına muwapıq xalıqtıń turmıs dárejesin jaqsılaw, aymaqlardı sociallıq-ekonomikalıq jaqtan rawajlandırıw, isbilermenlik subektlerin shólkemlestiriw arqalı jańa jumıs orınların jaratıw, xalıqtı qıynap kiyatırǵan hár qanday mashqalalardı unamlı sheshiw maqsetinde Kegeyli rayonına Ándijan wálayatı beriktirilgen edi. Ándijanlı isbilermenler tárepinen 2022-2023-yillarda ulıwma bahası 608,9 milliard sum bolǵan 24 joybardı ámelge asırıw rejelestirilgen.
Prezidentimizdiń baslaması menen engizilgen hákim járdemshileriniń «Máhálle kesimi» tiykarında jumıslarınıń nátiyjeleri kózden ótkerildi. Belgilengen rejelerdiń waqtında orınlanıwı boyınsha wazıypalar belgilendi.
-Kegeyli rayonındaǵı barlıq 16 mákan hám awıl puqaralar jıyınına hákim járdemshileri biriktirilip, olar menen birgelikte xatlaw jumısları alıp barıldı,-deydi Máhálle sistemasında islesiw hám isbilermenlikti rawajlandırıw agentligi Ándijan wálayatı basqarmasınıń baslıǵı Akmaljon Tulanov.- Máhálle kesiminde alıp barılǵan jumıslar nátiyjesinde rayonda 2935 jumıssız puqara bar ekenligi anıqlandı. Olardıń bántligin támiyinlew boyınsha mánzilli baǵdarlama islep shıǵıldı. Atap ótiwimiz kerek, búgin irge tası qalanǵan farmacevtika kárxanası qurılısında 50 adam, tiykarınan rayon jasları turaqlı, 200 adam máwsimlik jumıs penen támiyinlenedi. Álbette, Kegeyli rayonın jaqın arada kámbaǵallıqtan jıraq aymaqqa aylandırıwǵa wálayatımız óziniń salmalı úslesin qosadı.
Delegaciya aǵzaları rayondaǵı densawlıqtı saqlaw mákemesinde hám mektepke shekemgi bilimlendiriw shólkeminde de boldı. Ándijan wálayatınan kelgen 47 jetik qánige xalıqtı tereńlestirilgen medicinalıq tekseriwden ótkerdi. Ándijan mámleketlik medicina institutınıń professor-oqıtıwshıları tárepinen 30 nawqasqa quramalı operaciya islendi. Usı kúni «Gújim terek» mákan puqaralar jıyınındaǵı 69-sanlı shańaraqlıq poliklinikada usı aymaqtaǵı mayıplıǵı bolǵan puqaralarǵa Qaraqalpaqstan Respublikası Joqarǵı Keńesiniń atınan 11, Ándijan wálayatınıń hákimi 6 mayıplıq arbashası hám 14 esitiw apparatı tapsırıldı. Sonday-aq, 11-sanlı mektepke shekemgi bilimlendiriw shólkeminde ornatılǵan suwdı dushshılandırıwshı úskeneniń abzallıqları menen tanıstı. Ándijan wálayatı Mektepke shekemgi bilimlendiriw basqaraması qánigeleriniń atap ótkenindey, wálayat hákimi tárepinen rayondaǵı 13 mektepke shekemgi bilimlendiriw shólkemine usınday úskene sawǵa etiledi.
«Jasıl mákan» ulıwma milliy háreketi sheńberinde «Júzimbaǵ» awıl puqaralar jıyını aymaǵında «Analar baǵı» shólkemlestirildi. «Analar jasıl mákan ushın» súreni astında ótkerilgen ilajda respublikamız hám Ándijan wálayatı hayal-qızları tárepinen 100 túpten aslam miyweli terek náli egildi.
Bunnan keyin miymanlar rayon orayında jaqında paydalanıwǵa tapsırılǵan «Nuraniylar máskanı» kompleksinde boldı. Bul jerde kekse áwlad wákilleriniń dem alıwı, sport penen shuǵıllanıwı ushın barlıq sharayat jaratılǵan. Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh. Abduraxmanov sharayatlar menen tanısıp, nuraniylar menen sáwbetlesti. Olardıń pikir-usınısların tıńladı.
Rayon orayındaǵı oraylıq stadionda Ándijan wálayatı hám Kegeyli jaslarınıń forumı bolıp ótti.
Dáslep puqaralar jıyınları jasları arasında Ándijan wálayatı hákiminiń kubogi ushın ótkerilgen «Zákawat» intellektuallıq oyınınıń jeńimpazların sıylıqlaw máresimi boldı. Bul bellesiwde «Aqtuba» awıl puqaralar jıyınınıń jasları jeńimpaz boldı. Olarǵa kubok, estelik sawǵaları hám Ándijan wálayatına biypul jollama tapsırıldı.
Sonday-aq, Ándijan wálayatı hákiminiń sıylıǵı ushın ulıwma bilim beriw mektepleriniń 9-10-11-klass oqıwshıları arasında matematika páninen olimpiada ótkerilgen edi. Ilajda usı olimpiada jeńimpazları da sıylıqlandı. Atap aytqanda, 9-klass oqıwshıları arasında 1-sanlı mekteptiń oqıwshısı Gúlbanu Jańabaeva, 10-klass oqıwshıları arasında 38-sanlı mekteptiń oqıwshısı Indira Satniyazova, 11-klass oqıwshıları arasında 5-sanlı mekteptiń oqıwshısı Batırbek Sarshaev birinshi orınlardı iyeledi. Birinshi orın iyelerine noutbuk, ekinshi hám úshinshi orın iyelerine planshet sawǵa etildi.
Mákan puqaralar jıyınları jasları arasında futbol boyınsha ótkerilgen jarıs jeńimpazları sıylıqlandı. Ándijan wálayatı hákiminiń kubogi ushın ótkerilgen jarısta «Jılwanjap» mákan puqaralar jıyını komandası birinshi, «Júzimbaǵ» awıl puqaralar jıyını komandası ekinshi, «Abat mákan» mákan puqaralar jıyını komandası úshinshi orınlardı iyeledi. Birinshi orındı iyelegen komanda aǵzalarına kubok hám 100 million swm, ekinshi orındı iyelegen komanda aǵzalarına 50 million swm, úshinshi orındı iyelegen komanda aǵzalarına 25 million swm aqshalay sıylıq tapsırıldı. Bunnan tısqarı, rayonlıq balalar hám jas óspirimler sport mektebine Ándijan wálayatı hákimligi tárepinen 50 million sumlıq inventarlar tapsırıldı. Barlıq sawǵalardı Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh. Abduraxmanov birgelikte tapsırdı.
Ilaj Qaraqalpaqstan Respublikası hám Ándijan wálayatı kórkem óner sheberleriniń atqarıwındaǵı gala koncert penen juwmaqlandı.
D.ABIBULLAEV,
Qaraqalpaqstan xabar agentliginiń sholıwshısı.
M.XABIBULLAEVtıń túsirgen súwrnetleri.
Ándijan wálayatınıń hákimi Shuhratbek Abduraxmanov basshılıǵındaǵı delegaciya ótken shembi hám ekshembi kúnleri respublikamızda bolıp, Kegeyli rayonında ámelge asırılıp atırǵan joybarlar, olardıń orınlanıw barısı menen tanısıp, bir qatar mádeniy ilajlarda qatnastı.
Nókis xalıqaralıq aeroportında miymanlardı Qaraqalpaqstan Respublikası Joqarǵı Keńesiniń Baslıǵı M.Kamalov, Qaraqalpaqstan Respublikası Ministrler Keńesiniń Baslıǵı Q.Sariev saltanatlı túrde kútip aldı.
Bunnan keyin «Baxıtlı» mákan puqaralar jıyını aymaǵında «Zahiriddin Muhammed Babur» atındaǵı málimleme kitapxana orayınıń ashılıw saltanatı boldı. Onda Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh. Abduraxmanov shıǵıp sóylep, jıynalǵanlardı jańa oraydıń ashılıwı menen qutlıqladı. Rayon jaslarınıń tilek-ótinishlerin esapqa alǵan halda qurılǵan imarattıń ulıwma bahası 5 milliard sumdı quraydı. Barlıq qolaylıqlarǵa hám jámi 20 mıńnan aslam kitap qorına iye orayda bir waqıttıń ózinde 150 kitapqumardı qabıl etiw múmkinshiligi bar.
Delegaciya aǵzaları respublikamızdıń basshıları menen birgelikte «Xalqabad» mákan puqaralar jıyınında ámelge asırılıp atırǵan jumıslar menen tanıstı. Aymaqtaǵı 5 kilometr uzıńlıqtaǵı ishki jollardı ońlaw, 100 shańaraqqa ıssıxana hám tawıq keteklerin qurıp beriw, jumıssızlardı bánt etiw maqsetinde tawıq hám eshki menen támiyinlew boyınsha alıp barılǵan jumıslardı kózden ótkerdi. Shańaraqlarda bolıp, turǵınlar menen sóylesildi. Olardıń ótinish-tilekleri tıńlandı. Keleshektegi rejeler menen tanıstırıldı.
Bunnan keyin miymanlar rayonnıń eń shetki aymaqlarınan biri «Qumshúńgil» awıl puqaralar jıyınında boldı. Bul jerde Ándijan wálayatınan biriktirilgen Qorǵantepa rayonı hákimligi tárepinen isbilermenlikti rawajlandırıw boyınsha alıp barılǵan jumıslar hám aymaqtaǵı 24-sanlı ulıwma bilim beriw mektebin abadanlastırıw hám kóklemzarlastırıw jumısları menen tanıstırıldı.
Sapar sheńberinde Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh.Abduraxmanov, Qaraqalpaqstan Respublikası Ministrler Keńesiniń Baslıǵı Q.Sariev rayonda shólkemlestirilgen wálayat shtabında bolıp, 2022-2023-jıllarda ámelge asırıw rejelestirilgen joybarlar menen jaqınnan tanıstı.
Prezidentimizdiń tapsırmasına muwapıq xalıqtıń turmıs dárejesin jaqsılaw, aymaqlardı sociallıq-ekonomikalıq jaqtan rawajlandırıw, isbilermenlik subektlerin shólkemlestiriw arqalı jańa jumıs orınların jaratıw, xalıqtı qıynap kiyatırǵan hár qanday mashqalalardı unamlı sheshiw maqsetinde Kegeyli rayonına Ándijan wálayatı beriktirilgen edi. Ándijanlı isbilermenler tárepinen 2022-2023-yillarda ulıwma bahası 608,9 milliard sum bolǵan 24 joybardı ámelge asırıw rejelestirilgen.
Prezidentimizdiń baslaması menen engizilgen hákim járdemshileriniń «Máhálle kesimi» tiykarında jumıslarınıń nátiyjeleri kózden ótkerildi. Belgilengen rejelerdiń waqtında orınlanıwı boyınsha wazıypalar belgilendi.
-Kegeyli rayonındaǵı barlıq 16 mákan hám awıl puqaralar jıyınına hákim járdemshileri biriktirilip, olar menen birgelikte xatlaw jumısları alıp barıldı,-deydi Máhálle sistemasında islesiw hám isbilermenlikti rawajlandırıw agentligi Ándijan wálayatı basqarmasınıń baslıǵı Akmaljon Tulanov.- Máhálle kesiminde alıp barılǵan jumıslar nátiyjesinde rayonda 2935 jumıssız puqara bar ekenligi anıqlandı. Olardıń bántligin támiyinlew boyınsha mánzilli baǵdarlama islep shıǵıldı. Atap ótiwimiz kerek, búgin irge tası qalanǵan farmacevtika kárxanası qurılısında 50 adam, tiykarınan rayon jasları turaqlı, 200 adam máwsimlik jumıs penen támiyinlenedi. Álbette, Kegeyli rayonın jaqın arada kámbaǵallıqtan jıraq aymaqqa aylandırıwǵa wálayatımız óziniń salmalı úslesin qosadı.
Delegaciya aǵzaları rayondaǵı densawlıqtı saqlaw mákemesinde hám mektepke shekemgi bilimlendiriw shólkeminde de boldı. Ándijan wálayatınan kelgen 47 jetik qánige xalıqtı tereńlestirilgen medicinalıq tekseriwden ótkerdi. Ándijan mámleketlik medicina institutınıń professor-oqıtıwshıları tárepinen 30 nawqasqa quramalı operaciya islendi. Usı kúni «Gújim terek» mákan puqaralar jıyınındaǵı 69-sanlı shańaraqlıq poliklinikada usı aymaqtaǵı mayıplıǵı bolǵan puqaralarǵa Qaraqalpaqstan Respublikası Joqarǵı Keńesiniń atınan 11, Ándijan wálayatınıń hákimi 6 mayıplıq arbashası hám 14 esitiw apparatı tapsırıldı. Sonday-aq, 11-sanlı mektepke shekemgi bilimlendiriw shólkeminde ornatılǵan suwdı dushshılandırıwshı úskeneniń abzallıqları menen tanıstı. Ándijan wálayatı Mektepke shekemgi bilimlendiriw basqaraması qánigeleriniń atap ótkenindey, wálayat hákimi tárepinen rayondaǵı 13 mektepke shekemgi bilimlendiriw shólkemine usınday úskene sawǵa etiledi.
«Jasıl mákan» ulıwma milliy háreketi sheńberinde «Júzimbaǵ» awıl puqaralar jıyını aymaǵında «Analar baǵı» shólkemlestirildi. «Analar jasıl mákan ushın» súreni astında ótkerilgen ilajda respublikamız hám Ándijan wálayatı hayal-qızları tárepinen 100 túpten aslam miyweli terek náli egildi.
Bunnan keyin miymanlar rayon orayında jaqında paydalanıwǵa tapsırılǵan «Nuraniylar máskanı» kompleksinde boldı. Bul jerde kekse áwlad wákilleriniń dem alıwı, sport penen shuǵıllanıwı ushın barlıq sharayat jaratılǵan. Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh. Abduraxmanov sharayatlar menen tanısıp, nuraniylar menen sáwbetlesti. Olardıń pikir-usınısların tıńladı.
Rayon orayındaǵı oraylıq stadionda Ándijan wálayatı hám Kegeyli jaslarınıń forumı bolıp ótti.
Dáslep puqaralar jıyınları jasları arasında Ándijan wálayatı hákiminiń kubogi ushın ótkerilgen «Zákawat» intellektuallıq oyınınıń jeńimpazların sıylıqlaw máresimi boldı. Bul bellesiwde «Aqtuba» awıl puqaralar jıyınınıń jasları jeńimpaz boldı. Olarǵa kubok, estelik sawǵaları hám Ándijan wálayatına biypul jollama tapsırıldı.
Sonday-aq, Ándijan wálayatı hákiminiń sıylıǵı ushın ulıwma bilim beriw mektepleriniń 9-10-11-klass oqıwshıları arasında matematika páninen olimpiada ótkerilgen edi. Ilajda usı olimpiada jeńimpazları da sıylıqlandı. Atap aytqanda, 9-klass oqıwshıları arasında 1-sanlı mekteptiń oqıwshısı Gúlbanu Jańabaeva, 10-klass oqıwshıları arasında 38-sanlı mekteptiń oqıwshısı Indira Satniyazova, 11-klass oqıwshıları arasında 5-sanlı mekteptiń oqıwshısı Batırbek Sarshaev birinshi orınlardı iyeledi. Birinshi orın iyelerine noutbuk, ekinshi hám úshinshi orın iyelerine planshet sawǵa etildi.
Mákan puqaralar jıyınları jasları arasında futbol boyınsha ótkerilgen jarıs jeńimpazları sıylıqlandı. Ándijan wálayatı hákiminiń kubogi ushın ótkerilgen jarısta «Jılwanjap» mákan puqaralar jıyını komandası birinshi, «Júzimbaǵ» awıl puqaralar jıyını komandası ekinshi, «Abat mákan» mákan puqaralar jıyını komandası úshinshi orınlardı iyeledi. Birinshi orındı iyelegen komanda aǵzalarına kubok hám 100 million swm, ekinshi orındı iyelegen komanda aǵzalarına 50 million swm, úshinshi orındı iyelegen komanda aǵzalarına 25 million swm aqshalay sıylıq tapsırıldı. Bunnan tısqarı, rayonlıq balalar hám jas óspirimler sport mektebine Ándijan wálayatı hákimligi tárepinen 50 million sumlıq inventarlar tapsırıldı. Barlıq sawǵalardı Qaraqalpaqstan Respublikası Joqarǵı Keńesiniń Baslıǵı M.Kamalov, Ándijan wálayatınıń hákimi Sh. Abduraxmanov birgelikte tapsırdı.
Ilaj Qaraqalpaqstan Respublikası hám Ándijan wálayatı kórkem óner sheberleriniń atqarıwındaǵı gala koncert penen juwmaqlandı.
D.ABIBULLAEV,
Qaraqalpaqstan xabar agentliginiń sholıwshısı.
M.XABIBULLAEVtıń túsirgen súwrnetleri.