Ózbekstan Prezidenti Vengriya Bas ministri menen qospa joybarlardıń barısın dodaladı
1512
14-aprel kúni Ózbekstan Respublikası Prezidenti Shavkat Mirziyoevtiń Vengriya Bas ministri Viktor Orban menen telefon arqalı sóylesiwi bolıp ótti.
Sóylesiw basında Ózbekstan jetekshisi Vengriya Húkimeti basshısın “FIDES” - Xristian-demokratiyalıq xalıq partiyası koaliciyasınıń usı mámleket parlamentine saylawda jeńiske eriskeni menen shın júrekten qutlıqladı.
Tárepler eki mámleket ortasında diplomatiyalıq múnásibetler ornatılǵanınıń 30 jıllıǵı menen bir-birin qutlıqladı.
Strategiyalıq sheriklik múnásibetlerin ele de bekkemlew máseleleri, Vengriya Bas ministriniiń ótken jılı mart ayındaǵı Ózbekstanǵa saparı juwmaǵında erisilgen kelisimlerdiń orınlanıw barısı tolıq dodalandı.
Farmacevtika, awıl xojalıǵı, sharwashılıq, azıq-awqat sanaatı, qurılıs materialları islep shıǵarıw tarmaqlarında kooperaciya joybarların ámelge asırıw, bank-finans salasındaǵı óz-ara mápli birge islesiwdi keńeytiw máselelerine ayrıqsha itibar qaratıldı.
Xalıqaralıq hám regionlıq áhmiyetke iye áhmiyetli máseleler boyınsha pikir almasıldı. Aldaǵı joqarı dárejedegi ilajlar jobası kórip shıǵıldı.
Sóylesiw ádettegidey shın kewilden hám doslıq ruwxında ótti.