Ombudsmannıń Qaraqalpaqstan Respublikası boyınsha aymaqlıq wákili tanıstırıldı
2373
Búgin Qaraqalpaqstan Respublikası Joqarǵı Keńesiniń kishi májilisler zalında videokonferencbaylanıs arqalı májilis bolıp ótti.
Májiliske Ózbekstan Respublikası Oliy Majlisiniń insan huqıqları boyınsha wákili (Ombudsman), Qaraqalpaqstan Respublikası sudları baslıqları, Prokuror, Ishki isler ministri, sonday-aq tiyisli ministrlikler, qala hám rayon hákimlikleri qatnastı.
Májilisti Qaraqalpaqstan Respublikası Joqarǵı Keńesi Baslıǵınıń orınbasarı A.Davletov ashtı hám basqarıp bardı.
Ózbekstan Respublikası Prezidentiniń 2021-jıl 10-sentyabrdegi «Ózbekstan Respublikası Oliy Majlisiniń Insan huqıqları boyınsha wákili (ombudsman) jumısın jetilistiriw ilajları haqqında»ǵı Pármanı tiykarında Ombudsmannıń orınlarda turaqlı islewshi aymaqlıq wákili lawazımı engizildi.
Májiliste Ombudsmannıń Qaraqalpaqstan Respublikası boyınsha aymaqlıq wákilin tanıstırıw máselesi kórip shıǵıldı.
Kún tártibindegi másele boyınsha Ózbekstan Respublikası Oliy Majlisiniń insan huqıqları boyınsha wákili (ombudsman) F.Eshmatova shıǵıp sóylep, Ombudsmannıń aymaqlıq wákili bolıp tayınlanǵan Jeńis Shlımbetovtıń miynet jolı menen tanıstırdı.
Jergilikli hákimiyat uyımları, tiyisli ministrlik hám mákemeler tárepinen Ombudsmannıń aymaqlıq wákili menen birgelikte jumıslardı sistemalı jolǵa qoyıw boyınsha aldaǵı wazıypalarǵa toqtap ótti.
Ózbekstan Respublikası Prezidentiniń 2021-jıl 10-sentyabrdegi «Ózbekstan Respublikası Oliy Majlisiniń Insan huqıqları boyınsha wákili (ombudsman) jumısın jetilistiriw ilajları haqqında»ǵı Pármanı tiykarında Ombudsmannıń orınlarda turaqlı islewshi aymaqlıq wákili lawazımı engizildi.
Májiliste Ombudsmannıń Qaraqalpaqstan Respublikası boyınsha aymaqlıq wákilin tanıstırıw máselesi kórip shıǵıldı.
Kún tártibindegi másele boyınsha Ózbekstan Respublikası Oliy Majlisiniń insan huqıqları boyınsha wákili (ombudsman) F.Eshmatova shıǵıp sóylep, Ombudsmannıń aymaqlıq wákili bolıp tayınlanǵan Jeńis Shlımbetovtıń miynet jolı menen tanıstırdı.
Jergilikli hákimiyat uyımları, tiyisli ministrlik hám mákemeler tárepinen Ombudsmannıń aymaqlıq wákili menen birgelikte jumıslardı sistemalı jolǵa qoyıw boyınsha aldaǵı wazıypalarǵa toqtap ótti.
Qaraqalpaqstan Respublikası Joqarǵı Keńesiniń Málimleme xızmeti