JOQARǴÍ KEŃES KOMITET MÁJILISINDE
1905
Suw xojalıǵı ministriniń málimlemesi tıńlandı
Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri komitetiniń videokonferencbaylanıs tárizinde májilisi bolıp ótti. Onda Joqarǵı Keńes deputatları hám rayonlardaǵı studiyalardan hákim orınbasarları, awıl hám suw xojalıǵı bólimi basshıları qatnastı.
Májilisti Qaraqalpaqstan Respublikası Joqarǵı Keńesiniń Agrar, suw xojalıǵı, tábiyaattı qorǵaw hám ekologiya máseleleri komiteti baslıǵı D.Utambetov ashtı hám basqarıp bardı.
Májiliste Ózbekstan Respublikası Prezidentiniń 2021-jıl 24-fevraldaǵı PQ-5005-sanlı qararı menen tastıyıqlanǵan “Ózbekstan Respublikasında suw resursların basqarıw hám irrigaciya sektorın rawajlandırıwdıń 2021-2023-jıllarǵa mólsherlengen STRATEGIYaSÍ”nda belgilengen wazıypalardıń orınlanıwı boyınsha ótken 2021-jılda ámelge asırılǵan jumısları haqqında Qaraqalpaqstan Respublikası Suw xojalıǵı ministrliginiń málimlemesi tıńlandı.
Atap ótilgenindey, Strategiya sheńberinde aymaqlardaǵı suw xojalıǵı obektlerinde keń kólemli jumıslar ámelge asırıldı. Atap aytqanda, ótken jılda belgilengen baǵdarlama tiykarında 16 irrigaciya obektlerinde 44,3 km uzınlıqtaǵı kanallarda qurılıs hám rekonstrukciya jumısları ámelge asırıldı. Sonıń menen birge, 28,5 km uzınlıqtaǵı meliorativ obektlerde qurılıs hám rekonstrukciya jumısları orınlandı. Sonıń menen birge, 21 meliorativ obektlerdiń 1256,4 km bóleginde ońlaw hám qayta tiklew jumısları ámelge asırıldı.
Suw xojalıǵı ministrligine qaraslı nasos stanciyalarındaǵı eski agregatlar hám elektrodvigateller jańasına almastırıldı. Sonıń menen birge, nasos stanciyalarındaǵı 65 nasos agregatlarına shıǵarıp atırǵan suw muǵdarın “onlayn” monitoring etiwshi apparatlar ornatıldı.
Májiliste “Qubla Qaraqalpaqstanda suw resursların basqarıwdı jaqsılaw” joybarı sheńberinde hám de aymaqlarda suw tejewshi texnologiyalardı engiziw boyınsha ámelge asırılıp atırǵan jumıslar boyınsha da málimleme berildi.
Dodalaw hám pikir usınıslardan soń Qaraqalpaqstan Respublikası Suw xojalıǵı ministrliginiń málimlemesi májilis sheshimi menen maǵlıwmat ushın qabıllandı hám de Qaraqalpaqstan Respublikası Joqarǵı Keńesiniń gezektegi sessiyasında esitiw ushın usınıs etildi.
Atap ótilgenindey, Strategiya sheńberinde aymaqlardaǵı suw xojalıǵı obektlerinde keń kólemli jumıslar ámelge asırıldı. Atap aytqanda, ótken jılda belgilengen baǵdarlama tiykarında 16 irrigaciya obektlerinde 44,3 km uzınlıqtaǵı kanallarda qurılıs hám rekonstrukciya jumısları ámelge asırıldı. Sonıń menen birge, 28,5 km uzınlıqtaǵı meliorativ obektlerde qurılıs hám rekonstrukciya jumısları orınlandı. Sonıń menen birge, 21 meliorativ obektlerdiń 1256,4 km bóleginde ońlaw hám qayta tiklew jumısları ámelge asırıldı.
Suw xojalıǵı ministrligine qaraslı nasos stanciyalarındaǵı eski agregatlar hám elektrodvigateller jańasına almastırıldı. Sonıń menen birge, nasos stanciyalarındaǵı 65 nasos agregatlarına shıǵarıp atırǵan suw muǵdarın “onlayn” monitoring etiwshi apparatlar ornatıldı.
Májiliste “Qubla Qaraqalpaqstanda suw resursların basqarıwdı jaqsılaw” joybarı sheńberinde hám de aymaqlarda suw tejewshi texnologiyalardı engiziw boyınsha ámelge asırılıp atırǵan jumıslar boyınsha da málimleme berildi.
Dodalaw hám pikir usınıslardan soń Qaraqalpaqstan Respublikası Suw xojalıǵı ministrliginiń málimlemesi májilis sheshimi menen maǵlıwmat ushın qabıllandı hám de Qaraqalpaqstan Respublikası Joqarǵı Keńesiniń gezektegi sessiyasında esitiw ushın usınıs etildi.