JOQARǴÍ KEŃES KOMITET MÁJILISINDE
1885
Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı hám jámiyetlik birlespeler máseleleri komitetiniń videokonferencbaylanıs tárizinde májilisi bolıp ótti. Onda Joqarǵı Keńes deputatları, tiyisli taraw basshıları hám ǵalaba xabar quralları wákilleri qatnastı.
Májilisti Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı hám jámiyetlik birlespeler máseleleri komiteti baslıǵı D.Qurbaniyazov ashtı hám basqarıp bardı.
Májilis kún tártbinde «Baspa jumısı haqqında»ǵı Qaraqalpaqstan Respublikasınıń Nızamı joybarı, Ózbekstan Respublikası Oliy Majlisi Senatınıń 2021-jıl 28-maydaǵı «2030-jılǵa shekem Ózbekstan Respublikasında gender teńlikke erisiw strategiyasın tastıyıqlaw haqqında»ǵı qararında belgilengen wazıypalardıń 2021-2022-jıllarda Qaraqalpaqstan Respublikasında ámelge asırılıwı boyınsha belgilengen ilajlar rejesiniń orınlanıwı tuwralı Qaraqalpaqstan Respublikası Shańaraq hám hayal-qızlar komiteti baslıǵınıń málimlemesi, Mektepke shekemgi bilimlendiriw tarawın reformalaw hám rawajlandırıw baǵdarında ámelge asırılıp atırǵan ilajlardıń nátiyjeliligi boyınsha Qaraqalpaqstan Respublikası Mektepke shekemgi bilimlendiriw ministriniń esabatı haqqındaǵı máseleler qarap shıǵıldı.
Bárshemizge málim, búgingi kúnde elimizde Húrmetli Prezidentimizdiń basshılıǵında baspa hám poligrafiya tarawın qollap-quwatlaw sistemasın jetilistiriwge, baspa ónimleriniń bazarın rawajlandırıwǵa, xalqımızdıń ruwxıy dúnyasın bayıtıwǵa, dóretiwshi insanlardı hár tárepleme qollap-quwatlawǵa, jaslar arasında kitapqumarlıqtı arttırıwǵa ayrıqsha itibar qaratılıp, bul baǵdarda keń kólemli iygilikli isler ámelge asırılmaqta.
Ásirese, Húrmetli Prezidentimizdiń 2020-jıl 16-marttaǵı «Baspa hám poligrafiya salasın bunnan bılay da rawajlandırıwǵa baylanıslı qosımsha ilajlar haqqında»ǵı qararınıń qabıl etiliwi bul baǵdardaǵı ilajlar kólemin jańa basqıshlarǵa kótermekte.
Búgingi kúnde háreket etip turǵan “Baspa jumısı haqqında”ǵı Qaraqalpaqstan Respublikası Nızamı bunnan derlik 20 jıl burın, yaǵnıy 2003-jılda qabıl etilgen.
Sońǵı jıllardaǵı globallasıw processleri hám tarawda ámelge asırılıp atırǵan ózgerisler menen jańalanıwlar, tiyisli normativlik-huqıqıy bazanıń barǵan sayın bekkemlenip atırǵanlıǵı da nızamshılıqtı jáne de jetilistiriw zárúrligin keltirip shıǵarmaqta.
Sonıń menen birge, baspa hám poligrafiya tarawında házirgi kúndegi jumıslardıń jaǵdayı baspa hám poligrafiya shólkemleri arasında báseki ortalıǵın kúsheytiwdi,
avtorlıq huqıqı buzılıwınıń aldın alıw, sapasız ónimler islep shıǵarılıwın sheklew, sabaqlıqlar hám oqıw-metodikalıq qollanbalardı basıp shıǵarıw tártibin qayta kórip shıǵıwdı talap etpekte.
Usılardı esapqa alıp, Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı hám jámiyetlik birlespeler máseleleri komiteti tárepinen «Baspa jumısı haqqında»ǵı Qaraqalpaqstan Respublikası Nızamınıń joybarı islep shıǵıldı.
Bul tayarlanǵan Nızam joybarı tuwralı keńirek túsinik beriw ushın Qaraqalpaqstan Respublikası Málimleme hám ǵalaba kommunikaciyalar basqarması baslıǵı Azamat Bekmuratov shıǵıp sóyledi.
Bunnan soń nızam joybarı boyınsha Joqarǵı Keńes deputatı N.Matyakupova, «Bilim» baspası direktorı M.Nızanov pikir-usınısların bildirdi.
Kún tártibinen orın alǵan náwbettegi másele, yaǵnıy Ózbekstan Respublikası Oliy Majlisi Senatınıń 2021-jıl 28-maydaǵı «2030-jılǵa shekem Ózbekstan Respublikasında gender teńlikke erisiw strategiyasın tastıyıqlaw haqqında»ǵı qararında belgilengen wazıypalardıń 2021-2022-jıllarda Qaraqalpaqstan Respublikasında ámelge asırılıwı belgilengen ilajlar rejesiniń orınlanıwı boyınsha Qaraqalpaqstan Respublikası Shańaraq hám hayal-qızlar komiteti baslıǵı M.Axmedovanıń málimlemesi tıńlandı.
Sonday-aq, komitet májilisinde Mektepke shekemgi bilimlendiriw tarawın reformalaw hám rawajlandırıw baǵdarında ámelge asırılıp atırǵan ilajlardıń nátiyjeliligi boyınsha Qaraqalpaqstan Respublikası Mektepke shekemgi bilimlendiriw ministriniń esabatı haqqındaǵı másele qarap shıǵıldı.
Bul másele boyınsha Mektepke shekemgi bilimlendiriw ministri J.Usnatdinovanıń bayanatı tıńlandı hám tarawda ushırasıp atırǵan mashqalalı máseleler boyınsha Joqarǵı Keńes deputatları tárepinen berilgen sorawlarǵa juwaplar berildi.
Májilis kún tártibine qoyılǵan máseleler tolıǵı menen kórip shıǵılıp, olardı Joqarǵı Keńestiń gezektegi sessiyasına usınıw boyınsha sheshimler qabıl etildi.
Májilisti Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı hám jámiyetlik birlespeler máseleleri komiteti baslıǵı D.Qurbaniyazov ashtı hám basqarıp bardı.
Májilis kún tártbinde «Baspa jumısı haqqında»ǵı Qaraqalpaqstan Respublikasınıń Nızamı joybarı, Ózbekstan Respublikası Oliy Majlisi Senatınıń 2021-jıl 28-maydaǵı «2030-jılǵa shekem Ózbekstan Respublikasında gender teńlikke erisiw strategiyasın tastıyıqlaw haqqında»ǵı qararında belgilengen wazıypalardıń 2021-2022-jıllarda Qaraqalpaqstan Respublikasında ámelge asırılıwı boyınsha belgilengen ilajlar rejesiniń orınlanıwı tuwralı Qaraqalpaqstan Respublikası Shańaraq hám hayal-qızlar komiteti baslıǵınıń málimlemesi, Mektepke shekemgi bilimlendiriw tarawın reformalaw hám rawajlandırıw baǵdarında ámelge asırılıp atırǵan ilajlardıń nátiyjeliligi boyınsha Qaraqalpaqstan Respublikası Mektepke shekemgi bilimlendiriw ministriniń esabatı haqqındaǵı máseleler qarap shıǵıldı.
Bárshemizge málim, búgingi kúnde elimizde Húrmetli Prezidentimizdiń basshılıǵında baspa hám poligrafiya tarawın qollap-quwatlaw sistemasın jetilistiriwge, baspa ónimleriniń bazarın rawajlandırıwǵa, xalqımızdıń ruwxıy dúnyasın bayıtıwǵa, dóretiwshi insanlardı hár tárepleme qollap-quwatlawǵa, jaslar arasında kitapqumarlıqtı arttırıwǵa ayrıqsha itibar qaratılıp, bul baǵdarda keń kólemli iygilikli isler ámelge asırılmaqta.
Ásirese, Húrmetli Prezidentimizdiń 2020-jıl 16-marttaǵı «Baspa hám poligrafiya salasın bunnan bılay da rawajlandırıwǵa baylanıslı qosımsha ilajlar haqqında»ǵı qararınıń qabıl etiliwi bul baǵdardaǵı ilajlar kólemin jańa basqıshlarǵa kótermekte.
Búgingi kúnde háreket etip turǵan “Baspa jumısı haqqında”ǵı Qaraqalpaqstan Respublikası Nızamı bunnan derlik 20 jıl burın, yaǵnıy 2003-jılda qabıl etilgen.
Sońǵı jıllardaǵı globallasıw processleri hám tarawda ámelge asırılıp atırǵan ózgerisler menen jańalanıwlar, tiyisli normativlik-huqıqıy bazanıń barǵan sayın bekkemlenip atırǵanlıǵı da nızamshılıqtı jáne de jetilistiriw zárúrligin keltirip shıǵarmaqta.
Sonıń menen birge, baspa hám poligrafiya tarawında házirgi kúndegi jumıslardıń jaǵdayı baspa hám poligrafiya shólkemleri arasında báseki ortalıǵın kúsheytiwdi,
avtorlıq huqıqı buzılıwınıń aldın alıw, sapasız ónimler islep shıǵarılıwın sheklew, sabaqlıqlar hám oqıw-metodikalıq qollanbalardı basıp shıǵarıw tártibin qayta kórip shıǵıwdı talap etpekte.
Usılardı esapqa alıp, Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı hám jámiyetlik birlespeler máseleleri komiteti tárepinen «Baspa jumısı haqqında»ǵı Qaraqalpaqstan Respublikası Nızamınıń joybarı islep shıǵıldı.
Bul tayarlanǵan Nızam joybarı tuwralı keńirek túsinik beriw ushın Qaraqalpaqstan Respublikası Málimleme hám ǵalaba kommunikaciyalar basqarması baslıǵı Azamat Bekmuratov shıǵıp sóyledi.
Bunnan soń nızam joybarı boyınsha Joqarǵı Keńes deputatı N.Matyakupova, «Bilim» baspası direktorı M.Nızanov pikir-usınısların bildirdi.
Kún tártibinen orın alǵan náwbettegi másele, yaǵnıy Ózbekstan Respublikası Oliy Majlisi Senatınıń 2021-jıl 28-maydaǵı «2030-jılǵa shekem Ózbekstan Respublikasında gender teńlikke erisiw strategiyasın tastıyıqlaw haqqında»ǵı qararında belgilengen wazıypalardıń 2021-2022-jıllarda Qaraqalpaqstan Respublikasında ámelge asırılıwı belgilengen ilajlar rejesiniń orınlanıwı boyınsha Qaraqalpaqstan Respublikası Shańaraq hám hayal-qızlar komiteti baslıǵı M.Axmedovanıń málimlemesi tıńlandı.
Sonday-aq, komitet májilisinde Mektepke shekemgi bilimlendiriw tarawın reformalaw hám rawajlandırıw baǵdarında ámelge asırılıp atırǵan ilajlardıń nátiyjeliligi boyınsha Qaraqalpaqstan Respublikası Mektepke shekemgi bilimlendiriw ministriniń esabatı haqqındaǵı másele qarap shıǵıldı.
Bul másele boyınsha Mektepke shekemgi bilimlendiriw ministri J.Usnatdinovanıń bayanatı tıńlandı hám tarawda ushırasıp atırǵan mashqalalı máseleler boyınsha Joqarǵı Keńes deputatları tárepinen berilgen sorawlarǵa juwaplar berildi.
Májilis kún tártibine qoyılǵan máseleler tolıǵı menen kórip shıǵılıp, olardı Joqarǵı Keńestiń gezektegi sessiyasına usınıw boyınsha sheshimler qabıl etildi.
Qaraqalpaqstan Respublikası Joqarǵı Keńesiniń Málimleme xızmeti