Deputatlardıń «Áhmiyetli on kúnligi»
1400
Usı jıldıń 20-30-aprel kúnleri aralaǵında Qaraqalpaqstan Respublikası Joqarǵı Keńesiniń deputatları, xalıq deputatları qala hám rayonlıq Keńesi deputatları arasında «Áhmiyetli on kúnlik» joybarı ótkerilmekte. Joybar sheńberinde deputatlar siyasiy partiya basshıları menen kelisilgen grafik tiykarında ózleri saylanǵan aymaqlarda óz saylawshıları menen ushırasıwlar ótkermekte.
Mine usınday dáslepki ushırasıw Qaraqalpaqstan Respublikası Joqarǵı Keńesine Beruniy rayonınan saylanǵan deputat Sayora Imamova ózi saylanǵan aymaqtaǵı mayıplıǵı bolǵan, baǵıwshısın joǵaltqan puqaralar jaǵdayından xabar alıp, olardıń mashqalaların úyrendi.
Bunnan soń 53-sanlı ulıwma orta bilim beriw mektebinde ushırasıw ótkerip, saylawshılardıń múrájatların tıńladı. Puqaralardan kelip túsken múrájatlarǵa kóre, «Taza nur» aymaǵında jasawshı puqaralar tárepinen olar jasap atırǵan mánzilde elektr togı tómenligi, ishki jollardıń nasazlıǵı, aqaba suw keletuǵın salmalardıń joq ekenligi bildirildi.
Múrájat boyınsha tiyisli uyımlarǵa deputatlıq sorawı jiberilip, mashqalalardıń sheshimi boyınsha járdem beriletuǵın boldı. Náwbettegi ushırasıw ornı «Óndiris» mánzili. Bul jerdegi xalıqtı da kóp jıllardan berli ishimlik suwı mashqalası qıynaydı.
Bul aymaqtaǵı mashqala 2022-2024-jıllardıń baǵdarlamasına kirgizilgen. Degen menen xalıqtıń suwsızlıqtan qıynalıp atırǵanlıǵın esapqa alıp, tiyisli orınlarǵa múddetinen aldın suw trubaların tartıp beriwde ámeliy járdem beriwin sorap deputatlıq sorawı jiberiletuǵın boldı. Usı mánzildegi jáne bir múrájat «Jaslar dápteri»ne kirgizilgen Dástan Allamov tárepinen ózin-ózi bánt etiwi ushın multitraktor alıwda ámeliy járdem soraldı. Bul másele boyınsha da deputat tárepinen tiyisli uyımlarǵa deputatlıq sorawı jiberilip, máseleniń unamlı sheshiliwin támiyinleytuǵınlıǵın bildirdi.
Joqarǵı Keńes deputatı Murat Gaipovtıń óz saylawshıları menen ushırasıwı Taxtakópir rayonındaǵı «Maqpalkól» hám «Atakól» awıl puqaralar jıyınlarında bolıp ótti. Ushırasıwda sol aymaqlardaǵı xalıqtıń múrájatları tıńlandı ham sheshimi boyınsha tiyisli tarawlarǵa deputatlıq sorawlar jiberilip hár bir múrájat qadaǵalawǵa alınatuǵınlıǵı bildirildi.
Bunnan soń 53-sanlı ulıwma orta bilim beriw mektebinde ushırasıw ótkerip, saylawshılardıń múrájatların tıńladı. Puqaralardan kelip túsken múrájatlarǵa kóre, «Taza nur» aymaǵında jasawshı puqaralar tárepinen olar jasap atırǵan mánzilde elektr togı tómenligi, ishki jollardıń nasazlıǵı, aqaba suw keletuǵın salmalardıń joq ekenligi bildirildi.
Múrájat boyınsha tiyisli uyımlarǵa deputatlıq sorawı jiberilip, mashqalalardıń sheshimi boyınsha járdem beriletuǵın boldı. Náwbettegi ushırasıw ornı «Óndiris» mánzili. Bul jerdegi xalıqtı da kóp jıllardan berli ishimlik suwı mashqalası qıynaydı.
Bul aymaqtaǵı mashqala 2022-2024-jıllardıń baǵdarlamasına kirgizilgen. Degen menen xalıqtıń suwsızlıqtan qıynalıp atırǵanlıǵın esapqa alıp, tiyisli orınlarǵa múddetinen aldın suw trubaların tartıp beriwde ámeliy járdem beriwin sorap deputatlıq sorawı jiberiletuǵın boldı. Usı mánzildegi jáne bir múrájat «Jaslar dápteri»ne kirgizilgen Dástan Allamov tárepinen ózin-ózi bánt etiwi ushın multitraktor alıwda ámeliy járdem soraldı. Bul másele boyınsha da deputat tárepinen tiyisli uyımlarǵa deputatlıq sorawı jiberilip, máseleniń unamlı sheshiliwin támiyinleytuǵınlıǵın bildirdi.
Joqarǵı Keńes deputatı Murat Gaipovtıń óz saylawshıları menen ushırasıwı Taxtakópir rayonındaǵı «Maqpalkól» hám «Atakól» awıl puqaralar jıyınlarında bolıp ótti. Ushırasıwda sol aymaqlardaǵı xalıqtıń múrájatları tıńlandı ham sheshimi boyınsha tiyisli tarawlarǵa deputatlıq sorawlar jiberilip hár bir múrájat qadaǵalawǵa alınatuǵınlıǵı bildirildi.