Studentler jataqxanası paydalanıwǵa tapsırıldı
1580
Berdaq atındaǵı Qaraqalpaq mámleketlik universitinde 550 orınǵa mólsherlengen studentler turaq jayı paydalanıwǵa tapsırıldı.
Ashılıw saltanatında Qaraqalpaqstan Respublikası Joqarǵı Keńesiniń Baslıǵı M.Kamalov, Ózbekstan Respublikası Joqarı hám orta arnawlı bilimlendiriw ministriniń orınbasarı S.Buzrukxanov shıǵıp sóylep, jıynalǵanlardı jańa imarattıń paydalanıwǵa tapsırılıwı menen qutlıqladı.
Atap ótilgenindey, 2022-2026-jıllarǵa mólsherlengen Jańa Ózbekstannıń rawajlanıw strategiyası hám onı «Insan qádirin ulıǵlaw hám belsendi máhálle jılı»nda ámelge asırıw boyınsha mámleketlik baǵdarlaması, Ózbekstan Respublikası Ministrler Kabinetiniń 2021-jıl 9-sentyabrdegi «Respublika joqarı bilimlendiriw mákemelerinde studentlerdi turaq jay menen qamtıp alıw dárejesin arttırıw haqında»ǵı qararı tiykarında, joqarı bilimlendiriw mákemelerinde studentlerdi turaq jay menen qamtıp alıw dárejesin arttırıw, barlıq qolaylıqlarǵa iye zamanagóy studentler turaq jayların qurıw ushın qosımsha sharayatlar jaratıw baǵdarında keń kólemli jumıslar ámelge asırılmaqta.
Studentler turaq jayınıń qurılıs hám rekonstrukciya jumısları ushın universitettiń byudjetten tısqarı qarjıları esabınan 14 milliard sumnan zıyat pul ajıratılıp, «Invest Stroy Nukus» juwapkershiligi sheklengen jámiyetiniń qurılısshıları tárepinen sapalı etip pitkerildi. Zamanagóy joybar tiykarında qurılǵan studentler turaq jayı 1 milliard 21,7 million sumlıq mebel úskeneleri, muzlatqısh, kir juwıw mashinaları, elektr plitalar, televizor hám basqa da kerekli turmıslıq texnikalar menen támiyinlendi.
Sudentlerdiń bos waqıtların mazmunlı ótkeriwi, kewilli dem alıwı ushın barlıq sharayat jaratılǵan. Prezidentimiz tárepinen alǵa qoyılǵan 5 baslamanı jaslar arasında keńnen úgit-násiyatlaw maqsetinde zamanagóy málimleme texnologiyaları, kómpyuter bólmeleri, málimleme-resurs orayı, túrli dógerekler, sonıń menen birge dem alıw, awqatlanıw hám juwınıw bólmeleri bar. Qánigelerdiń atap ótkeninidey, kelesi jılı usınday 550 orınǵa mólsherlengen studentler turaq jayı paydalanıwǵa tapsırıladı.
Ilaj qatnasıwshıları bul jerde jaratılǵan sharayatlar menen jaqınnan tanıstı.
Atap ótilgenindey, 2022-2026-jıllarǵa mólsherlengen Jańa Ózbekstannıń rawajlanıw strategiyası hám onı «Insan qádirin ulıǵlaw hám belsendi máhálle jılı»nda ámelge asırıw boyınsha mámleketlik baǵdarlaması, Ózbekstan Respublikası Ministrler Kabinetiniń 2021-jıl 9-sentyabrdegi «Respublika joqarı bilimlendiriw mákemelerinde studentlerdi turaq jay menen qamtıp alıw dárejesin arttırıw haqında»ǵı qararı tiykarında, joqarı bilimlendiriw mákemelerinde studentlerdi turaq jay menen qamtıp alıw dárejesin arttırıw, barlıq qolaylıqlarǵa iye zamanagóy studentler turaq jayların qurıw ushın qosımsha sharayatlar jaratıw baǵdarında keń kólemli jumıslar ámelge asırılmaqta.
Studentler turaq jayınıń qurılıs hám rekonstrukciya jumısları ushın universitettiń byudjetten tısqarı qarjıları esabınan 14 milliard sumnan zıyat pul ajıratılıp, «Invest Stroy Nukus» juwapkershiligi sheklengen jámiyetiniń qurılısshıları tárepinen sapalı etip pitkerildi. Zamanagóy joybar tiykarında qurılǵan studentler turaq jayı 1 milliard 21,7 million sumlıq mebel úskeneleri, muzlatqısh, kir juwıw mashinaları, elektr plitalar, televizor hám basqa da kerekli turmıslıq texnikalar menen támiyinlendi.
Sudentlerdiń bos waqıtların mazmunlı ótkeriwi, kewilli dem alıwı ushın barlıq sharayat jaratılǵan. Prezidentimiz tárepinen alǵa qoyılǵan 5 baslamanı jaslar arasında keńnen úgit-násiyatlaw maqsetinde zamanagóy málimleme texnologiyaları, kómpyuter bólmeleri, málimleme-resurs orayı, túrli dógerekler, sonıń menen birge dem alıw, awqatlanıw hám juwınıw bólmeleri bar. Qánigelerdiń atap ótkeninidey, kelesi jılı usınday 550 orınǵa mólsherlengen studentler turaq jayı paydalanıwǵa tapsırıladı.
Ilaj qatnasıwshıları bul jerde jaratılǵan sharayatlar menen jaqınnan tanıstı.
Qaraqalpaqstan Respublikası Respublikası Joqarǵı Keńesiniń Málimleme xızmeti