JOQARǴÍ KEŃES KOMITET MÁJILISINDE
1414
Tábiyattı qorǵaw haqqında»ǵı Qaraqalpaqstan Respublikasınıń Nızamı hám tiyisli húkimetlik qararları talaplarınıń Qońırat rayonında orınlanıw barısı boyınsha isshi topardıń málimlemesi tıńlandı
Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri komitetiniń videokonferencbaylanıs tárizinde májilisi bolıp ótti. Onda Joqarǵı Keńes deputatları hám rayonlardaǵı studiyalardan hákim orınbasarları, tiyisli taraw wákilleri qatnastı.
Májilisti Qaraqalpaqstan Respublikası Joqarǵı Keńesiniń komitet baslıǵı D.Utambetov ashtı hám basqarıp bardı.
Májiliste «Tábiyattı qorǵaw haqqında»ǵı Qaraqalpaqstan Respublikasınıń Nızamı hám tiyisli húkimetlik qararları talaplarınıń Qońırat rayonında orınlanıw barısı haqqında isshi topardıń úyreniw nátiyjeleri boyınsha Joqarǵı Keńes deputatı Z.Babadjanovtıń málimlemesi tıńlandı.
Atap ótilgenindey, Qońırat rayonında sońǵı jıllarda qorshaǵan ortalıqtı qorǵaw, tábiyiy resurslardan aqılǵa muwapıq paydalanıw, sanitariya hám ekologiyalıq jaǵdaydı jaqsılaw, turmıslıq shıǵındılardı qayta islew, aymaqlardı kóklemzarlastırıw hám jasıl maydanlardı keńeytiw baǵdarında keń kólemli jumıslar ámelge asırılǵan.
Ámelge asırılǵan jumıslar menen bir qatarda, rayonında «Tábiyattı qorǵaw haqqında»ǵı Qaraqalpaqstan Respublikasınıń Nızamı hám tiyisli húkimetlik qararları talaplarınıń orınlanıw barısında bir qatar kemshiliklerge jol qoyılǵan.
Atap aytqanda, nızam talaplarınıń orınlanıwı barısı Xalıq deputatları Qońırat rayonlıq Keńesinde, sonday-aq, tiyisli turaqlı komissiya májilislerinde sońǵı 3 jıl dawamında ulıwma qarap shıǵılmaǵan.
Sonıń menen bir qatarda, rayonda sońǵı 3 jılda anıqlanǵan nızam buzıwshılıq halatlar analizlep qaralǵanda 2019-jılǵa salıstırǵanda 2021-jılda haywanatlar dunyasın qorǵaw boyınsha nızam buzıwshılıq halatları 48 esege, atmosfera hawasın qorǵaw boyınsha nızam buzıwshılıq halatları 5,4 esege, ósimlikler dúnyasın qorǵaw boyınsha nızam buzıwshılıq halatları 4,1 esege hám de shıǵındılar menen baylanıslı nızam buzıwshılıq halatları 1,2 esege ósip ketiwine jol qoyılǵan.
Sonday-aq, rayon aymaǵındaǵı qorshaǵan ortalıqqa zıyanlı tásir jasawshı 1-kategoriyaǵa kiriwshi 18 kárxana tárepinen jámi 71,5 mln. swmlıq kompensaciya tólemleri 2019-jıldan baslap usı kúnge shekem tólenbegen.
Májiliste tiyisli juwapkerler tárepinen anıqlanǵan mashqalalardı saplastırıw ilajları boyınsha málimleme berildi.
Májilis kún tártibindegi másele boyınsha dodalaw hám pikir usınıslardan soń isshi topar málimlemesi májilis sheshimi menen maǵlıwmat ushın qabıllandı hám de Qaraqalpaqstan Respublikası Joqarǵı Keńesiniń gezektegi sessiyasında esitiw ushın usınıs etildi.
Májiliste «Tábiyattı qorǵaw haqqında»ǵı Qaraqalpaqstan Respublikasınıń Nızamı hám tiyisli húkimetlik qararları talaplarınıń Qońırat rayonında orınlanıw barısı haqqında isshi topardıń úyreniw nátiyjeleri boyınsha Joqarǵı Keńes deputatı Z.Babadjanovtıń málimlemesi tıńlandı.
Atap ótilgenindey, Qońırat rayonında sońǵı jıllarda qorshaǵan ortalıqtı qorǵaw, tábiyiy resurslardan aqılǵa muwapıq paydalanıw, sanitariya hám ekologiyalıq jaǵdaydı jaqsılaw, turmıslıq shıǵındılardı qayta islew, aymaqlardı kóklemzarlastırıw hám jasıl maydanlardı keńeytiw baǵdarında keń kólemli jumıslar ámelge asırılǵan.
Ámelge asırılǵan jumıslar menen bir qatarda, rayonında «Tábiyattı qorǵaw haqqında»ǵı Qaraqalpaqstan Respublikasınıń Nızamı hám tiyisli húkimetlik qararları talaplarınıń orınlanıw barısında bir qatar kemshiliklerge jol qoyılǵan.
Atap aytqanda, nızam talaplarınıń orınlanıwı barısı Xalıq deputatları Qońırat rayonlıq Keńesinde, sonday-aq, tiyisli turaqlı komissiya májilislerinde sońǵı 3 jıl dawamında ulıwma qarap shıǵılmaǵan.
Sonıń menen bir qatarda, rayonda sońǵı 3 jılda anıqlanǵan nızam buzıwshılıq halatlar analizlep qaralǵanda 2019-jılǵa salıstırǵanda 2021-jılda haywanatlar dunyasın qorǵaw boyınsha nızam buzıwshılıq halatları 48 esege, atmosfera hawasın qorǵaw boyınsha nızam buzıwshılıq halatları 5,4 esege, ósimlikler dúnyasın qorǵaw boyınsha nızam buzıwshılıq halatları 4,1 esege hám de shıǵındılar menen baylanıslı nızam buzıwshılıq halatları 1,2 esege ósip ketiwine jol qoyılǵan.
Sonday-aq, rayon aymaǵındaǵı qorshaǵan ortalıqqa zıyanlı tásir jasawshı 1-kategoriyaǵa kiriwshi 18 kárxana tárepinen jámi 71,5 mln. swmlıq kompensaciya tólemleri 2019-jıldan baslap usı kúnge shekem tólenbegen.
Májiliste tiyisli juwapkerler tárepinen anıqlanǵan mashqalalardı saplastırıw ilajları boyınsha málimleme berildi.
Májilis kún tártibindegi másele boyınsha dodalaw hám pikir usınıslardan soń isshi topar málimlemesi májilis sheshimi menen maǵlıwmat ushın qabıllandı hám de Qaraqalpaqstan Respublikası Joqarǵı Keńesiniń gezektegi sessiyasında esitiw ushın usınıs etildi.
Qaraqalpaqstan Respublikası Respublikası Joqarǵı Keńesiniń Málimleme xızmeti