Joqarǵı Keńes Baslıǵı Evropa awqamı delegaciyasın qabıl etti
1812
Usı jıldıń 28-aprel kúninen baslap Evropa Awqamınıń delegaciyası Elshi Sharlotta Adrian basshılıǵındaǵı Evropa awqamına aǵza mámleketleriniń Ózbekstandaǵı elshixanaları basshıları respublikamızda saparda bolmaqta.
Búgin Qaraqalpaqstan Respublikası Joqarǵı Keńesiniń Baslıǵı M.Kamalov delegaciya aǵzaların qabılladı.
Qabıllawda Joqarǵı Keńes Baslıǵı M.Kamalov delegaciya aǵzaların respublikamızǵa saparı menen qutlıqlap, Ózbekstan hám Evropa Awqamı mámleketleri arasındaǵı siyasiy, sawda-ekonomikalıq, mádeniy-gumanitar, salalarda alıp barılıp atırǵan jumıslar, sonday-aq, Aral teńizi apatshılıǵınıń unamsız aqıbetlerin jumsartıw ushın Awqamǵa aǵza mámleketler tárepinen ámelge asırılıp atırǵan ilajlardı ayrıqsha atap ótti.
Óz náwbetinde elshi Sharlotta Adrian jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirdi.
Qabıllawdan soń delegaciya aǵzaları menen jergilikli ǵalaba xabar quralları wákileriniń Press-konferenciyası bolıp ótti.
Onda Aralboyı aymaǵında ekologiyalıq apatshılıq aqıbetlerin jumsartıw hám jasıl toǵayzarlar menen qaplamalar payda etiw boyınsha alıp barılıp atırǵan jumıslardıń barısı, sonday-aq, Ózbekstandaǵı BMSh qáwenderligindegi Aral regionı ushın kópsheriklik trast fondı sheńberinde ámelge asırılıp atırǵan joybarlar, Evropa Awqamı mámleketleri menen sırtqı sawda aylanbası máseleleri boyınsha soraw-juwaplar boldı.
Qabıllawda Joqarǵı Keńes Baslıǵı M.Kamalov delegaciya aǵzaların respublikamızǵa saparı menen qutlıqlap, Ózbekstan hám Evropa Awqamı mámleketleri arasındaǵı siyasiy, sawda-ekonomikalıq, mádeniy-gumanitar, salalarda alıp barılıp atırǵan jumıslar, sonday-aq, Aral teńizi apatshılıǵınıń unamsız aqıbetlerin jumsartıw ushın Awqamǵa aǵza mámleketler tárepinen ámelge asırılıp atırǵan ilajlardı ayrıqsha atap ótti.
Óz náwbetinde elshi Sharlotta Adrian jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirdi.
Qabıllawdan soń delegaciya aǵzaları menen jergilikli ǵalaba xabar quralları wákileriniń Press-konferenciyası bolıp ótti.
Onda Aralboyı aymaǵında ekologiyalıq apatshılıq aqıbetlerin jumsartıw hám jasıl toǵayzarlar menen qaplamalar payda etiw boyınsha alıp barılıp atırǵan jumıslardıń barısı, sonday-aq, Ózbekstandaǵı BMSh qáwenderligindegi Aral regionı ushın kópsheriklik trast fondı sheńberinde ámelge asırılıp atırǵan joybarlar, Evropa Awqamı mámleketleri menen sırtqı sawda aylanbası máseleleri boyınsha soraw-juwaplar boldı.
Qaraqalpaqstan Respublikası Joqarǵı Keńesiniń Málimleme xızmeti