Qaraqalpaqstan Respublikası Joqarǵı Keńesiniń jigirma toǵızınshı sessiyası haqqında málimleme
1439
Usı jıl 1-iyun kúni Qaraqalpaqstan Respublikası Joqarǵı Keńesiniń jigirma toǵızınshı sessiyası bolıp ótti.
Sessiyaǵa Ózbekstan Respublikası Oliy Majlisi Senatınıń aǵzaları, sektorlar hám tiyisli tarawlardıń basshıları, ǵalaba xabar qurallarınıń wákilleri qatnastı.
Sessiyanı Qaraqalpaqstan Respublikası Joqarǵı Keńesiniń Baslıǵı M.Kamalov kiris sóz benen ashtı.
Deputatlar sessiyanıń Sekretariatın sayladı hám kún tártibin tastıyıqladı.
Sessiyanıń kún tártibindegi dáslepki másele-xalıqqa kórsetilip atırǵan tez medicinalıq hám qıstawlı járdem xızmetleriniń sapasın jaqsılawǵa qaratılǵan ilajlar tuwralı Qaraqalpaqstan Respublikası Joqarǵı Keńesiniń deputatı T.Romanovtıń málimlemesi tıńlandı.
Deputattıń atap ótkenindey, búgingi kúni respublikamızdıń xalqına 156 tez medicinalıq járdem brigadası xızmet kórsetpekte. Sonıń ishinde, 137 ulıwma tarmaqlıq brigadası, 11 reanimaciya, 3 psixiatriya jáne 5 feldsherlik brigadası xızmet kórsetpekte.
Sońǵı 5 jıldıń ishinde tez medicinalıq brigadalardıń sanı 92 den 156 ǵa, tez járdem brigadalarına zárúr bolǵan dári-dármaqlar túri 20 atamadan 41 atamaǵa kóbeygen. Sonday-aq, tez járdem xızmeti ushın jámi 109 dana arnawlı avtotransport alınıp, 68,6 procentke jańalanǵan. Tez medicinalıq járdem xızmetindegi shıpakerler ushın ajıratılǵan shtat birligi usı dáwirde 393 ten 856 shtat birligine jetkerilgen.
Bul másele boyınsha deputatlar tiyisli qarar qabıl etti.
Sessiyanıń kún tártibindegi ekinshi másele «Tuqımgershilik haqqında»ǵı Qaraqalpaqstan Respublikası Nızamınıń (jańa redakciyada) joybarı boyınsha Joqarǵı Keńestiń komitet baslıǵı D.Utambetov bayanat jasadı.
Atap ótilgenindey, islep shıǵılǵan nızam joybarı 4 bap, 39 statyadan ibarat bolıp, hárekettegi nızamnıń 9 statyasına ózgerisler hám qosımshalar, jańadan 27 statya kirgiziw usınıs etilmekte. Soraw-juwaplardan soń deputatlar bul másele boyınsha tiyisli qarar qabıl etti.
Bunnan keyin Ózbekstan Respublikası Prezidentiniń 2020-jıl 11-noyabrdegi «2020-2023-jıllarda Qaraqalpaqstan Respublikasın kompleksli sociallıq-ekonomikalıq rawajlandırıw ilajları haqqında»ǵı qararında belgilengen wazıypalardıń orınlanıw barısı haqqında Qaraqalpaqstan Respublikası Ministrler Keńesi Baslıǵınıń birinshi orınbasarı N.Erlepesovtıń esabatı tıńlandı. Atap ótilgenindey, 2020-2023-jıllarda 2788 joybar hám obektlerde 21 trillion 209 milliard sumlıq keń kólemli jumıslardı ámelge asırıw rejelestirilgen bolıp, sonnan ótken jıldıń ózinde 22 ulıwma bilim beriw mektebinde 81 milliard sumlıq, 13 mektepke shekemgi bilimlendiriw shólkeminde 47,3 millirad sumlıq, 8 densawlıqtı saqlaw obektlerinde 48,8 milliard sumlıq qurılıs jumısları alıp barılıp, paydalanıwǵa tapsırıldı.
Sonıń menen bir qatarda, Prezident qararı menen bıyılǵı jılı ámelge asırılatuǵın wazıypalar belgilep alınǵan bolıp, aymaqlıq investiciya joybarları hám sanaat klasterlerin shólkemlestiriw boyınsha kólemi 4,1 trillion sumlıq 193 joybardı ámelge asırıw hám 4898 jańa jumıs ornın jaratıw, jol-transport, injenerlik-kommunikaciya, infrastruktura obektlerinde 263 milliard sumlıq, 40 sociallıq taraw obektinde 188 milliard sumlıq, 45 sharayatı awır awıl hám mákan puqaralar jıyınında 397 milliard sumlıq qurılıs-ońlaw hám abadanlastırıw jumısların alıp barıw rejelestirilgen.
Deputatlar bul másele boyınsha tiyisli qarar qabıl etti.
Sonday-aq, sessiya Ózbekstan Respublikası Prezidentiniń 2017-jıl 13-dekabrdegi «Jergilikli mámleketlik hákimiyat uyımlarınıń qarjı erkinligin arttırıw, jergilikli byudjetlerge túsimlerdiń tolıqlıǵın támiyinlew boyınsha salıq hám qarjı uyımlarınıń juwapkershiligin kúsheytiwge baylanıslı qosımsha ilajlar haqqında»ǵı pármanı talaplarınıń orınlanıwın támiyinlew maqsetinde Qaraqalpaqstan Respublikası Ministrler Keńesi, Qarjı ministrligi hám Mámleketlik salıq basqarmasınıń bıyılǵı jıldıń birinshi shereginde ámelge asırǵan jumıslarınıń barısı boyınsha esabatları, xalıqtı, ásirese jaslardı dene-tárbiya hám sportqa qamtıp alıw boyınsha alıp barılıp atırǵan jumıslar tuwralı Qaraqalpaqstan Respublikası Sporttı rawajlandırıw ministriniń málimlemesi tıńlandı.
Bul máseleler boyınsha deputatlar tiyisli qarar qabıl etti.
Bunnan keyin Qaraqalpaqstan Respublikası sudı baslıǵınıń orınbasarın saylaw haqqında másele kórip shıǵıldı.
Qaraqalpaqstan Respublikası Joqarǵı Keńesi Baslıǵınıń usınısına muwapıq, Qaraqalpaqstan Respublikası sudı baslıǵınıń orınbasarı lawazımına Abdimurat Karimbaevtıń kandidaturası usınıldı.
Talabannıń ómiri hám miynet jolı menen tanısıp shıqqan deputatlar Abdimurat Karimbaevtı Qaraqalpaqstan Respublikası sudı baslıǵınıń orınbasarı lawazımına saylaw haqqındaǵı qarar qabıl etti.
Sessiya sońında Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqında másele kórip shıǵıldı.
Deputatlar bul másele boyınsha tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń jigirma toǵızınshı sessiyası óz jumısın juwmaqladı.
Sessiyanıń kún tártibindegi dáslepki másele-xalıqqa kórsetilip atırǵan tez medicinalıq hám qıstawlı járdem xızmetleriniń sapasın jaqsılawǵa qaratılǵan ilajlar tuwralı Qaraqalpaqstan Respublikası Joqarǵı Keńesiniń deputatı T.Romanovtıń málimlemesi tıńlandı.
Deputattıń atap ótkenindey, búgingi kúni respublikamızdıń xalqına 156 tez medicinalıq járdem brigadası xızmet kórsetpekte. Sonıń ishinde, 137 ulıwma tarmaqlıq brigadası, 11 reanimaciya, 3 psixiatriya jáne 5 feldsherlik brigadası xızmet kórsetpekte.
Sońǵı 5 jıldıń ishinde tez medicinalıq brigadalardıń sanı 92 den 156 ǵa, tez járdem brigadalarına zárúr bolǵan dári-dármaqlar túri 20 atamadan 41 atamaǵa kóbeygen. Sonday-aq, tez járdem xızmeti ushın jámi 109 dana arnawlı avtotransport alınıp, 68,6 procentke jańalanǵan. Tez medicinalıq járdem xızmetindegi shıpakerler ushın ajıratılǵan shtat birligi usı dáwirde 393 ten 856 shtat birligine jetkerilgen.
Bul másele boyınsha deputatlar tiyisli qarar qabıl etti.
Sessiyanıń kún tártibindegi ekinshi másele «Tuqımgershilik haqqında»ǵı Qaraqalpaqstan Respublikası Nızamınıń (jańa redakciyada) joybarı boyınsha Joqarǵı Keńestiń komitet baslıǵı D.Utambetov bayanat jasadı.
Atap ótilgenindey, islep shıǵılǵan nızam joybarı 4 bap, 39 statyadan ibarat bolıp, hárekettegi nızamnıń 9 statyasına ózgerisler hám qosımshalar, jańadan 27 statya kirgiziw usınıs etilmekte. Soraw-juwaplardan soń deputatlar bul másele boyınsha tiyisli qarar qabıl etti.
Bunnan keyin Ózbekstan Respublikası Prezidentiniń 2020-jıl 11-noyabrdegi «2020-2023-jıllarda Qaraqalpaqstan Respublikasın kompleksli sociallıq-ekonomikalıq rawajlandırıw ilajları haqqında»ǵı qararında belgilengen wazıypalardıń orınlanıw barısı haqqında Qaraqalpaqstan Respublikası Ministrler Keńesi Baslıǵınıń birinshi orınbasarı N.Erlepesovtıń esabatı tıńlandı. Atap ótilgenindey, 2020-2023-jıllarda 2788 joybar hám obektlerde 21 trillion 209 milliard sumlıq keń kólemli jumıslardı ámelge asırıw rejelestirilgen bolıp, sonnan ótken jıldıń ózinde 22 ulıwma bilim beriw mektebinde 81 milliard sumlıq, 13 mektepke shekemgi bilimlendiriw shólkeminde 47,3 millirad sumlıq, 8 densawlıqtı saqlaw obektlerinde 48,8 milliard sumlıq qurılıs jumısları alıp barılıp, paydalanıwǵa tapsırıldı.
Sonıń menen bir qatarda, Prezident qararı menen bıyılǵı jılı ámelge asırılatuǵın wazıypalar belgilep alınǵan bolıp, aymaqlıq investiciya joybarları hám sanaat klasterlerin shólkemlestiriw boyınsha kólemi 4,1 trillion sumlıq 193 joybardı ámelge asırıw hám 4898 jańa jumıs ornın jaratıw, jol-transport, injenerlik-kommunikaciya, infrastruktura obektlerinde 263 milliard sumlıq, 40 sociallıq taraw obektinde 188 milliard sumlıq, 45 sharayatı awır awıl hám mákan puqaralar jıyınında 397 milliard sumlıq qurılıs-ońlaw hám abadanlastırıw jumısların alıp barıw rejelestirilgen.
Deputatlar bul másele boyınsha tiyisli qarar qabıl etti.
Sonday-aq, sessiya Ózbekstan Respublikası Prezidentiniń 2017-jıl 13-dekabrdegi «Jergilikli mámleketlik hákimiyat uyımlarınıń qarjı erkinligin arttırıw, jergilikli byudjetlerge túsimlerdiń tolıqlıǵın támiyinlew boyınsha salıq hám qarjı uyımlarınıń juwapkershiligin kúsheytiwge baylanıslı qosımsha ilajlar haqqında»ǵı pármanı talaplarınıń orınlanıwın támiyinlew maqsetinde Qaraqalpaqstan Respublikası Ministrler Keńesi, Qarjı ministrligi hám Mámleketlik salıq basqarmasınıń bıyılǵı jıldıń birinshi shereginde ámelge asırǵan jumıslarınıń barısı boyınsha esabatları, xalıqtı, ásirese jaslardı dene-tárbiya hám sportqa qamtıp alıw boyınsha alıp barılıp atırǵan jumıslar tuwralı Qaraqalpaqstan Respublikası Sporttı rawajlandırıw ministriniń málimlemesi tıńlandı.
Bul máseleler boyınsha deputatlar tiyisli qarar qabıl etti.
Bunnan keyin Qaraqalpaqstan Respublikası sudı baslıǵınıń orınbasarın saylaw haqqında másele kórip shıǵıldı.
Qaraqalpaqstan Respublikası Joqarǵı Keńesi Baslıǵınıń usınısına muwapıq, Qaraqalpaqstan Respublikası sudı baslıǵınıń orınbasarı lawazımına Abdimurat Karimbaevtıń kandidaturası usınıldı.
Talabannıń ómiri hám miynet jolı menen tanısıp shıqqan deputatlar Abdimurat Karimbaevtı Qaraqalpaqstan Respublikası sudı baslıǵınıń orınbasarı lawazımına saylaw haqqındaǵı qarar qabıl etti.
Sessiya sońında Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqında másele kórip shıǵıldı.
Deputatlar bul másele boyınsha tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń jigirma toǵızınshı sessiyası óz jumısın juwmaqladı.