Joqarǵı Keńes májilisinde
1532
Búgin Qaraqalpaqstan Respublikası Joqarǵı Keńesinde gazeta-jurnallardı hár tárepleme qollap-quwatlaw hámde qala hám rayon hákimlikleri málimleme xızmetiniń jumısların jetilistiriwge baǵıshlanǵan májilis bolıp ótti.
Májilis Joqarǵı Keńes hámde qala hám rayon hákimlikleri studiyalarınan videokonferencbaylanıs tárizinde ótkerildi.
Oǵan respublika studiyasınan Joqarǵı Keńes komitet baslıqları, Ministrler Keńesi Baslıǵınıń orınbasarları, tiyisli ministrlik, mákeme hám shólkem basshıları, baspasóz tarawı wákilleri, qala hám rayon studiyalarınan hákimler, olardıń tiyisli orınbasarları, málimleme xızmeti basshıları, qalalıq hám rayonlıq gazetalardıń redaktorları qatnastı.
Májilisti Qaraqalpaqstan Respublikası Joqarǵı Keńesi Baslıǵınıń orınbasarı A.Davletov ashtı hám basqarıp bardı.
Májiliste baspasóz basılımları redakciyalarınıń finanslıq-ekonomikalıq awhalın jaqsılaw, basılımlardıń mazmunın bayıtıw hám poligrafiyalıq sapasın jaqsılaw máselelerine ayrıqsha itibar qaratıldı.
Haqıyqatında da, búgingi internet hám sociallıq tarmaqlarda jarıtılıp atırǵan materiallar menen bir qatarda jámiyet turmısında gazeta hám jurnallar áhmiyetli orın iyeleydi.
Ásirese, ana tilimizdiń tazalıǵın saqlawda, hár tárepleme talqılanǵan materiallardı oqıwshılarǵa jetkeriwde baspa basılımlardıń ornı ayrıqsha sanaladı.
Solay eken, búgingidey ótiw dáwirinde gazeta-jurnallardı qollap-quwatlaw –bul jámiyet ushın da, redakciya jámááti ushın da iygilikli islerden sanaladı.
Májiliste qala hám rayon hákimlerine, tiyisli uyım basshılarına gazeta-jurnallardıń áhmiyetliligin, baspasóz basılımlarına jazılıwdıń májbúriy emesligin esapqa alıp, jazılıwdı shólkemlestiriwde ózleri órnek kórsetip, keń túrde úgit-násiyat ilajların alıp barıw usınıs etildi.
Sonday-aq, májiliste qala hám rayon hákimliklerinde jumıs alıp barıp atırǵan málimleme xızmeti basshılarınıń jumıslarına sın kóz qarastan baha berildi.
Májilisti Qaraqalpaqstan Respublikası Joqarǵı Keńesi Baslıǵınıń orınbasarı A.Davletov ashtı hám basqarıp bardı.
Májiliste baspasóz basılımları redakciyalarınıń finanslıq-ekonomikalıq awhalın jaqsılaw, basılımlardıń mazmunın bayıtıw hám poligrafiyalıq sapasın jaqsılaw máselelerine ayrıqsha itibar qaratıldı.
Haqıyqatında da, búgingi internet hám sociallıq tarmaqlarda jarıtılıp atırǵan materiallar menen bir qatarda jámiyet turmısında gazeta hám jurnallar áhmiyetli orın iyeleydi.
Ásirese, ana tilimizdiń tazalıǵın saqlawda, hár tárepleme talqılanǵan materiallardı oqıwshılarǵa jetkeriwde baspa basılımlardıń ornı ayrıqsha sanaladı.
Solay eken, búgingidey ótiw dáwirinde gazeta-jurnallardı qollap-quwatlaw –bul jámiyet ushın da, redakciya jámááti ushın da iygilikli islerden sanaladı.
Májiliste qala hám rayon hákimlerine, tiyisli uyım basshılarına gazeta-jurnallardıń áhmiyetliligin, baspasóz basılımlarına jazılıwdıń májbúriy emesligin esapqa alıp, jazılıwdı shólkemlestiriwde ózleri órnek kórsetip, keń túrde úgit-násiyat ilajların alıp barıw usınıs etildi.
Sonday-aq, májiliste qala hám rayon hákimliklerinde jumıs alıp barıp atırǵan málimleme xızmeti basshılarınıń jumıslarına sın kóz qarastan baha berildi.
Qaraqalpaqstan Respublikası Joqarǵı Keńesiniń Málimleme xızmeti