3000 bala dem alıw hám sawallandırıw oraylarına jiberiledi
900
2022-jılǵı balalardı dem aldırıw hám sawallandırıw máwsiminde shańaraqlıq balalar úyleriniń, baǵıwshısın joǵaltqan hám kem támiyinlengen shańaraqlardıń balaların dem alıw hám sawallandırıw oraylarına jiberiw ushın qarjı ajıratıw ilajları haqqında Joqarǵı Keńes Prezidiumı qararı qabıl etildi.
Qararǵa muwapıq, shańaraqlıq balalar úyleriniń, baǵıwshısın joǵaltqan hám kem támiyinlengen shańaraqlardıń 3000 balasın dem alıw hám sawallandırıw oraylarına jiberiw ushın úsh milliard seksen segiz million toǵız júz jetpis bes mıń swm qarjı Qaraqalpaqstan Respublikası respublika byudjetiniń I-sherek dáramatlar rejesiniń artıq orınlanǵan bólegi esabınan ajıratılmaqta.
Qaraqalpaqstan Respublikası Joqarǵı Keńesiniń Málimleme xızmeti