Nuraniylarǵa húrmet hám izzet kórsetildi
1286
Nókis qalasındaǵı «Sultan saray» restoranında Ózbekstan Respublikası Máhálle hám nuraniylardı qollap-quwatlaw ministrligi, Qaraqalpaqstan Respublikası Joqarǵı Keńesi hám Ministrler Keńesiniń shólkemlestiriwinde «Nuraniylarǵa húrmet hám izzet» atamasındaǵı ushırasıw keshesi bolıp ótti.
Paytaxtımızdaǵı payızlı orınlardıń biri bolǵan bul maydan bayramdaǵıday bezetilgen. Simfoniyalıq orkestr sazları astında respublikamızda túrli tarawlarda jemisli miynet etip, ózleriniń pidákerlik miynet menen xalqımızǵa órnek bolıp kiyatırǵan nuraniylar kelesheginen úmit kúttiretuǵın jaslar tárepinen saltanatlı jaǵdayda kútip alındı. Qatnasıwshılar dáslep respublikamızda háreket etip turǵan milliy-mádeniy oraylar tárepinen tigilgen qara úyler, túrli millet wákilleri tárepinen tayarlanǵan buyımlar, qol óneri úlgileriniń kórgizbesi menen jaqınnan tanıstı.
Jaqında ǵana elimizde Xalıqlar doslıǵı kúni keń túrde belgilendi. Mámleketimizde milletleraralıq doslıq hám tatıwlıqtı, túrli millet hám xalıq wákilleri arasında óz-ara awızbirshilik, keńpeyillik, miyrim-shápáát ortalıǵın bekkemlew, milliy mádeniyatlar, úrp-ádet hám dátúrlerdi saqlaw jáne rawajlandırıwǵa qosqan múnásip úlesi ushın bir topar belsendiler Prezidentimizdiń pármanı menen orden hám medallar menen sıylıqlandı. Olardıń arasında Qaraózek rayonındaǵı Quralpa awıl puqaralar jıyınınıń baslıǵı Jańabay Adilbaev ta bar. Ol «Dwstlik» ordeni menen sıylıqlandı.
Ushırasıwda Ózbekstan Respublikası Prezidentiniń keńesgóyi, Máhálle hám nuraniylardı qollap-quwatlaw ministri, senator T.Xudaybergenov shıǵıp sóylep, húrmetli Prezidentimiz Sh.Mirziyoevtıń basshılıǵında nuraniylarǵa hám kekse áwlad wákillerine kórsetilip atırǵan ayrıqsha itibar jáne ǵamqorlıqqa toqtap ótti.
Atap ótilgenindey, ǵárezsiz elimizde kekse jastaǵı puqaralardı mámleket tárepinen qollap-quwatlaw sistemasın jetilistiriw, olardıń elimizdiń jámiyetlik-siyasiy turmısına belsene qatnasıwı ushın zárúr sharayatlar jaratıw, kekse áwladtıń jámiyette, shańaraqlarda hám máhállelerde tınıshlıq-tatıwlıqtı támiyinlew, sonday-aq, jas áwladtı xalqımızdıń kóp ásirlik dástúrlerin húrmet etiw ruwxında tárbiyalaw jumısındaǵı rolin arttırıw baǵdarında keń kólemli ilajlar ámelge asırılmaqta. Ózbekstan veteranlarınıń jámiyetlik jumısın qollap-quwatlaw «Nuraniy» fondı Qáwenderlik Keńesiniń qararı menen ekonomika hám óndiris, ilim, mádeniyat, bilimlendiriw, densawlıqtı saqlaw, huqıq hám basqa da tarawlardaǵı kóp jıllıq hadal miyneti ushın respublikamızdan bir topar nuraniylar I, II, III dárejeli «Mehnat faxriysi» kókirek belgisi menen sıylıqlandı.
Ushırasıwda «Mehnat faxriysi» kókirek belgisi hám onıń gúwalıǵı óz iyelerine saltanatlı jaǵdayda tapsırıldı.
Qatnasıwshılarǵa xızmeti kópshilikke órnek bolǵan nuraniylarımızdıń ómir hám miynet jolına baǵıshlanǵan filmler kórsetildi. Dásturxan átirapında kekse áwlad wákilleri menen jaslardıń pikir alısıwları boldı.
-Elimizde túrli millet wákilleri bekkem awızbirshilikte jasap kelmekte,-deydi Qaraqalpaqstan Respublikası Máhálle hám nuraniylardı qollap-quwatlaw ministriniń orınbasarı Tursınbay Abdijapparov.-Bunda nuraniylarımızdıń ómir jolı, bay tájiriybesi jaslarımız ushın órnek bolıp kelmekte. Respublikamızdan bir topar nuraniylardıń «Mehnat faxriysi» kókirek belgisi menen sıylıqlanıwı Prezidentimizdiń Qaraqalpaqstannıń keń peyil xalqına, sonıń ishide nuraniylarına kórsetilip atırǵan ayrıqsha itibar hám ǵamqorlıqtıń ámeldegi kórinisi bolıp tabıladı. Nuraniylarımız Jańa Ózbekstannıń bunnan bılay da gúllep-rawajlanıwına, xalıqlarımız arasındaǵı doslıqtı bekkemlewde, jaslarımızdı hár tárepleme tárbiyalawda aldaǵı waqıtları da ózleriniń bahalı aqıl-keńeslerin berip barıwdan jalıqpaydı.
Qatnasıwshılarǵa respublikamız kórkem óner sheberleriniń koncert baǵdarlaması qoyıp berildi.
Ilajǵa Qaraqalpaqstan Respublikası Joqarǵı Keńesiniń Baslıǵı M.Kamalov, Ministrler Keńesiniń Baslıǵı Q.Sariev qatnastı.
Jaqında ǵana elimizde Xalıqlar doslıǵı kúni keń túrde belgilendi. Mámleketimizde milletleraralıq doslıq hám tatıwlıqtı, túrli millet hám xalıq wákilleri arasında óz-ara awızbirshilik, keńpeyillik, miyrim-shápáát ortalıǵın bekkemlew, milliy mádeniyatlar, úrp-ádet hám dátúrlerdi saqlaw jáne rawajlandırıwǵa qosqan múnásip úlesi ushın bir topar belsendiler Prezidentimizdiń pármanı menen orden hám medallar menen sıylıqlandı. Olardıń arasında Qaraózek rayonındaǵı Quralpa awıl puqaralar jıyınınıń baslıǵı Jańabay Adilbaev ta bar. Ol «Dwstlik» ordeni menen sıylıqlandı.
Ushırasıwda Ózbekstan Respublikası Prezidentiniń keńesgóyi, Máhálle hám nuraniylardı qollap-quwatlaw ministri, senator T.Xudaybergenov shıǵıp sóylep, húrmetli Prezidentimiz Sh.Mirziyoevtıń basshılıǵında nuraniylarǵa hám kekse áwlad wákillerine kórsetilip atırǵan ayrıqsha itibar jáne ǵamqorlıqqa toqtap ótti.
Atap ótilgenindey, ǵárezsiz elimizde kekse jastaǵı puqaralardı mámleket tárepinen qollap-quwatlaw sistemasın jetilistiriw, olardıń elimizdiń jámiyetlik-siyasiy turmısına belsene qatnasıwı ushın zárúr sharayatlar jaratıw, kekse áwladtıń jámiyette, shańaraqlarda hám máhállelerde tınıshlıq-tatıwlıqtı támiyinlew, sonday-aq, jas áwladtı xalqımızdıń kóp ásirlik dástúrlerin húrmet etiw ruwxında tárbiyalaw jumısındaǵı rolin arttırıw baǵdarında keń kólemli ilajlar ámelge asırılmaqta. Ózbekstan veteranlarınıń jámiyetlik jumısın qollap-quwatlaw «Nuraniy» fondı Qáwenderlik Keńesiniń qararı menen ekonomika hám óndiris, ilim, mádeniyat, bilimlendiriw, densawlıqtı saqlaw, huqıq hám basqa da tarawlardaǵı kóp jıllıq hadal miyneti ushın respublikamızdan bir topar nuraniylar I, II, III dárejeli «Mehnat faxriysi» kókirek belgisi menen sıylıqlandı.
Ushırasıwda «Mehnat faxriysi» kókirek belgisi hám onıń gúwalıǵı óz iyelerine saltanatlı jaǵdayda tapsırıldı.
Qatnasıwshılarǵa xızmeti kópshilikke órnek bolǵan nuraniylarımızdıń ómir hám miynet jolına baǵıshlanǵan filmler kórsetildi. Dásturxan átirapında kekse áwlad wákilleri menen jaslardıń pikir alısıwları boldı.
-Elimizde túrli millet wákilleri bekkem awızbirshilikte jasap kelmekte,-deydi Qaraqalpaqstan Respublikası Máhálle hám nuraniylardı qollap-quwatlaw ministriniń orınbasarı Tursınbay Abdijapparov.-Bunda nuraniylarımızdıń ómir jolı, bay tájiriybesi jaslarımız ushın órnek bolıp kelmekte. Respublikamızdan bir topar nuraniylardıń «Mehnat faxriysi» kókirek belgisi menen sıylıqlanıwı Prezidentimizdiń Qaraqalpaqstannıń keń peyil xalqına, sonıń ishide nuraniylarına kórsetilip atırǵan ayrıqsha itibar hám ǵamqorlıqtıń ámeldegi kórinisi bolıp tabıladı. Nuraniylarımız Jańa Ózbekstannıń bunnan bılay da gúllep-rawajlanıwına, xalıqlarımız arasındaǵı doslıqtı bekkemlewde, jaslarımızdı hár tárepleme tárbiyalawda aldaǵı waqıtları da ózleriniń bahalı aqıl-keńeslerin berip barıwdan jalıqpaydı.
Qatnasıwshılarǵa respublikamız kórkem óner sheberleriniń koncert baǵdarlaması qoyıp berildi.
Ilajǵa Qaraqalpaqstan Respublikası Joqarǵı Keńesiniń Baslıǵı M.Kamalov, Ministrler Keńesiniń Baslıǵı Q.Sariev qatnastı.