DÓRETIWShILIK IMTIXAN PROCESI DEPUTATLAR QADAǴALAWÍNDA
1304
Xabarıńız bar, áyne kúnleri 2022-2023 okıw jılı ushın ayrıqsha talant talap etiletuǵın bakalavriat tálim baǵdarlarına oqıwǵa qabıl etiwde kásiplik (dóretiwshilik) imtixanlar bolıp ótpekte.
Búgin Qaraqalpaqstan Respublikası Joqarǵı Keńesiniń Nızamlılıq sud-huqıq hám korruciyaǵa qarsı gúresiw máseleleri komiteti baslıǵı Z.Reymova, komitet aǵzaları, Qaraqalpaqstan Respublikası korrupciyaǵa qarsı gúresiw boyınsha aymaqlıq Keńesi aǵzaları hám ǵalaba xabar kurallarınıń xızmetkerleri Ózbekstan mámleketlik kórkem óner hám mádeniyat institutı Nókis filialında boldı.
Dáslep isshi topar aǵzaları 2022-2023 oqıw jılı ushın qabıllaw procesinde filialda ótkerilip atırǵan dóretiwshilik imtixanlardıń barısı, sonday-aq, medicina xanaları, dóretiwshilik imtixanlardı onlayn rejmde tuwrıdan-tuwrı baqlap barıwda arnawlı kameralardıń ornatılǵanlıǵın hám imtixannıń barısın kózden keshirdi.
Ilajda dóretiwshilik imtixanlardıń ashıq-aydın hám járiyalılıq túrde bolıp ótiwin támiyinlew, sonday-aq, korrupciya menen baylanıslı bolǵan jaǵdaylardıń aldın alıw boyınsha turaqlı úgit-násiyat jumısların alıp barıw kerekligi atap ótildi. Bunnan son, deputatlar joqarı oqıw orınlarında Korrupciyaǵa qarsı gúresiw hám onıń aldın alıw maqsetinde jolǵa qoyılǵan «Korrupciyaǵa qarsı gúresiw hám Komplayens-qadaǵalaw» bóliminiń jumıs procesi menen tanısıp, bólim jumısın ele de jetilistiriw kerekligi boyınsha ózleriniń pikir-usınısların billdirdi.
Ilaj sońında abiturentler hám olardıń ata-anaları menen ushırasıp, elimizde Prezidentimiz tárepinen jaslar ushın jaratılǵan imkaniyatlar hám usı múmkinshiliklerden nátiyjeli paydalanıw kerekligi haqqında sáwbetlesti.
Ilajda dóretiwshilik imtixanlardıń ashıq-aydın hám járiyalılıq túrde bolıp ótiwin támiyinlew, sonday-aq, korrupciya menen baylanıslı bolǵan jaǵdaylardıń aldın alıw boyınsha turaqlı úgit-násiyat jumısların alıp barıw kerekligi atap ótildi. Bunnan son, deputatlar joqarı oqıw orınlarında Korrupciyaǵa qarsı gúresiw hám onıń aldın alıw maqsetinde jolǵa qoyılǵan «Korrupciyaǵa qarsı gúresiw hám Komplayens-qadaǵalaw» bóliminiń jumıs procesi menen tanısıp, bólim jumısın ele de jetilistiriw kerekligi boyınsha ózleriniń pikir-usınısların billdirdi.Ilaj sońında abiturentler hám olardıń ata-anaları menen ushırasıp, elimizde Prezidentimiz tárepinen jaslar ushın jaratılǵan imkaniyatlar hám usı múmkinshiliklerden nátiyjeli paydalanıw kerekligi haqqında sáwbetlesti.