«JAŃA BAZAR» ZAMANǴA SAY JAŃALANBAQTA
1602
Ózbekstan Respublikası Prezidenti Sh.Mirziyoev usı jıl fevral ayında Qaraqalpaqstan Respublikasına saparı dawamında Qaraqalpaqstandı sociallıq-ekonomikalıq rawajlandırıw boyınsha áhmiyetli wazıypalardı belgilep bergen edi.
Berilgen tapsırmalardıń orınlanıwın támiyinlew maqsetinde Ózbekstan Respublikası Prezidenti másláhátshisi, Máhálle hám nuranıylardı qollap-quwatlaw ministri T.Xudaybergenov basshılıǵında dúzilgen isshi topar tárepinen aymaqtaǵı eń awır máhálleler úyrenip shıǵıldı hámde isleniwi tiyis wazıypalar belgilep alındı.
Mine, ótken qısqa waqıt ishinde paytaxtımızdaǵı bir qatar eń awır máhállelerde qurılıs, abadanlastırıw, ishki jollardıń nasazlıǵın saplastırıw, piyadalar jolı, túngi jaqtılandırıw shıraqların jańalaw, gaz, vodoprovod ishimlik suwı, kanalizaciya tarmaqların tartıw, jumıssız puqaralardıń bántligin támiyinlew arqalı «Abat máhálle»ge aylandırıw jumısları qızǵın túrde alıp barılmaqta.
Usınday keń kólemli dóretiwshilik, qurılıs-abadanlastırıw jumısları búgingi kúnde «Jańa bazar» mákan puqaralar jıyını aymaǵında da jedellik penen dawam etip atır. Oǵan Qaraqalpaqstan Respublikası Joqarǵı Keńesiniń Baslıǵı M.Kamalov hám barlıq ministrlikler menen shólkemler belsene qatnaspaqta.
Házirgi waqıtta aymaq kóshelerine ishimlik suw qubırların tósew, elektr baǵanaların ornatıw, jaqtılandırıw, baylanıs tarmaqların tartıw, ishki kóshelerdi tegislew hám ЩPS tósew, elektr sımların jańalaw, gaz trubaların ońlaw hám taǵı basqa da jumıslar ámelge asırılmaqta.
Sonday-aq, Joqarǵı Keńes Baslıǵı M.Kamalov hám barlıq taraw basshıları aymaqtaǵı xojalıqlarǵa úyme-úy kirip, puqaralar menen jeke sáwbetlesip, olardıń múrájatların tıńlap, mashqalaların úyrenip, unamlı sheshiw boyınsha tiyisli ilajlar kórmekte.
Aymaq turǵınları bul jumıslardan quwanıshta hám búgingi kúninen kewli tolıp, erteńgi kúnge degen isenim payda bolmaqta. Álbette, bulardıń barlıǵı insan qádiri ushın, xalqımızdıń iygiligi jolında islenip atırǵan jumıslardan bolıp tabıladı.
Usınday keń kólemli dóretiwshilik, qurılıs-abadanlastırıw jumısları búgingi kúnde «Jańa bazar» mákan puqaralar jıyını aymaǵında da jedellik penen dawam etip atır. Oǵan Qaraqalpaqstan Respublikası Joqarǵı Keńesiniń Baslıǵı M.Kamalov hám barlıq ministrlikler menen shólkemler belsene qatnaspaqta.
Házirgi waqıtta aymaq kóshelerine ishimlik suw qubırların tósew, elektr baǵanaların ornatıw, jaqtılandırıw, baylanıs tarmaqların tartıw, ishki kóshelerdi tegislew hám ЩPS tósew, elektr sımların jańalaw, gaz trubaların ońlaw hám taǵı basqa da jumıslar ámelge asırılmaqta.
Sonday-aq, Joqarǵı Keńes Baslıǵı M.Kamalov hám barlıq taraw basshıları aymaqtaǵı xojalıqlarǵa úyme-úy kirip, puqaralar menen jeke sáwbetlesip, olardıń múrájatların tıńlap, mashqalaların úyrenip, unamlı sheshiw boyınsha tiyisli ilajlar kórmekte.
Aymaq turǵınları bul jumıslardan quwanıshta hám búgingi kúninen kewli tolıp, erteńgi kúnge degen isenim payda bolmaqta. Álbette, bulardıń barlıǵı insan qádiri ushın, xalqımızdıń iygiligi jolında islenip atırǵan jumıslardan bolıp tabıladı.
Qaraqalpaqstan Respublikası Joqarǵı Keńesiniń Málimleme xızmeti