Byudjet túsimleri hám gúz-qıs máwsimine tayarlıq kóriw máselelerine arnalǵan videoselektor májilisi bolıp ótti
1775
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev byudjet túsimleri hám gúz-qıs máwsimine tayarlıq kóriw máselelerine arnalǵan videoselektor májilisin ótkerdi.
Onda Qaraqalpaqstan Respublikası Ministrler Keńesiniń Baslıǵı Qahraman Sariev hám onıń orınbasarları, sektor basshıları hámde tiyisli ministrlik, mákeme baslıqları qatnastı.
Májiliste III sherek ushın belgilengen byudjet túsimleri prognoz kórsetkishiniń orınlanıwın hámde byudjetke qosımsha túsimlerdi ámelge asırılıwın támiyinlew sonday-aq, gúz-qıs máwsimine puqta tayarlıq kóriw ilajları haqqındaǵı máseleler kórip shıǵıldı.
Ótkerilgen májiliste búgingi kúnde byudjetke túsimler rejesin orınlaw baǵdarında ayırım rayonlarda alıp barılıp atırǵan ilajlar qanaatlandırarsız ekenligi ayrıqsha atap ótilip, byudjet aldındaǵı salıq qarızdarlıqların óndiriw, bunnan tısqarı, jergilikli byudjetke tuwrıdın-tuwrı baǵdarlanatuǵın jeke puqaralardıń 2022-jıl ushın esaplanǵan mal-múlk hám jer salıqları óndiriliwi boyınsha tapsırmalar berildi.
Sonday-aq, III sherekte byudjetke 14 jóneliste qosımsha túsimlerdi támiyinlew boyınsha hár bir taraw basshılarına wazıypalar, yaǵnıy salıq qarızdarlıqların óndiriw imkanı bar balǵan jónelislerdi belgilep berilgenligi atap ótilip, bul baǵdarda da jumıslar talap dárejesinde alıp barılmay atırǵanlıǵı sınǵa alındı.
Kún tártibindegi jáne bir áhmiyetli máselelerdiń biri bul – ekonomikalıq tarmaqlardı hám sociallıq obektlerdi gúz-qıs máwsiminde turaqlı islewge tayarlawdı támiyinlew bolıp, májilis dawamında bul baǵdarda da juwapker wákillerge tiyisli tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti