Kásiplik awqamları kúni keń túrde belgilendi
2194
Búgin 11-noyabr – «Kásiplik awqamları kúni» múnásibeti menen bayram keshesi bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, elimizde insan qádiri ushın principi tiykarında alıp barılıp atırǵan keń kólemli reformalarǵa toqtalıp ótti hám búgingi bayram múnásibeti menen qızǵın qutlıqladı.
Bunnan soń kásiplik awqamı belsendilerine elimizdi hár tárepleme rawajlandırıw hám xalqımızdıń abadan turmısın támiyinlew, xızmetkerlerdiń sociallıq-ekonomikalıq máplerin, miynet huqıqların qorǵawdaǵı belsendiligi, olarǵa turaqlı miynet sharayatın hám dem alıw turmısın jaqsılawdaǵı miynetleri, sonday-aq, balalar dem alısların shólkemlestiriwdegi xızmetleri ushın Qaraqalpaqstan Respublikası Joqarǵı Keńesiniń kókirek belgileri menen húrmet jarlıqları tapsırıldı.
Sonıń menen birge, «Eń jaqsı sektor baslıǵı», «Eń jaqsı máhálle baslıǵı», Eń jaqsı hákim járdemshisi», «Eń jaqsı jaslar jetekshisi», «Eń jaqsı profilaktika inspektorı» tańlawlarınıń Ózbekstan Respublika basqıshında múnásip qatnasıp kelgen belsendilerge de bahalı sawǵalar tapsırıldı.
Haqıyqatında da, búgingi kúnde elimizde xalıqtı sociallıq qollap-quwatlaw boyınsha dúnya tájiriybesinde ushıraspaytuǵın jańa sistema tiykarında jumıslar ámelge asırılmaqta. Sebebi húrmetli Prezidentimiz basshılıǵında miynet qatnasıqların reformalawǵa, puqaralardıń miynet huqıqların qorǵawǵa, hayal-qızlar hám jaslardı qollap-quwatlawǵa, xalıqtıń bántligin támiyinlewge hám kámbaǵallıqtı qısqartıwǵa úlken itibar qaratılıp, bul baǵdarda keń kólemli reformalar ámelge asırılmaqta.
Bayram ilajı dawamında kórkem-óner tarawı xızmetkerleri tárepinen koncert baǵdarlaması qoyıp berildi.
Sonıń menen birge, «Eń jaqsı sektor baslıǵı», «Eń jaqsı máhálle baslıǵı», Eń jaqsı hákim járdemshisi», «Eń jaqsı jaslar jetekshisi», «Eń jaqsı profilaktika inspektorı» tańlawlarınıń Ózbekstan Respublika basqıshında múnásip qatnasıp kelgen belsendilerge de bahalı sawǵalar tapsırıldı.
Haqıyqatında da, búgingi kúnde elimizde xalıqtı sociallıq qollap-quwatlaw boyınsha dúnya tájiriybesinde ushıraspaytuǵın jańa sistema tiykarında jumıslar ámelge asırılmaqta. Sebebi húrmetli Prezidentimiz basshılıǵında miynet qatnasıqların reformalawǵa, puqaralardıń miynet huqıqların qorǵawǵa, hayal-qızlar hám jaslardı qollap-quwatlawǵa, xalıqtıń bántligin támiyinlewge hám kámbaǵallıqtı qısqartıwǵa úlken itibar qaratılıp, bul baǵdarda keń kólemli reformalar ámelge asırılmaqta.
Bayram ilajı dawamında kórkem-óner tarawı xızmetkerleri tárepinen koncert baǵdarlaması qoyıp berildi.
Qaraqalpaqstan Respublikası Joqarǵı Keńesiniń Málimleme xızmeti