Energetika sistemasınıń qısqa tayarlıq jaǵdayı kórip shıǵıldı
1300
Prezident Shavkat Mirziyoev 22-noyabr kúni «Ózbekneftgaz» akcionerlik jámiyetinde bolıp, energetika sistemasınıń qısqı máwsimge tayarlıǵı menen jaqınnan tanıstı. Jıl basında kelgen anomal suwıqtan juwmaq shıǵarıp, sistema potencialı arttırıldı. Bárinen burın, ishki imkaniyatlar tolıq iske qosılıp, tarmaqlar modernizaciyalandı. Qalaberse, sırt elli sherikler menen birgelikte jumıs alıp barıldı. Mákeme, kárxana hám turaq-jaylardaǵı áhmiyetli máseleler úyrenilip, saplastırıldı. Bul jumıslar hár bir máhállege shekem jetip bardı.
– Usı jılı energetika sistemasın jaqsılawǵa barlıq dáreklerden 14,5 trillion sum ajırattıq. Qanday shiyki zat, buyım, texnika kerek bolsa, alıp berildi. Endi taraw basshıları juwapkershilikti tolıq moynına alıp, anıq reje islep shıǵıwı hám energiya jetkerip beriwdi kepillikli támiyinlewi zárúr, – dedi Shavkat Mirziyoev. Usı jıldıń ótken dáwirinde 675 megavattlı elektr quwatlılıǵı iske qosıldı. Respublika boyınsha 100 podstanciya, 11,5 mıń transformator hám 34 mıń kilometr tarmaqlar jańalandı. Xalıq hám kárxanalardı tábiyǵıy gaz benen turaqlı támiyinlew maqsetinde qosımsha 5 milliard kub metr kepillikli gaz dárekleri sheshildi. Jer astı qoymaxanalarında jeterli dárejede gaz rezervi jámlendi.
Prezidentimiz suwıq kúnlerde energiya resurslarına bolǵan talaptı kepillikli támiyinlew boyınsha juwapkerlerdiń esabatın tıńladı. Energetika ministri ajıratılǵan qarjı esesine usı jılı islengen jumıslar hám jaratılǵan rezerv, kúnlik tutınıw hám onı támiyinlew mólsherleri haqqında málimleme berdi. Atap ótilgenindey, energetika sisteması 1-dekabrden 24 saatlıq jumıs tártibine ótedi. Jaqın aylarda 1 mıń 700 megavattlı 8 quyash hám samal elektr stanciyası, Sırdáryada 500 megavattlı gaz turbinası iske qosıladı. Surxandáryadaǵı Sharǵun káninde 900 mıń tonna kómir qazıp shıǵarıw baslanadı. Sonday-aq, suyıltırılǵan gaz, mazut, transformator, kabel hám basqa da zárúr qurallardıń rezervi tayarlap qoyılǵan.
Mámleketimiz basshısı energiya dáreklerin turaqlı jetkerip beriw, sonıń menen birge, tólem intizamın támiyinlew áhmiyetli ekenin atap ótti. Nızamsız jalǵanıwlarǵa shek qoyıw, hawa-rayına qarap, jıllı kúnlerde energiya resursların únemlew boyınsha kórsetpeler berildi. Ilajda «Óztransgaz», «Hududgaztaminot», «Aymaqlıq elektr tarmaqları», «Íssılıq elektr tarmaqları» akcionerlik jámiyetleriniń basshıları da málimleme berdi.
– Usı jılı energetika sistemasın jaqsılawǵa barlıq dáreklerden 14,5 trillion sum ajırattıq. Qanday shiyki zat, buyım, texnika kerek bolsa, alıp berildi. Endi taraw basshıları juwapkershilikti tolıq moynına alıp, anıq reje islep shıǵıwı hám energiya jetkerip beriwdi kepillikli támiyinlewi zárúr, – dedi Shavkat Mirziyoev. Usı jıldıń ótken dáwirinde 675 megavattlı elektr quwatlılıǵı iske qosıldı. Respublika boyınsha 100 podstanciya, 11,5 mıń transformator hám 34 mıń kilometr tarmaqlar jańalandı. Xalıq hám kárxanalardı tábiyǵıy gaz benen turaqlı támiyinlew maqsetinde qosımsha 5 milliard kub metr kepillikli gaz dárekleri sheshildi. Jer astı qoymaxanalarında jeterli dárejede gaz rezervi jámlendi.
Prezidentimiz suwıq kúnlerde energiya resurslarına bolǵan talaptı kepillikli támiyinlew boyınsha juwapkerlerdiń esabatın tıńladı. Energetika ministri ajıratılǵan qarjı esesine usı jılı islengen jumıslar hám jaratılǵan rezerv, kúnlik tutınıw hám onı támiyinlew mólsherleri haqqında málimleme berdi. Atap ótilgenindey, energetika sisteması 1-dekabrden 24 saatlıq jumıs tártibine ótedi. Jaqın aylarda 1 mıń 700 megavattlı 8 quyash hám samal elektr stanciyası, Sırdáryada 500 megavattlı gaz turbinası iske qosıladı. Surxandáryadaǵı Sharǵun káninde 900 mıń tonna kómir qazıp shıǵarıw baslanadı. Sonday-aq, suyıltırılǵan gaz, mazut, transformator, kabel hám basqa da zárúr qurallardıń rezervi tayarlap qoyılǵan.
Mámleketimiz basshısı energiya dáreklerin turaqlı jetkerip beriw, sonıń menen birge, tólem intizamın támiyinlew áhmiyetli ekenin atap ótti. Nızamsız jalǵanıwlarǵa shek qoyıw, hawa-rayına qarap, jıllı kúnlerde energiya resursların únemlew boyınsha kórsetpeler berildi. Ilajda «Óztransgaz», «Hududgaztaminot», «Aymaqlıq elektr tarmaqları», «Íssılıq elektr tarmaqları» akcionerlik jámiyetleriniń basshıları da málimleme berdi.
ÓzA