Nemis baspası Ózbekstan Prezidentiniń baslamalarına itibar qarattı

Germaniyanıń «Fair–News» internet baspasında Ózbekstannıń mámleketimiz basshılıǵındaǵı reformaları hám sırtqı siyasatqa baǵıshlanǵan maqala járiyalandı. Atap ótilgenindey, Prezident Shavkat Mirziyoev tárepinen Oraylıq Aziyada tınıshlıq hám abadanlıq ushın birge islesiw mámleketimiz sırtqı siyasatınıń tiykarǵı maqseti etip belgilengen. Zamanagóy qáwip-qáterlerdi esapqa alǵan halda, region mámleketlerin ulıwma mápler tiykarında birlestiriw arqalı xalıqaralıq birge islesiwge tartıw qáwipsizlik, abadanlıq girewi sıpatında kórinbekte. Avtor mámleketimizde júz berip atırǵan unamlı ózgerisler, sonıń ishinde, ekonomikalıq ósiw, kámbaǵallıqtı qısqartıw baǵdarında ámelge asırılǵan nátiyjeli jumıslarǵa itibar bergen. «Jańa Ózbekstandı huqıqıy, dúnyalıq, demokratiyalıq hám sociallıq mámleket sıpatında qurıw áhmiyetli baǵdar bolıp esaplanadı»,-dep jazadı «Fair-News». Ózbekstanda májbúriy hám balalar miynetin saplastırıw boyınsha isenimli qádemler qoyılǵanı ayrıqsha atap ótiledi: – Májbúriy miynetti qadaǵan etiw, usı illet penen baylanıslı huqıqbuzıwshılıq ushın hákimshilik, jınayıy juwapkershilikti kúsheytiw, dúnya jámiyetshiligin usı processke tartıw jolındaǵı háreketler mámleketti global kólemde ayrıqsha ajıratıp kórsetedi. Prezidenttiń regiondaǵı klimat ózgeriwi aqıbetine, sonıń ishinde suw támiynatı hám awıl xojalıǵındaǵı mashqalalarǵa qarsı gúresiw baǵdarındaǵı baslamaları, ásirese, itibarǵa ılayıq. BMSh suw resursları boyınsha arnawlı wákiliniń jumısı, Oraylıq Aziya klimat pikirlesiwi baslamasınıń qollap-quwatlanıwı da Ózbekstan global ekologiyalıq mashqalalardı sheshiwde belsene qatnasıwǵa tayar ekeniligin bildiredi.

ÓzA