Ózbekstan hám Rossiya Prezidentleri joqarı dárejedegi kelisimlerdi ámelge asırıw máselelerin dodaladı
1263
29-noyabr kúni Ózbekstan Respublikası Prezidenti Shavkat Mirziyoevtiń Rossiya Federaciyası Prezidenti Vladimir Putin menen telefon arqalı sóylesiwi bolıp ótti. Eki tárepleme qatnasıqlar kún tártibindegi áhmiyetli máseleler, sonıń ishinde, usı jılı 5-7-oktyabr kúnlerindegi Rossiya Federaciyasına joqarı dárejeli sapar waqtında erisilgen kelisimlerdiń ámelge asırılıwı kórip shıǵıldı. Jetekshiler Ózbekstan-Rossiya keń kólemli strategiyalıq sheriklik hám awqamlaslıq qatnasıqları izbe-iz rawajlanıp, kóp táreplemeli birge islesiw keńeyip atırǵanın atap ótti. Óz-ara tovar almasıw kórsetkishleriniń ósiw páti saqlanbaqta, ekonomikanıń hár qıylı tarmaqlarında kooperaciyalıq joybarlar ámelge asırılmaqta, aymaqlararalıq baylanıslar rawajlanbaqta. Keshe ǵana Jizzaq wálayatında birgelikte shólkemlestirilgen iri agrologistika kompleksi iske qosıldı. Ózbekstan hám Rossiya basshıları mádeniy-gumanitarlıq almasıwdıń jedel bolıp atırǵanı hám densawlıqtı saqlaw tarawında baǵdarlamalar ámelge asırılıp atırǵanın da alǵısladı. ÓzA