TOPÍRAQQALA

B.E. I–IV áá.

Topırakqala qalashasınıń kólemi 500x350 m. Tórt múyeshli, qalanıń sırtınan or qazılǵan, qorǵan paqsaları menen qorshalǵan, paqsalardıń biyikligi 8-9 m ge shekem jetken. Múyeshinde úsh minaralı saray boy tiklep turǵan. Qalanıń dárwazasınan baslanǵan kóshe qalanı ekige bólip turǵan, kósheniń eki tárepi kvartallarǵa (tiykarınan ónermentlerdiń) bólingen bolıp, onıń bir bólegi ibadatxana imaratları menen tolı bolǵan. Qala imaratlardıń birinde altın jalatılǵan jezden islengen bilezik kiygizilgen taw qoshqarınıń shaqları tabılǵan, onıń átirapında (sıyǵa, yamasa basqa maqsette) keltirilgen kóp muǵdarda shiyshe ıdıslar, bezeniw buyımları, alebastrdan islengen figuralar (skulptura), paqsada sızılǵan súwretler (oynap turǵan nıqaplılar), «Áskerler zalı» nda – áskerlerdiń figuraları, al, «Patshalar zalı»nda – pispegen ılaydan islengen patshalardıń skulpturalıq figuraları tabıldı.