Tórtkúl rayonı hákimi tayınlandı

Búgin, 30-aprel kúni xalıq deputatları Tórtkúl rayonlıq Keńesiniń gezeksiz 9-sessiyası bolıp ótti.

Sessiyanıń kún tártibinde shólkemlestiriw máselesi kórip shıǵıldı.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi.

Sessiyada Tórtkúl rayonı hákimi lawazımına Xudaybergenov Ilxomboy Tilavbaevichti tayınlaw máselesi kórip shıǵıldı.

Usınılǵan talabandı rayonlıq Keńestiń bir qatar deputatları qollap-quwatlap shıǵıp sóyledi.

Sessiyada Xudaybergenov Ilxomboy Tilavbaevich Tórtkúl rayonı hákimi etip tayınlandı.

Maǵlıwmat ornında atap ótiw kerek I.Xudaybergenov miynet jolı dawamında Ishki isler uyımlarında, sonday-aq, Tashkent wálayatı hákiminiń orınbasarı sıyaqlı juwapkershilikli lawazımlarda jemisli miynet etken. 

Usınıń menen xalıq deputatları Tórtkúl rayonlıq Keńesiniń gezeksiz 9-sessiyası óz jumısın juwmaqladı.