Joqarǵı Keńes Baslıǵı basshılıǵında Kegeyli rayonın rawajlandırıw máseleleri talqılandı

Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Kegeyli rayonınıń sociallıq-ekonomikalıq rawajlanıwı máselelerine arnalǵan májilis ótkerdi.

Onda dáslep ámelge asırılıp atırǵan jumıslar boyınsha úyreniwler nátiyjeleri, rayondaǵı investiciyalıq joybarlar, ózin-ózi bánt etken puqaralardıń shańaraqlarında ámelge asırılıp atırǵan jumıslar atap ɵtildi. 

Sonday-aq, abadanlastırıw jumısları hám ekonomikalıq kórsetkishler tereń talqılanıp, jollardı ońlaw, sociallıq obektlerdi qurıw hám rekonstrukciyalaw jumısları boyınsha bar bolǵan mashqalalar hám olardı sheshiw ilajları kórip shıǵıldı. 

Respublika basshısı tárepinen atap ɵtilgen kemshiliklerdi saplastırıw boyınsha tiyisli shólkem hám juwapkerlerge anıq wazıypalar belgilep alındı. Bunnan tısqarı, óz wazıypasın orınlawda bir qatar kemshiliklerge jol qoyǵan ayırım mákeme basshılarına intizamiy jaza sharasın qollaw, zárúr bolsa lawazımına ılayıqlıǵı máselesin úyrenip shıǵıw boyınsha juwapkerlerge tapsırmalar berildi.