Joqarǵı Keńes Baslıǵı Shımbay rayonındaǵı isbilermenler menen ushırastı
126
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shımbay rayonındaǵı isbilermenler menen ushırasıw ótkerdi.
Dáslep Joqarǵı Keńes Baslıǵı húrmetli Prezidentimizdiń Qaraqalpaqstanǵa ayrıqsha itibarı menen qabıl etilgen qarar hám pármanlar tiykarında berilgen jeńillikler, isbilermenlikti jáne de rawajlandırıw boyınsha jaratılǵan sharayatlar haqqında keń túrde atap ótti. 
Óz náwbetinde bul jeńilliklerden nátiyjeli paydalanıp, rayonda jumıs orınların jaratıw, jańa isbilermenlik quwatlıqların iske túsiriw máseleleri talqılandı.
Sonıń menen birge, jańa quwatlıqlardı iske túsiriwde ushırasıp atırǵan mashqalalar, óz sheshimin kútip turǵan máseleler tıńlanıp, sheshimin tabıw boyınsha juwapkerlerge anıq tapsırmalar berildi.