ҚМУда Экосистемалар ҳәм биокөптүрлиликти қорғаў бойынша Өзбекстан-Германия орайы - УзГЕБның салтанатлы ашылыў мәресими болып өтти

Berdaq atındaǵı Qaraqalpaq mámleketlik universitetinde «Biokóptúrlilikti qorǵaw hám Ózbekstan Respublikasındaǵı ekosistemalar -  Ózbekstan Respublikası hám Germaniya federativ Respublikası arasındaǵı birge islesiw potencialı» atamasında xalıqaralıq ilimiy-ámeliy konferenciya ótkerildi. 

Konferenciya sheńberinde Berdaq atındaǵı Qaraqalpaq mámleketlik universitetinde Ekosistemalar hám biokóptúrlilikti qorǵaw boyınsha Ózbekstan-Germaniya orayı - UzGEBnıń saltanatlı ashılıw máresimi bolıp ótti. 

Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, Ózbekstan hám Germaniyanıń ilimiy, bilimlendiriw hám innovaciyalıq tarawdaǵı jetekshi mákemeleriniń wákilleri qatnastı. 

Ilajda Oraydıń ashılıwı tek ǵana ilim emes, al, ekologiyalıq qáwipsizlik, turaqlı rawajlanıw hám xalıqaralıq ilimiy birge islesiw ushın áhmiyetli waqıya ekeni atap ótildi.

Bul Oray regionallıq hám xalıqaralıq kólemde ekologiyalıq turaqlılıqtı támiyinlewge qaratılǵan áhmiyetli baslama bolıp, ol Ózbekstannıń turaqlı rawajlanıw strategiyasına únles tárizde jumıs alıp baradı.