Muzey imaratı padalanıwǵa tapsırıldı
3578
Usı jıl 29-avgust kúni Nókis qalasında Qaraqalpaqstan Respublikası tariyxı hám mádeniyatı mámleketlik muzeyiiniń jańa imaratın paydalanıwǵa tapsırıw saltanatı bolıp ótti.
Ilajda Qaraqalpaqstan Respublikası Joqarǵı Keńesiniń Baslıǵı, Ózbekstan Qaharmanı M.Erniyazov shıǵıp sóylep, jıynalǵanlardı mámleketimiz ǵárezsizliginiń 28 jıllıǵı, muzey imaratınıń paydalanıwǵa tapsırılıwı menen qutlıqladı.
Bunnan keyin Ózbekstan Respublikası Oliy Majlisi Senatınıń aǵzası G.Annaqlıcheva, Ózbekstan hám Qaraqalpaqstan Respublikalarına xızmet kórsetken kórkem óner ǵayratkeri, belgili kompozitor N.Muxammeddinov bul muzeydiń tariyxı, milliy miyraslarımız benen qádiriyatlarımızdı qásterlep saqlaw, onı keleshek áwladqa jetkeriwdegi ornına toqtap ótti.
Atap ótilgenindey, sońǵı jılları elimizde Prezidentimizdiń baslaması mádeniyat, ádebiyat, kórkem óner tarawların rawajlandırıwǵa ayrıqsha itibar qaratılmaqta. I.V.Savickiy atındaǵı Qaraqalpaqstan Respublikası mámleketlik kórkem óner muzeyinde, Qaraqalpaq mámleketlik Jas tamashagóyler hám Quwırshaq teatrlarında, Moynaq rayonındaǵı Mádeniyat bólimi, Amfiteatr hám basqa da imaratlarda alıp barılǵan qurılıs jáne rekonstrukciya jumısları bunıń ayqın mısalı bolıp tabıladı. Nókis qalasında jańadan qurıp pitkerilgen Qaraqalpaqstan Respublikası tariyxı hám mádeniyatı mámleketlik muzeyi imaratı qalamızdıń kórkine kórik qosıw menen bir qatarda, xalqımızdı, sonıń ishinde, jaslarımızdı tariyxımızǵa, mádeniyatımızǵa, milliy úrp-ádet jáne salt-dástúrlerimizge húrmet ruwxında tárbiyalawǵa xızmet etdi.
Haqıyqatında da, muzey hár bir xalıqtıń ótmishinen búgingi kúnge shekemgi saqlanıp kelgen shejiresi bolıp tabıladı. Solay eken, muzey arqalı sol úlkede ómir súriwshi xalıqtıń tariyxın, dáwir ruwxın seziwimizge boladı. Málim bolǵanınday, qay jerde mádeniyat, ruwxıylıq, aǵartıwshılıq qádirlense, kózdiń qarashıǵınday qásterlense, sol jerdiń perzentleri kámil insanlar bolıp jetilisedi.
Usınday aǵla pazıyletli xalıqtıń tariyxın, kórkem óner dóretpelerin ózinde jámlep, derlik 90 jıldan beri minsiz xızmet atqarıp kiyatırǵan, óziniń bay eksponatına iye burınǵı Qaraqalpaq mámleketlik Ulketanıw muzeyine Ózbekstan Respublikası Ministrler Kabinetiniń 2017-jıl 11-dekabrdegi «2017-2018-jıllarda mámleket muzeyleriniń jumısların jetilistiriw hám materiallıq-texnikalıq bazasın bekkemlew boyınsha kompleksli ilajlar baǵdarlamasın tastıyıqlaw haqqında» ǵı qararı tiykarında Qaraqalpaqstan Respublikası tariyxı hám mádeniyatı mámleketlik muzeyi ataması berildi. Qarardıń orınlanıwın támiyinlew sheńberinde 2017-2027-jıllarda muzey imaratların qurıw, rekonstrukciyalaw, iri ońlaw hám úskenelewdiń mánzilli baǵdarlaması qabıl etildi. Usı tiykarda muzeydiń jańa imaratınıń qurılısı baslanıp, onı «Nókis úy jay qurılıs» juwapkershiligi sheklengen jámiyeti jámááti sapalı etip pitkerip, elimiz ǵáresizliginiń 28 jıllıq bayramı aldınan xalqımızǵa sawǵa etildi.
-Bunday itibar jáne ǵamqorlıq respublikamızdıń tariyx, etnografiya, mádeniyat, kórkem óner hám ekologiya baǵdarındaǵı ishki turizmdi bunnan bılay da rawajlandırıw, respublikamızǵa kelip atırǵan sırt elli turistlerdiń aǵımın kóbeytiw, bul jerdegi eksponatlardı qásterlep saqlaw jáne onı keleshek áwladqa keńnen tanıstırıp barıwday iygilikli wazıypalardı júkleydi,-deydi muzey direktorı Venera Matekeeva.-Milliy arxitexturalıq úlgide qurılǵan imaratta barlıq qolaylı sharayatlar jaratılǵan. Atap aytqanda, 7 zamanagóy úskeneler menen támiyinlengen fond bólmesi, vitrina, jaqtılandırıwshı audiogidler menen támiyinlengen kórgizbe zalı keliwshilerdiń xızmetinde.
Muzey aldına tartılǵan qırmızı lenta kesilip, qatnasıwshılar jańa imarattaǵı sharayatlar, bul jerge qoyılǵan eksponatlar menen tanıstı.
Ilajda Qaraqalpaqstan Respublikası Joqarǵı Keńesiniń Baslıǵı, Ózbekstan Qaharmanı M.Erniyazov shıǵıp sóylep, jıynalǵanlardı mámleketimiz ǵárezsizliginiń 28 jıllıǵı, muzey imaratınıń paydalanıwǵa tapsırılıwı menen qutlıqladı.
Bunnan keyin Ózbekstan Respublikası Oliy Majlisi Senatınıń aǵzası G.Annaqlıcheva, Ózbekstan hám Qaraqalpaqstan Respublikalarına xızmet kórsetken kórkem óner ǵayratkeri, belgili kompozitor N.Muxammeddinov bul muzeydiń tariyxı, milliy miyraslarımız benen qádiriyatlarımızdı qásterlep saqlaw, onı keleshek áwladqa jetkeriwdegi ornına toqtap ótti.
Atap ótilgenindey, sońǵı jılları elimizde Prezidentimizdiń baslaması mádeniyat, ádebiyat, kórkem óner tarawların rawajlandırıwǵa ayrıqsha itibar qaratılmaqta. I.V.Savickiy atındaǵı Qaraqalpaqstan Respublikası mámleketlik kórkem óner muzeyinde, Qaraqalpaq mámleketlik Jas tamashagóyler hám Quwırshaq teatrlarında, Moynaq rayonındaǵı Mádeniyat bólimi, Amfiteatr hám basqa da imaratlarda alıp barılǵan qurılıs jáne rekonstrukciya jumısları bunıń ayqın mısalı bolıp tabıladı. Nókis qalasında jańadan qurıp pitkerilgen Qaraqalpaqstan Respublikası tariyxı hám mádeniyatı mámleketlik muzeyi imaratı qalamızdıń kórkine kórik qosıw menen bir qatarda, xalqımızdı, sonıń ishinde, jaslarımızdı tariyxımızǵa, mádeniyatımızǵa, milliy úrp-ádet jáne salt-dástúrlerimizge húrmet ruwxında tárbiyalawǵa xızmet etdi.
Haqıyqatında da, muzey hár bir xalıqtıń ótmishinen búgingi kúnge shekemgi saqlanıp kelgen shejiresi bolıp tabıladı. Solay eken, muzey arqalı sol úlkede ómir súriwshi xalıqtıń tariyxın, dáwir ruwxın seziwimizge boladı. Málim bolǵanınday, qay jerde mádeniyat, ruwxıylıq, aǵartıwshılıq qádirlense, kózdiń qarashıǵınday qásterlense, sol jerdiń perzentleri kámil insanlar bolıp jetilisedi.
Usınday aǵla pazıyletli xalıqtıń tariyxın, kórkem óner dóretpelerin ózinde jámlep, derlik 90 jıldan beri minsiz xızmet atqarıp kiyatırǵan, óziniń bay eksponatına iye burınǵı Qaraqalpaq mámleketlik Ulketanıw muzeyine Ózbekstan Respublikası Ministrler Kabinetiniń 2017-jıl 11-dekabrdegi «2017-2018-jıllarda mámleket muzeyleriniń jumısların jetilistiriw hám materiallıq-texnikalıq bazasın bekkemlew boyınsha kompleksli ilajlar baǵdarlamasın tastıyıqlaw haqqında» ǵı qararı tiykarında Qaraqalpaqstan Respublikası tariyxı hám mádeniyatı mámleketlik muzeyi ataması berildi. Qarardıń orınlanıwın támiyinlew sheńberinde 2017-2027-jıllarda muzey imaratların qurıw, rekonstrukciyalaw, iri ońlaw hám úskenelewdiń mánzilli baǵdarlaması qabıl etildi. Usı tiykarda muzeydiń jańa imaratınıń qurılısı baslanıp, onı «Nókis úy jay qurılıs» juwapkershiligi sheklengen jámiyeti jámááti sapalı etip pitkerip, elimiz ǵáresizliginiń 28 jıllıq bayramı aldınan xalqımızǵa sawǵa etildi.
-Bunday itibar jáne ǵamqorlıq respublikamızdıń tariyx, etnografiya, mádeniyat, kórkem óner hám ekologiya baǵdarındaǵı ishki turizmdi bunnan bılay da rawajlandırıw, respublikamızǵa kelip atırǵan sırt elli turistlerdiń aǵımın kóbeytiw, bul jerdegi eksponatlardı qásterlep saqlaw jáne onı keleshek áwladqa keńnen tanıstırıp barıwday iygilikli wazıypalardı júkleydi,-deydi muzey direktorı Venera Matekeeva.-Milliy arxitexturalıq úlgide qurılǵan imaratta barlıq qolaylı sharayatlar jaratılǵan. Atap aytqanda, 7 zamanagóy úskeneler menen támiyinlengen fond bólmesi, vitrina, jaqtılandırıwshı audiogidler menen támiyinlengen kórgizbe zalı keliwshilerdiń xızmetinde.
Muzey aldına tartılǵan qırmızı lenta kesilip, qatnasıwshılar jańa imarattaǵı sharayatlar, bul jerge qoyılǵan eksponatlar menen tanıstı.