Áziz hám qádirli balalar, húrmetli ata-analar!

Sizlerdi búgingi "1-iyun - Xalıqaralıq balalardı qorǵaw kúni" múnásibeti menen qızǵın qutlıqlaymız.

Balalar ómirimizdiń dawamshıları, keleshegimiz iyeleri. Olardı qásterlew, nawqıran áwlad etip kamalǵa keltiriw hár bir mámleket, hár bir shańaraq, hár bir ata-ananıń ádiwli minneti.

Aytıp ótiw orınlı, búgingi kúnde elimizde húrmetli Prezidentimizdiń basshılıǵında jaslardıń, balalardıń bilim alıwı, salamatlıǵınıń bekkem bolıwı, jetik insan bolıp kamalǵa keliwi ushın kóplegen iygilikli isler ámelge asırılmaqta.

Bala kúlkisinde álem quwanıshı jámlengen. Olardıń baxıtlı turmısın támiyinlewimiz kerek.

Qádirli Watanlaslar, áziz balalar! 

Sizlerdi búgingi bayram múnásibeti menen jáne bir márte shın júrekten qutlıqlaymız. Sizler mámleketimiz, elimizdiń keleshegisiz. Barqulla jolıńız ashıq, júzińiz jarıq bolsın.

Amanbay Orınbaev 
Qaraqalpaqstan Respublikası Joqarǵı Keńesiniń Baslıǵı