Shımbay rayonında jańa baqsha paydalanıwǵa tapsırıldı

Shımbay rayonı "Orjap" mákan puqaralar jıyını aymaǵındaǵı 150 orınlıq 17-sanlı mektepke shekemgi bilimlendiriw mekemesi paydalanıwǵa tapsırıldı. 

Obekt Prezidentimizdiń Qaraqalpaqstanǵa saparı dawamında berilgen tapsırması tiykarında 6,2 milliard sum qarjı esabınan qurılǵan.

Ashılıw máresiminde Qaraqalpaqstan Respublikası Joqarǵı Keńesiniń komitet baslıǵı M.Atamuratov qatnasıp, ósip kiyatırǵan áwladqa ǵamxorlıq etiw mámleketlik siyasattıń tiykarǵı baǵdarlarınan biri ekeni, mektepke shekemgi bilimlendiriw ushın bunday zamanagóy sharayatlardı jaratıw aymaqtı turaqlı rawajlandırıw jolındaǵı áhmiyetli qádem ekenin atap ótti.

Bunnan soń miymanlar shólkemniń infrastrukturası, balalardıń hár tárepleme rawajlanıwı ushın jaratılǵan sharayatlar menen tanıstı.