Joqarǵı Keńes Baslıǵınıń orınbasarı Xojeli rayonındaǵı shańaraqlıq balalar úylerindegi balalardı bayram múnásibeti menen qutlıqladı

«1-iyun – Xalıqaralıq balalardı qorǵaw kúni» bayramı respublikamız boyınsha orınlarda keń túrde belgilenbekte. 

Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev Xojeli rayonındaǵı shańaraqlıq balalar úylerinde tárbiyalanıp atırǵan balalardı bayram múnásibeti menen qutlıqladı. 

Aytıp ótiw orınlı, búgingi kúnde elimizde húrmetli Prezidentimizdiń basshılıǵında jaslardıń, balalardıń bilim alıwı, salamatlıǵınıń bekkem bolıwı, jetik insan bolıp kamalǵa keliwi ushın kóplegen iygilikli isler ámelge asırılmaqta. Bunda «Hár bir bala mehir hám itibarǵa ılayıq» degen iygilikli ideya tiykarında barlıq balalarǵa itibar qaratılıp atır.

Óz náwbetinde jaratılıp atırǵan bunday sharayatlar perzentlerimizdiń hár tárepleme bilimli, ozıq oylı bolıp kamalǵa keliwinde bekkem tiykar bolıp xızmet etpekte.  

Joqarǵı Keńes Baslıǵınıń orınbasarı tárepinen balalarǵa bayram múnásibeti menen sawǵalar tapsırıldı.