«Jas qutqarıwshı» áskeriy-sport jarısınıń respublikalıq basqıshında eki komandamız jeńimpazlar qatarınan orın aldı

Buxara wálayatında ulıwma bilim beriw mektepleri hám kásip-óner bilimlendiriw mákemeleri arasında dástúriy tárizde ótkerilip kiyatırǵan «Jas qutqarıwshı» kewilliler áskeriy-sport jarıslarınıń respublikalıq basqıshı ótkerildi.

Bilimlendiriw mákemeleri oqıwshıları arasında ótkerilip atırǵan «Jas qutqarıwshı» jarısınıń usı jılǵı respublikalıq basqıshında barlıq aymaqlardan ulıwma bilim beriw mektepleri hám professional bilimlendiriw mákemeleriniń 300 ge shamalas oqıwshı-jasları qatnastı.

Onda professional bilimlendiriw mákemeleri arasında Qaraqalpaqstan Respublikasınan qatnasqan Nókis qalası 1-sanlı politexnikumınıń «Jayhun» komandası barlıq baǵdarlar boyınsha teńsiz dep tabıldı hám sıylı birinshi orındı iyeledi.

Sonday-aq, ulıwma bilim beriw mektepleri arasında ótkerilgen bellesiwlerde Beruniy rayonı 54-sanlı ulıwma bilim beriw mektebiniń «Madadkor» komandası sıylı 2-orındı iyelep, kúshli úshlikten orın aldı.