Jańa ishimlik suwı liniyasın tartıw jumısları qızǵın dawam etpekte

2024-jıl 29-oktyabr kúni Moynaqqa jańa ishimlik suwı liniyasın tartıw jumıslarına start berilgen edi. 

Jańa suw liniyası 5 mıń kub metr suw jetkeriw hám 1300 den  zıyat xojalıqtı taza ishimlik suwı menen támiyinlew imkaniyatına iye.

Joybar Aziya rawajlanıw banki esabınan qarjılandırılıp, bahası 8,21 mln.dollardan ibarat. 

Joybar tiykarında Moynaq rayonı «Qızıljar» APJnıń Áliy awılı, «Hákim ata» APJnıń Doslıq awılı, «Mádeli» APJnıń Shege awılı, «Bozataw» APJnıń Ámiwdárya, Qıpshaqdárya, Tallıq awılları, «Úshsay» APJnıń Úshsay, Toqpaq ata awıllarına hám rayon orayındaǵı mákan puqaralar jıyınları aymaqlarına «Túye moyın» suw saqlaǵıshınan ishimlik suwı jetip baradı.

Házirgi waqıtta jumıslar Moynaq rayonınıń bárshe awıl puqaralar jıyınlarında hám rayon orayında dawam ettirilmekte.