Ellikqala rayonın sociallıq-ekonomikalıq jaqtan rawajlandırıw máseleleri keń túrde talqılandı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikalıq hám rayonlıq mákeme-shólkemler juwapkerleri qatnasıwında Ellikqala rayonın rawajlandırıw máselelerine arnalǵan májilis ótkerdi. 

Onda rayondı sociallıq-ekonomikalıq jaqtan rawajlandırıw, kámbaǵallıqtı qısqartıw, xalıqtıń bántligin támiyinlew hámde investiciyalıq joybarlardı ámelge asırıw baǵdarındaǵı jumıslar, xalıqtıń múnásip turmıs sharayatın támiyinlew, jańa jumıs orınların jaratıw, abadanlastırıw jumısların alıp barıw sıyaqlı belgilengen wazıypalardıń orınlanıwı máseleleri kórip shıǵıldı. 

Atap ótiw orınlı, rayondı hár tárepleme rawajlandırıw boyınsha Prezidentimiz tarepinen barlıq múmkinshilikler jaratıp berilgen. Biraq, ayırım orınlarda mákeme-shólkem basshıları hám juwapkerler, sonday-aq, máhálle belsendileri tárepinen kemshiliklerge jol qoyılmaqta. 

Atap aytqanda, máhállelerdegi jumıslardıń ámelde orınlanıwı, abadanlastırıw, pukaralardıń bántligin támiyinlew baǵdarındaǵı ilajlardıń talap dárejesinde emesligi sınǵa alındı. Juwapkerler eskertilip, ayırımlarına intizamiy jaza sharasın qollaw boyınsha tapsırmalar berildi.