Qaraqalpaqstan «Eco Expo Central Asia 2025» xalıqaralıq kórgizbesinde 1-orındı iyeledi
396
19-21-iyun kúnleri Tashkenttegi SAEX kórgizbeler orayında ótkerilgen «Eco Expo Central Asia 2025» xalıqaralıq kórgizbesine Qaraqalpaqstan Respublikası da óziniń arnawlı stendi menen qatnastı.
Stendte Aralboyındaǵı tikleniw jumısları, qayta tikleniwshi energiya dárekleri, innovaciyalıq sheshimler hám xalıqaralıq birge islesiw imkaniyatları keńnen sáwlelendirildi. Maketler, videomateriallar, akvapon sisteması, tiri seksewiller hám tábiyǵıy suw hám topıraq úlgileri arqalı aymaqtıń ekosisteması usınıldı.
Kórgizbe juwmaǵına bola, Qaraqalpaqstan stendi eń mazmunlı dep tabılıp, 1-orındı qolǵa kirgizdi. Bul bolsa ekologiyalıq turaqlılıq tarawındaǵı jumıslardıń xalıqaralıq dárejede tán alınǵanın tastıyıqlaydı.