Xalıqaralıq avtomobil jolında rekonstrukciya jumısları dawam etpekte

Respublikamız aymaǵınan ótiwshi xalıqaralıq avtomobil jolınıń ótkeriwsheńligin arttırıw baǵdarında Prezidentimizdiń qarar hám pármanları tiykarında basqıshpa-basqısh rekonstrukciya jumısları alıp barılmaqta.

Húrmetli Prezidentimizdiń 2024-jıl 24-dekabr kúngi «2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilájları haqqında»ǵı 454-sanlı qararı tiykarında A-380 «Ǵuzar-Buxara-Nókis-Beynew» avtomobil jolınıń 698-723-km aralıǵın rekonstrukciyalaw belgilengen edi. Qurılıs jumısları úshın 2025-jılǵa 71.2 mlrd. sumlıq qarjı ajıratılǵan bolıp, avtomobil jolınıń usı aymaǵına asfaltobeton qaplamasın tósew rejelestirilgen. 

Házirgi waqıtta 708-710-km aralıǵında asfalt tósew jumısları ámelge asırılıp atır. 

Atap ótiw orınlı, usı avtomobil jolınıń 673-698 km aralıǵın cementobeton qaplamaǵa ótkeriw boyınsha da jumıslar dawam etpekte.