Jaslarǵa baǵıshlanǵan kún keń túrde belgilenbekte

Búgin Ózbekstan Respublikası Prezidenti Shavkat Mirziyoevtiń mámleketimiz jasları menen ushırasıwı ótkerildi. Onda mámleketimizdiń barlıq regionlarınan, sonıń ishinde Qaraqalpaqstannan videobaylanıs arqalı jaslar qatnastı. 


Ótkerilgen ushırasıwda mámleketimiz basshısı shıǵıp sóylep, barlıq jaslardı búgingi qutlı áyyyam - Jaslar kúni menen qızǵın qutlıqladı hám shıǵıp sóyledi. Onda sonday-aq, ilim, texnologiya, mádeniyat, kórkem óner, sport, isbilermenlik hám basqa da tarawlarda zamanlaslarına órnek bolıp atırǵan bir topar jaslarǵa húrmetli Prezidentimiz tárepinen sıylıqlar tapsırıldı. 

Ushırasıw juwmaqlanǵannan soń kóp milleti xalqımızdıń doslıq simvolına aylanǵan Nókis qalasındaǵı Qara úyde óz jónelisleri boyınsha joqarı nátiyjelerge erisip atırǵan bir topar jaslardı sıylıqlaw máresimi ótkerildi. 


Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, húrmetli Prezidentimiz tárepinen jaslarǵa qaratılıp atırǵan ayrıqsha itibar hám kórsetilip atırǵan atalarsha ǵamxorlıǵı haqqında keń túrde atap ótti.


Bunnan soń Qaraqalpaqstan Respublikası Joqarǵı Keńesi Prezidiumı qararı menen bir topar belsendi jaslarǵı «Watan pidayısı» hám «Úmit ushqını» kókirek belgileri tapsırıldı.