"Jańadárya" awılında jańa sport zal boy tikledi

Ózbekstan Respublikası Prezidentiniń 2024-jıl 24-dekabrdegi "2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında"ǵı PQ-454-sanlı qararına tiykar, Taxtakópir rayonında sociallıq taraw infrastrukturasın bekkemlew boyınsha bir qatar ámeliy jumıslar baslap jiberilgen.

Atap aytqanda, rayondaǵı «Jańadárya» APJ aymaǵındaǵı 19-sanlı ulıwma bilim beriw mektebi janında 2,141 mldr.sum qarjı tiykarında zamanagóy, barlıq talap hám normalarǵa juwap beretuǵın 12x24 ólshemdegi jabıq sport zal qurıw jumısları alıp barılmaqta.

Sport zaldıń paydalanıwǵa tapsırılıwı mektep oqıwshıları ushın dene tárbiyası shınıǵıwların joqarı sapada ótkeriw, sport dógerekleriniń jumısın keńeytiw, jaslar arasında salamat turmıs tárizin qáliplestiriwge xızmet etedi.