Tórtkúlde zamanagóy amfiteatr qurılısınıń irge tası qoyıldı

Húrmetli Prezidentimizdiń «2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında»ǵı 454-sanlı qararına tiykar arnawlı baǵdarlama qabıl etilip, usı tiykarda respublikamızda keń kólemli qurılıs-ońlaw jumısları alıp barılmaqta. 


Qarar sheńberinde búgin tórtkúlshiler ushın áhmiyetli hám tariyxıy waqıyalardıń biri júz berdi desek asıra aytqan bolmaymız. Búgin «Shadlıq» mákan puqaralar jıyınında 2000 orınlı zamanagóy Amfiteatr imaratın qurıw jumıslarınıń irge tası qoyıldı. 

Saltanatlı ilajda rayon hákimi I.Xudaybergenov, nuraniylar, keń jámiyetshilik wákilleri hám joybardı ámelge asırıp atırǵan kárxana basshıları qatnastı. Ilájda sózge shıqqanlar joybardıń rayon xalqınıń turmısındaǵı áhmiyetli haqqında keń túrde atap ótti.

Atap ótiw orınlı, arnawlı baǵdarlama sheńberinde 13 mlrd. sum qarjı ajıratılǵan bolıp, qurılıs jumısları alıp barılıwı belgilengen.