Qaraqalpaqstan Respublikası Joqarǵı Keńesiniń gezeksiz altınshı sessiyası bolıp ótti

Sessiyaǵa Ózbekstan Respublikası Bas Prokurorı N.Yuldashev, Ózbekstan Respublikası Oliy Majlisi Senatı, Qaraqalpaqstan Respublikası húkimeti aǵzaları, huqıq qorǵaw uyımları basshıları, ǵalaba xabar qurallarınıń wákilleri qatnastı.

Sessiyanı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kiris sóz benen ashtı hám basqarıp bardı.

Sessiya kún tártibinde Qaraqalpaqstan Respublikası Prokurorı tuwralı máselesi qarap shıǵıldı.

Sessiyada Qaraqalpaqstan Respublikası Prokurorı lawazımına Aminov Shoxrux Azamatovichtiń kandidaturası usınıldı.  

Aminov Shoxrux Azamatovich prokuratura uyımlarında juwapkershilikli lawazımlarda, sonnan, Sırdárya wálayatı prokurorı, Nawayı wálayatı prokurorı, Ózbekstan Respublikası Bas prokurorınıń orınbasarı lawazımlarında jemisli jumıs alıp barǵan.

Kún tártibindegi másele boyınsha deputatlar tárepinen qarar qabıl etildi hám Aminov Shoxrux Azamatovich Qaraqalpaqstan Respublikası Prokurorı lawazımına tayınlandı.

Usınıń menen Qaraqalpaqstan Respublikası Joqarǵı 
Keńesiniń gezeksiz altınshı sessiyası óz jumısın juwmaqladı.