Nókis rayonında jańa shańaraqlıq shıpakerlik punkti paydalanıwǵa tapsırıldı

Sońǵı jılları elimizde barlıq tarawlar qatarında medicina tarawına da ayrıqsha itibar qaratılıp, bul baǵdarda húrmetli Prezidentimizdiń tikkeley basshılıǵında keń kólemli jumıslar ámelge asırılmaqta. Usı tiykarda xalqımızdıń densawlıǵın jaqsılaw, olarǵa sapalı medicinalıq xızmet kórsetiw, medicina mákemeleriniń materiallıq-texnikalıq bazasın bekkemlew hám birlemshi medicinalıq xızmet kórsetiw mákemeleriniń jumısın túpkilikli jetilistiriw jańa basqıshqa kóterilip atır. 

Usınday iygilikli jumıslardıń dawamı sıpatında Nókis rayonı «Diyqan arna» mákan puqaralar jıyını aymaǵında Diyqan arna shańaraqlıq shıpakerlik punktı jańadan qurılıp, paydalanıwǵa tapsırıldı.

Húrmetli Prezidentimizdiń «Islam rawajlanıw banki hám OPEK xalıqaralıq rawajlanıw fondı qatnasıwında «Awıllıq jerlerdi turaqlı rawajlandırıw» joybarın ámelge asırıw ilajları haqqında»ǵı qararı menen ajıratılǵan 3mlrd.40 mln swm qarjı tiykarında qurılǵan bul obekt 50 nawqastı kabıllaw múmkinshiligine iye bolıp, imaratta laboratoriya, shanshıw xanası, emlew xanası, aftoklav xanaları puqaralar ushın xızmet etedi.