Húrmetli Qurılıs tarawı xızmetkerleri, Qádirli keleshegimiz qurıwshıları!

Húrmetli Qurılıs tarawı xızmetkerleri,
Qádirli keleshegimiz qurıwshıları!

Eń dáslep, mámleketimizde keń túrde belgilenip atırǵan Qurılıs tarawı xızmetkerleri kúni múnásibeti menen bárshe taraw pidayıları hám miynet veteranların qızǵın qutlıqlaymız.  

Hámmemizge belgili, mámleketimizdiń rawajlanıwın, xalqımızdıń abadan turmısın támiyinlewde siz ázizler, sheber qurılısshılar, injener-mexanikler, mashina-mexanizmlerdi basqarıp atırǵan pidayı insanlar, joybarlawshı-dizaynerler, qurılıs sanaatı wákilleriniń tutqan ornı ayrıqsha. 

Sizlerdiń tımsalıńızda qala hám awıllarımızda, pútkil elimizde jańa islep shıǵarıw kárxanaları, áhmiyetli sociallıq obektler, zamanagóy úy-jaylar, jol hám kópirlerdi qurıp, turmısımızdı ele de abat etiwge úlken úles qosıp atırǵan keńpeyil kásip iyelerin kóremiz.  

Miynetkesh xalqımız barqulla sizlerdiń mashaqatlı sonıń menen birge, maqtanıshlı miynetlerińizdi joqarı bahalaydı. 

Siz ázizlerdi jáne bir márte kásiplik bayramıńız benen qızǵın qutlıqlap, bársheńizge salamatlıq, shańaraǵıńızǵa amanlıq hám tınıshlıq, qut-bereket tilep qalamız.


Amanbay Orınbaev
Qaraqalpaqstan Respublikası Joqarǵı Keńesiniń Baslıǵı