Qaraqalpaqstanda 328,1 km jergilikli avtomobil jolları kapital ońlanadı

Húrmetli Prezidentimizdiń 2023-jıl 10-oktyabrdegi «Jol xojalıǵı tarawın bunnan bılay da jetilistiriw ilajları haqqında»ǵı 330-sanlı qararı tiykarında

Qaraqalpaqstan Respublikasında jergilikli áhmiyetke iye avtomobil jolların kapital ońlaw joybarı ámelge asırılıwı belgilengen.

Aziya infrastrukturalıq investiciyalar banki (AIIB) qatnasıwında qarjılandırılıp atırǵan joybardıń ulıwma bahası 106,3 mln. dollardı quraydı.

Joybar sheńberinde Qanlıkól, Kegeyli, Taxtakópir, Shomanay, Ámiwdárya, Beruniy, Nókis, Qaraózek, Qońırat hám Moynaq rayonlarında ulıwma paydalanıwdaǵı jergilikli áhmiyetke iye 328,1 km uzınlıqtaǵı ońlawǵa mútáj avtomobil jolların kapital ońlaw názerde tutılǵan.

Bul baslama Qaraqalpaqstan aymaǵında transport infrastrukturasın jaqsılaw, xalıqtıń háreket imkaniyatların keńeytiw hám ekonomikalıq belsendilikti arttırıwǵa xızmet etedi.