Jańadan qurılǵan 500 orınlıq studentler turaq jayı paydalanıwǵa tapsırıldı

Búgin Berdaq atındaǵı Qaraqalpaq mámleketlik universitetinde jańadan zamanagóy tipte hám Mámleketlik-jeke sheriklik tiykarında qurılǵan studentler turaq jayınıń paydalanıwǵa tapsırılıwına arnalǵan saltanatlı ilaj bolıp ótti. 

Onda Qaraqalpaqstan Respublikası Joqarǵı Keńesiniń komiteti baslıǵı M.Atamuratov shıǵıp sóylep, jańa imaratlar paydalanıwǵa tapsırılıwı múnásibeti menen jıynalǵanlardı qutlıqladı. 

Ilajda atap ótilgenindey, sońǵı jılları húrmetli Prezidentimizdiń basshılıǵında barlıq tarawlar qatarı bilimlendiriw tarawına da ayrıqsha itibar qaratılıp, bul baǵdarda keń kólemli ilajlar ámelge asırılmaqta. Ásirese, jaslardı joqarı bilimlendiriwge qamtıp alıw, olar ushın barlıq qolaylı sharayatlardı jaratıw boyınsha jumıslar jańa basqıshlarǵa kóterilmekte. 

Jańadan paydalanıwǵa tapsırılǵan studentler turaq jayınıń qurılıwı da mine usı baǵdardaǵı iygilikli islerden bolıp, zamanagóy arxitekturalıq standartlar tiykarında qurılǵan obekt ulıwma 500 studentti ózinde qamtıw imkaniyatına iye hám onda jaslardıń bos waqıtların mazmunlı ótkeriwi ushın barlıq qolaylı sharayatlar jaratılǵan.