Ellikqala rayonında jańa jumıs orınların jaratıw boyınsha ámelge asırılıp atırǵan jumıslar kózden ótkerildi

Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ellikqala rayonında xalıqtıń turmıs jaǵdayın jaqsılaw, jana jumıs orınların jaratıw baǵdarında ámelge asırılıp atırǵan jumıslardı úyreniw maqsetinde usı rayonda boldı.

Dáslep, rayonda jumıs alıp barıp atırǵan isbilermenlik subektleri barıp kórildi. Sonnan, «SALIM KURAMBOY» fermer xojalıǵında ámelge asırılǵan balıqshılıq joybarı hám «UMIDBEK ODILBEK» JShJniń ıssıxanada limon jetistiriw joybarı úyrenildi. Joqarǵı Keńes Baslıǵı jerden nátiyjeli paydalanıw boyınsha bunday joybarlar ele de keńnen en jaydırılıwı kerek ekenligin atap ótti.  

Bunnan soń, «Ellikqala» awılındaǵı «SHOX MEGA STROY BIZNES» JShJniń beton ónimlerin islep shıǵarıw joybarı, «Amirobod» awılındaǵı «ULLI MIRSAID OTA FIRMASI» kárxanasınıń qurǵaq beton aralaspaların islep shıǵarıw joybarı, «AMIROBOD JEYRON» innovaciyalıq paxta-ǵálle klasteri jumısları kózden ótkerildi. Isbilermenlerdiń óz jumısın ele de keńeytiwi ushın jaqınnan járdem beriw, bunıń ushın barlıq ilajlardı kóriw boyınsha juwapkerlerge anıq tapsırmalar berildi. 

«INNOGRAPX» JShJ tárepinen shólkemlestirilgen IT eksportı xızmetlerin usınıw, mámleketlik emes kadastr hám oqıw kursları jumısları kórip shıǵıldı. Isbilermenlerdiń bunday baslamaları kópshilikke úlgi sıpatında kórsetilip, bunday joybarlar sanın elede kóbeytiw boyınsha tapsırmalar berildi. Úyreniwler dawamında 60-sanlı shańaraqlıq poiklinikada ámelge asırılǵan sanlastırıw jumısları kórip shıǵıldı. 

Joqarǵı Keńes Baslıǵı bunnan keyin Ellikqala rayonında aldaǵı waqıtta ámelge asırılıwı tiyis wazıypalardı belgilep alıw maqsetinde kóshe biyleri hám nuranıylar menen ushırastı. Mashqalalar tıńlanıp, rejeler belgilendi.