Ellikqala rayonın sociallıq-ekonomikalıq jaqtan rawajlandırıw máseleleri keń túrde talqılandı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikalıq hám rayonlıq mákeme-shólkemler juwapkerleri qatnasıwında Ellikqala rayonın rawajlandırıw máselelerine arnalǵan májilis ótkerdi. 

Onda rayondı sociallıq-ekonomikalıq jaqtan rawajlandırıw, kámbaǵallıqtı qısqartıw, xalıqtıń bántligin támiyinlew hámde investiciyalıq joybarlardı ámelge asırıw baǵdarındaǵı ámelge asırılıp atırǵan jumıslar, xalıqtıń múnásip turmıs sharayatın támiyinlew, jańa jumıs orınların jaratıw, abadanlastırıw jumısların alıp barıw sıyaqlı belgilengen wazıypalardıń orınlanıwı máseleleri kórip shıǵıldı. 

Atap ótiw orınlı, ayırım orınlarda mákeme-shólkem basshıları hám juwapkerler, sonday-aq, máhálle belsendileri tárepinen belgilep berilgen wazıypalardı orınlawda kemshiliklerge jol qoyılmaqta. 

Májilis dawamında juwapkerler eskertilip, ayırımlarına intizamiy jaza sharasın qollaw, zárúr bolsa lawazımına ılayıqlıǵın kórip shıǵıw boyınsha tapsırmalar berildi.